Популярни библейски стихове от Matthew 13

Споделяне

Ikemu apitì aghüma kivi lo ikiqi ilo keu kiqi ye Alhou tsà chilu püzü ti vethalu kemiqo ke. Hipaqo no athi pithítsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

Asahuli dolo apitì ikiqi ilove keu kiqi ye khunoqo no Alhou tsà hu chilu, ikemu hipau küxü lo muloküsaqo eno aküakini pishikiqhi no Alhou tsà hu küpühalu no tino athi pithí mülave pe chekeu kiqi ke.

Khukhumu akükaqha kükütsü tsà ghili chilu no tipau vethalumove kelo, küsaküghau no ighino kiu amlo lo xusü püani keno süxa pesü wuve cheni. Hiye apitì alaphe lo xusüve keu kiqi ke.

Apitì atusaye yeghi shou ikiqi iku keu ye khunoqo no Alhou tsà chilukhavi alokivishi ikhilu keno tipaqo ke. Ikemu panongu ye akuhu qüsümo kehu, ado ikhonhei likhi xü cheni. Kughou atsakiviu ghenguno aküpüna eno kijipüsa keu ighini keno, panongu ye paikhavi aküpülü pheve cheni.

“Kungugha kükaqha ye alu lo akinikhuki küsüpüa keu toi ke. Kughou timi lakhi no ti ithuluni keno, pa no tipau itaghi küsüve cheni, eno alokivishi wo no pa no pighi akeu kümtsü jeve püzü alu tipau qhüluve cheni.

Tishimu apitì hami ye aghüma kivi lo ikiqi ilolu, eno athi kutomo pithílu; apitì vesü keu lo hami no aqhe, hami no lhotsügho eno shighi ishi küghüsü ghi pithílu.

Ghile kutólo tishi kümtsa thuwu aghí pelo. Tipau ghuloki lono ino ghile hu kemiqo vilo ishi pive nani: Atüghishi alupiqo pekütsülo eno tipaqo ye pitive kepu shi amqo shi tsügha kumqolo; tithiu no athì pekütsü pesü ile lo süghilo.’ ”