Популярни библейски стихове от Kalappasam 10

Споделяне

Iya ma'kadam DEBATA lako Musa naua: <<Laoko pellambi'i Firaun, aka puham kupomakahha' penabanna sola ingganna to mengkähäna, anna mala kupadadi inde tanda memängä-mängäKu illaam alla'-alla'na, anna mala toi untulasam lako ingganna pessubummu, maaka susi kupakamaho-maho to Mesir, anna ingganna tanda memängä-mängä kupogau' illaam alla'-alla'na. Lambi' ungka'da' ungkaleso muua Kaom too inde DEBATA.>>

Mane ma'kadai DEBATA lako Musa naua: <<Pentuhoanni limammu längäm langi', anna mala sule malillim umputu' lembäna Mesir, nasuhum sikahama' hupatau.>> Iya umpentuhoammi duka' limanna Musa längäm langi', lambi' malillim pättä salembä Mesir tallungngallo tallu bengi. Indo to Mesir tä'um siita-ita, anna tä'um mala tilengka' dio mai ongeanna tallungngallo tallu bengi, sapo' tontä ia asi-asiam kaliane dio ongeanna to Israel.

Iya muäkä'um tekkenna Musa illaam lembäna Mesir, iya napasulem DEBATA illaam lembä ia too hibu' buttu illaam mai tandai mata allo sangngallo sabengi. Makale'na sia iko mebengngi', sasuleammi bati' buda nababa indo hibu' buttu illaam mai tandai mata allo. Indo bati' buda tikängkä illaam lembäna Mesir, hampo umponnoi ingganna ongeam dio Mesir, tä' dibela dihekem budanna. Tando lakona eta too, tä'pi deem kende' bati' la pada budanna, anna puhanna eta too tä'um deem kende' pole la susi budanna.