Bible translation: Taita © Bible Society of Kenya, 1997 Recording of the New Testament ℗ Hosanna, 2019

Taita-1997 KENBS (NT) Drama

<div class="version vid2138 iso6393dav" data-vid="2138" data-iso6393="dav">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Machilo gha Johane M'baputizi</div><div class="r">(Mk. 1.1-8; Lk. 3.1-18; Joh. 1.19-28)</div><div class="p"> 1Matuku agho Johane M'baputizi ukacha kireti cha Judea ukazoya kuchila 2ukighamba, &#8220;Heenyi angu wuzuri ghwa Mlungu ghwavika kaavui.&#8221;#Mat. 4.17; Mk. 1.15 3Johane nuo mlodi Isaya oreghorieghe malagho ghake ukighamba,</div><div class="q">&#8220;Lwaka lwa mndumu lwasikirika kireti,</div><div class="q">&#8216;Boisenyi chia ya Bwana,</div><div class="q">ghoruonyi mivori yake.&#8217;&#8221;#Isa. 40.3</div><div class="p"> 4Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.#2 Waz. 1.8 5Wandu wikamchea kufuma Jerusalemu, na isanga jose ja Judea, na mbai-mbai ya moda ghwa Jordani kose; 6wikihea kaung'a rawo, nao ukawibaputiza modenyi ghwa Jordani.</div><div class="p"> 7Nao iji Johane wawiwona Mafarisayo wengi na Masadukayo wikimchea uwibaputize ukawizera, &#8220;Inyo kivalwa cha choka! Nani umfundire mughikimbie agho makabo ghichagha?#Mat. 12.34; 23.33 8Idana wonyerenyi kwa mabonyo ghenyu seji mwahea. 9Hata msakeghesha mkighamba wei, &#8216;Isi de wana wa Abrahamu.&#8217; Angu namghoria, Mlungu wadima kughibonya magho agha ghiwuye wana wa Abrahamu.#Joh. 8.33 10Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.#Mat. 7.19 11Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo. 12Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.&#8221;</div><div class="s">Wubaputizo ghwa Jesu</div><div class="r">(Mk. 1.9-11; Lk. 3.21-22)</div><div class="p"> 13Ngelo iyo Jesu ukacha Jordani kufuma Galilaya upate kubaputizwa ni Johane. 14Ela Johane ukazoya kumghiria ukimzera, &#8220;Wele oho kuacha kwapo, na ni ini inifwaneghe niche kwako kunibaputize?&#8221; 15Jesu ukamzera, &#8220;Leka ikaie huwu idana, angu kwa chia ihi dichaghikatisha agho Mlungu ughikundagha.&#8221; Nao Johane ukamrumiria.</div><div class="p"> 16Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake. 17Na lwaka lukasikirika kufuma mlungunyi lukighamba, &#8220;Uhu nuo Mwana wapo mkundwa, uniboiagha loli-loli.&#8221;#Kuz. 22.2; Zab. 2.7; Isa. 42.1; Mat. 12.18; 17.5; Mk. 1.11; Lk. 9.35</div>
 </div>
 </div>
</div>

Matuku agho Johane M'baputizi ukacha kireti cha Judea ukazoya kuchila ukighamba, “Heenyi angu wuzuri ghwa Mlungu ghwavika kaavui.” Johane nuo mlodi Isaya oreghorieghe malagho ghake ukighamba,
“Lwaka lwa mndumu lwasikirika kireti,
‘Boisenyi chia ya Bwana,
ghoruonyi mivori yake.’”
Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti. Wandu wikamchea kufuma Jerusalemu, na isanga jose ja Judea, na mbai-mbai ya moda ghwa Jordani kose; wikihea kaung'a rawo, nao ukawibaputiza modenyi ghwa Jordani.
Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha? Idana wonyerenyi kwa mabonyo ghenyu seji mwahea. Hata msakeghesha mkighamba wei, ‘Isi de wana wa Abrahamu.’ Angu namghoria, Mlungu wadima kughibonya magho agha ghiwuye wana wa Abrahamu. Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi. Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo. Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”


Ngelo iyo Jesu ukacha Jordani kufuma Galilaya upate kubaputizwa ni Johane. Ela Johane ukazoya kumghiria ukimzera, “Wele oho kuacha kwapo, na ni ini inifwaneghe niche kwako kunibaputize?” Jesu ukamzera, “Leka ikaie huwu idana, angu kwa chia ihi dichaghikatisha agho Mlungu ughikundagha.” Nao Johane ukamrumiria.
Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake. Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

Слушайте MATHAYO 3