Популярни библейски стихове от Vygiiben 10

Споделяне

I phendiá Raj Devél Mojzáske: “Zadžá ke faraóno, pal-dová so Me kerdjom pharó léskiro iló i léskire pishar'jengiro, sob (kaj) te sykavav maškír lénde dalé Miré dívy, i sob (kaj) tu te rosphenes tyré čhavéske i tyré-čhavéskire čhavéske pal dová, so Me kerdjom dro Jegípto, i pal Miré dívy, savé Me sykadjom pir léste, i sob (kaj) tumé te džinén, so Me som Raj Devél”

I phendiá Raj Devél Mojzáske: “Ĥazde tyró vast ke bolybén, i javéla kalypén (ciamlypén) pe Jegiptóskiri phuv dasaví ĥensto, so počhuinesa les.” Mójza ĥazdyjá péskiro vast ke bolybén, i sys ĥensto kalypén pir sarí Jegiptóskiri phuv trin dyvesá; i na dykhné manušá jekh jekhés, i nikón na uštyjá péskire štetóstyr trin dyvesá; Izrailjoskire čhavénde sarénde sys dud (svéto) dre léngire kherá.

I ĥazdyjá Mójza péskiro destó pe Jegiptóskiri phuv, i Raj Devél jandiá pe daja phuv vastokóstyr balvál, saví sys saró dová dyvés i rat. Jaciá zlóko (ránko), i vastokóstyr balvál lydžijá phakitkone skočken (saranča). I pyné phakitka skočki pe sarí Jegiptóskiri phuv, i pasine pir sarí Jegiptóskiri rig drieván but; angledýr na sys dasaven phakitkone skočken, i paló davá na javéla dasaven