Популярни библейски стихове от Mattheos 18

Споделяне

Tukten nom yamni, micaje on mniciyapi kinhan, hen wiciyopeya waun ece.

Akeś heciciyapi; Tuwe nom maka akan taku wanjidan yadapi kta e wayeconzapi kinhan, Ate maḣpiya ekta un kin he ecen ecawicakicon kta.

Unkan Jesus hokśiyoqopa wan kico qa wicacokaya ehnaka; Qa heya; Awicakehan heciciyapi; Nihduhomnipi śni, qa hokśiyoqopa iyenicecapi śni kinhan, maḣpiya wokiconze kin en yaipi kte śni.

Tuwe ihduhukuye c̣a hokśiyoqopa kin de iyecen canteyuze cinhan, maḣpiya wokiconze kin en iyotan tanka kin hee.

Qa tuwe hokśiyoqopa dececa wan, micaje on, iyowinkiye cinhan, he miye iyowinmakiya ece.

Awicakehan heciciyapi; Taku maka akan yakaśkapi kinhan, he maḣpiya ekta kaśkapi kta; qa taku make akan yakiduśkapi kinhan, he maḣpiya ekta kiyuśkapi kta.

He iyecen, Ate maḣpiya ekta un kin ecaniconpi kta, otoiyohi cante eciyatanhan nisunkapi tona waniciḣtanipi kin wicayecicajujupi śni kinhan

Qa tuwe hokśiyoqopa kin dena, wacinmayanpi kin, wanji waḣtanikiye cinhan, he inyan wiyutpan wan tahu en iyakaśkapi, qa iye miniwanca ośbe kin en iyoḣpeyapi unkanś waśte kta tuka.

Hecen token idukcanpi he. Wicaśta wan taḣinca wanunyanpi opawinge wicayuhe, c̣a etanhan wanjidan kitaninśni hecinhan, wikcemna napcinwanka sanpa napcinwanka hena owanjidan ewicahnake c̣a ḣe kin ekta iyaye c̣a wanji taninśni kin he okide śni he.