Сямейная варожасць

Дэні Сааведра

“ Дык вось, няхай я, раб твой, замест хлопца застануся рабом у гаспадара майго, а хлопец няхай ідзе з братамі сваімі...” – Быццё 44:33 (пераклад В. Сёмухі)

Ці памятаеце вы Ізраіля з гісторыі, што мы чыталі ўчора? У яго быў сын Язэп, і ўсе ягоныя браты страшэнна зайздросцілі яму. На самай справе, яны вырашылі прадаць Язэпа рабом у іншую сям'ю. Праз некалькі гадоў Язэп з раба ператварыўся ў другога чалавека пасля фараона (гэта нехта накшталт цара) у Егіпце.

У сям'і Язэпа не было ежы, таму яны прыйшлі ў Егіпет за дапамогай. Калі яны патрапілі туды, то нават не пазналі свайго брата. Язэп адправіў іх назад і папрасіў прывесці іх брата Бен'яміна. Яго брат Іуда сказаў, што паклапоціцца пра яго ў падарожжы.

Калі яны вярнуліся ў Егіпет, Язэп вырашыў праверыць сваіх братоў, каб зразумець ці перасталі яны быць злымі і зайздроснымі. Ён паклаў срэбны келіх у сумку Бен'яміна, каб усё выглядала так, быццам бы ён яе скраў. Калі Бен'яміна абвінавацілі ў крадзяжы, Іуда сказаў, што панясе пакаранне замест яго, хоць ён не рабіў гэтага на самой справе. Тое, што Іуда хацеў зрабіць для Бен'яміна, было падобна на тое, што Ісус зрабіў для нас, калі ён добраахвотна памёр, каб выратаваць нас ад нашых грахоў.

Калі Язэп убачыў, як добра Іуда паставіўся да Бен'яміна, ён нарэшце сказаў, што ён іх брат, і яны радаваліся разам. Як і Язэпу, нам ніколі не позна дараваць іншым, асабліва членам нашай сям'і.