Біблія для дзяцейУзор

БОГ СТВАРЫЎ УСЁ! Калі Бог стварыў першага чалавека, Адама, той стаў жыць у Эдэмскім садзе разам са сваёй жонкай Евай. Яны былі абсалютна шчаслівыя, падпарадкоўваючыся Богу і атрымліваючы асалоду ад Яго прысутнасці – да аднаго дня ...

“ Ці сказаў вам Бог ня есці ад усялякага дрэва?” – запытаў змей Еву. “Мы можам есці ад усялякага дрэва, акрамя аднаго”, – адказала яна, – “Калі мы з’ямо плод ад гэтага дрэва ці нават кранёмся яго, мы памром”. “Вы не памраце.. ” – ухмыльнуўся змей. “Вы станеце як Бог”. Еве вельмі захацелася пакаштаваць. Яна паслухалася змея і зʼела плод.

Пасля таго, як Ева не паслухалася Бога, яна прывяла і Адама пакаштаваць плод. Адам павінен быў сказаць: “Не! Я буду слухацца Божага Слова”.

Калі Адам і Ева зграшылі, яны абодва дазналіся, што голыя. Каб пакрыць сябе, яны пашылі фартухі з фігавага лісця. Потым яны схаваліся ад Божай прысутнасці ў кустах.

Падчас вячэрняй прахалоды Бог прыйшоў у сад. Ён ведаў, што зрабілі Адам і Ева. Адам абвінаваціў Еву. Ева абвінаваціла змея. Бог сказаў: “Змей пракляты. А жанчына будзе адчуваць боль падчас нараджэння дзяцей”. “Адам, зямля будзе праклятая з-за таго, што вы зграшылі. Яна пакрыецца шыпамі і чартапалохам. Ты будзеш цяжка працаваць і пацець, каб атрымаць ежу на дзень”.

Бог выдаліў Адама і Еву з цудоўнага саду. З-за свайго граху яны разлучыліся з Богам, які дае жыцця!

Бог стварыў агністы меч, каб трымаць іх найдалей ад саду. Таксама Бог стварыў скуранае адзенне для Адама і Евы. Але адкуль Бог узяў скуру для яго?

З цягам часу ў Адама і Евы нарадзілася сямʼя. Каін, іх першы сын, вырошчваў расліны. Авель, іх другі сын, быў пастухом. Аднойчы Каін прынёс Богу ў падарунак сваю гародніну. Авель, у сваю чаргу, падараваў Богу самых лепшых сваіх авечак. Бог быў задаволены падарункам Авеля.

Бог не быў задаволены падарункам Каіна. Тады Каін вельмі раззлаваўся. Але Бог сказаў: “Калі ты робіш тое, што правільна, ці не будзеш прыняты?”

Аднак гнеў Каіна не сыходзіў. Праз некаторы час ён напаў на Авеля ў полі – і забіў яго!

Бог сказаў Каіну: “Дзе брат твой, Авель?” “Я не ведаю” – схлусіў Каін, – “хіба я вартаўнік майму брату?” Бог пакараў Каіна, пазбавіўшы яго магчымасці вырошчваць гародніну, і зрабіў яго вандроўнікам.

Каін выйшаў з прысутнасці Госпада. Ён ажаніўся з дачкой Адама і Евы, і яны стварылі сямʼю. Неўзабаве, унукі і праўнукі Каіна запоўнілі заснаваны ім горад.

Між тым, сямʼя Адама і Евы таксама хутка расла. У тыя часы людзі жылі значна даўжэй, чым сёння.

Калі ў Евы нарадзіўся сын Сіф, яна сказала, “Бог даў мне Сіфа замест Авеля”. Сіф быў набожным чалавекам, ён пражыў 912 гадоў і меў шмат дзяцей.

Людзі ў свеце рабіліся ўсё больш і больш злыя, пакаленне за пакаленнем. Урэшце, Бог вырашыў знішчыць чалавецтва а таксама ўсіх звяроў і птушак. Бог пашкадаваў, што стварыў людзей. Але адзін чалавек дагадзіў Богу ...

Гэтага чалавека звалі Ной, ён быў нашчадкам Сіфа. Ной быў праведны і беззаганны чалавек. Ён слухаўся Бога. Ён таксама навучыў трох сваіх сыноў быць паслухмянымі Богу. Цяпер Бог планаваў выкарыстаць Ноя вельмі дзіўным і адмысловым чынам!

Канец