ДабраславёныУзор

«Абарона»

Павага абароніць вас ад раптоўных нападаў вашых супраціўнікаў. Стагодзьдзямі адной са стратэгіяў Шатана было вынішчэньне верагоднасьці хрысьціянства і падрыў рэпутацыі Царквы.

Страта верагоднасьці можа зрабіць вас нядзейсным, бо ў дадатак вы можаце страціць аўтарытэт, дабраславеньне ды пазыцыю ўплыву, што мелі раней. Сумленнасьць, праведнасьць ды павага забясьпечваюць надзейную ахову ад зброі вашага ворага, д’ябла. Божае Слова абяцае:

«Ніякая зброя, зробленая на цябе, ня дасьць посьпеху; і кожны язык, які будзе спаборнічаць з табою на судзе, – ты зьвінаваціш. Гэта спадчына рабоў Госпада» (Ісаі 54:17).

Магчыма, што супраць вас будуць гатаваць зброю, але яна напэўна ня дасьць посьпеху, хіба толькі калі вы зробіце сябе лёгкай мішэньню. Біблія выразна вучыць нас: «не давайце месца д'яблу» (Эфэсянаў 4:27).

Не даючы яму ніякай магчымасьці, ні перавагі, ні дазволу дзейнічаць у вашым жыцьці, вы спыніце ягоныя спробы рабаваць у вас Божыя дабраславеньні.

Каб стаць добрым гульцом у тэніс, вы павінны навучыцца блякаваць куты – так, каб вашаму апанэнту было цяжка вам забіць. Гэтаксама вы можаце супрацьстаяць стратэгіям д’ябла – блякуючы куты і ведаючы ягоныя намыслы. Шатан ніколі не гуляе сумленна. Калі ў вашым жыцьці ёсьць справы, якія даюць яму прастору дзейнічаць, то разьбярыцеся зь імі. Калі вы тое ня зробіце, то вы будзеце даваць яму магчымасьць скарыстацца імі супраць вас. Жывучы, трымаючыся Божых правілаў, вы можаце зачыніць дзьверы перад ім і абараніць вашае сужэнства, эмоцыі, здароўе ды фінансы.

У ВАШЫМ ЖЫЦЬЦІ
Ключ да аховы ад ворагу – гэта жыцьцё згодна з Божымі правіламі: у стасунках з Богам і ўзмоцненае Божай ласкай. Ці ёсьць у вашым жыцьці якія сфэры, што маюць адтуліну, празь якую можа пралезьці вораг? Памалецеся аб гэтым Госпаду, унясеце зьмены ды абаранеце кожную частку вашага жыцьця, жывучы згодна з Божым Словам.