У пагоні за супакоемУзор

У згодзе зь іншымі

Некаторыя цэрквы практыкуюць “абмен супакоем”, які сымбалізуе хрысьціянскую любоў ды адзінства сярод вернікаў. Але ж прызвычаіўшыся да выкананьня традыцыяў, лёгка забыцца на багаты сэнс, які яны нясуць у сабе. Моцная грамадзкасьць — гэта грамадзкасьць, якая жыве ў згодзе і сее тое ў жыцьцё іншых. Улічваючы хуткасьць, зь якою расьце ў нашых грамадзтвах індывідуалізм, сьцены робяцца ўсё вышэйшымі, і становіцца ўсё цяжэй дзяліцца любоўю й супакоем зь незнаёмымі людзьмі.

Дзяліцца супакоем зь іншымі можа выглядаць так проста, як наведаць пажылых суседзяў, прапанаваць кубак вады, накарміць чалавека, які жыве ў нястачы, дагледзець дзіцё. Або дараваць чалавеку, які пакрыўдзіў вас, выказацца ў падтрымку прыгнечаных, зрабіць нешта добрае звыш абавязку, нават калі ня надта хочацца, ці папросту папрасіць прабачэньня. Гэткія ўчынкі павінны быць закарэненыя ў жыцьцё, поўнае малітвы. Малітвы за сапраўдны супакой і падрыхтоўку да Божага Валадарства на гэтай зямлі.

Афрыканскія прыказкі:Калі ў краіне супакой, кіраўнік ня носіць шчыта.~ Угандзкая прыказка.

Калі кароль мае добрых дараднікаў, ягонае ўладарства мірнае.~ Ашанцкая прыказка.

Tearfund бачыць рэальныя гісторыі ператварэньня і будаўніцтва супакою.Прачытайце гісторыюаб тым, як адзін з супольнікаў Tearfund дапамог спыніць хвалю нянавісьці ў грамадзкасьці Нігерыі.

Дзеяньне:

Ці патрэбна вам усталяваць супакой у вашых адносінах з пэўнымі людзьмі? Папрасеце іх сустрэцца і патлумачце ім, чаму вам тое патрэбна. Папрасеце Бога паказаць вам, як любіць і дараваць як Хрыстос.