Ісус, Ты мне патрэбныУзор

У сёньняшні дзень мы настолькі поўныя саміх сябе, што мы таго нават і не заўважаем, але нам дужа патрэбна быць поўнымі Хрыстом. Цірэдка цяжка нават убачыць, наколькі нашыя шляхі адрозьніваюцца ад Ягоных, бо — нягледзячы на тое, у якім доме нас выгадавалі (хрысьціянскім або іншым) — з-за нашага граха, які стала прысутнічае ў нас, і з-за таго, што мы выгадаваліся ў царкве ў межах пэўнай культуры, мы прыдбалі звычкі, паводзіны, узоры мысьленьня і разважаньня не ад Хрыста, а ад іншых крыніцаў, нават таго і не ўсьведамляючы.

Павал меў такую мэту: “Бо для мяне жыцьцё - Хрыстос” (Піліпянаў 1:21). Хрыстос не заўсёды быў жыцьцём Павала. Тое зьдзейсьнілася толькі тады, калі Ісус стаў насупроць яго на дарозе на Дамаск, пераканаў яго ў ягонай грэшнасьці, і калі ён з Божай мілаты зразумеў, хто такі Ісус (Дзеі 9:1-19). Зрабеце Ісуса вашай малітвай і накіруйце вашыя маленьні да Яго. Папрасеце Ісуса даць вам здольнасьць шукаць Яго найперш, як Ён загадаў у Мацьвея 6:25-33.

“Ісусе, Ты патрэбны мне. Я ня здолею жыць безь Цябе.

Ісусе, Ты ня проста ідэя, дактрына, нагода, ці ліст рэчаў, што я магу і не магу рабіць. Ты патрэбны мне і я жадаю Цябе! Я хачу знаць Цябе лепей, чым я знаю кагосьці іншага — маю сям’ю, маіх сяброў, майго найлепшага сябра, нават самога сябе. Я прагну мець магчымасьць сядзець побач з Табой, праводзіць час у Тваёй прысутнасьці, задаваць Табе пытаньні, якія поўняць мой розум і маё сэрца. Я хачу мець магчымасьць бегчы да Цябе, класьці маю галаву на Тваё плячо, адкрываць Табе маё сэрца і адчуваць, як Ты абдымаеш мяне і кажаш мне праўду — нават цяжкую праўду. Мне патрэбна Твая дапамога, Твая ласка і Твая міласэрнасьць. Я ня здолею жыць адзін.”

У заключэньне, памаліцеся, выкарыстоўваючы Мацьвея 6:25-33. Заўтра мы памолімся яшчэ адной малітвай, якой вы зможаце карыстацца кожны дзень, пакуль адчуваеце жаданьне тое рабіць.