Ператварэньне блуднага сына з Кайлам АйдлманамУзор

Рэцэпт для "AHA"

Мая жонка мае кухарскую кнігу дома, якую яна атрымала ў падарунак на нашае вясельле. Яна называецца “The Three Ingredients Cookbook” (“Рэцэпты з трох складнікаў”). Але мая жонка амаль не карыстаецца ёй. Звычайна, калі яна гатуе, яна выкарыстоўвае больш за тры складнікі. Насамрэч, “Рэцэптамі з трох складнікаў” карыстаюся я.

Калі ў рэдкіх выпадках мне дазваляюць нешта прыгатаваць, то тая кніга — мой надзейны сябра, бо, шчыра кажучы, для маіх кухарскіх здольнасьцяў трох складнікаў цалкам дастаткова. Праз шматлікія памылкі я зразумеў, што калі я карыстаюся “Рэцэптамі з трох складнікаў”, то я мушу выкарыстоўваць усе тры складнікі, бо кожны зь іх зьяўляецца істотным, не, нават абсалютна неабходным.

Вось гэта - адмоўны бок “Рэцэптаў з трох складнікаў”. Змахляваць немагчыма. Калі ты выкарыстаеш толькі два складнікі, то атрымаецца не тое, што трэба.

Тое ж самае адбываецца і са складнікамі “AHA” (Анг. “AHA” — Awakening, Honesty, Action, што ў перакладзе азначае “Абуджэньне, адкрытасьць, дзеяньне”).

На працягу многіх гадоў я чуў пра іх ад сотняў, а можа і ад тысячаў людзей. Я дасьледаваў ператварэньні ключавых герояў Бібліі. Уражвае тое, што “AHA” нязьменна мае тры складнікі. Калі нейкага з наступных складнікаў не стае, то працэс пераўтварэньня не ўдаецца:

(1) Раптоўнае абуджэньне (2) Поўная адкрытасьць (3) Неадкладнае дзеяньне

Калі ёсьць абуджэньне і адкрытасьць, але няма дзеяньня, то “AHA” не адбываецца.

Калі ёсьць абуджэньне і дзеяньне, але адсутнічае адкрытасьць, то “AHA” будзе трываць нядоўга.

Але калі Божае Слова і Сьвяты Дух зьяднаюць гэтыя тры рэчы ў вашым жыцьці, то вы перажывяце “AHA” момант, які зьменіць усё.

Ці гатовыя вы перажыць “AHA”, што зьменіць вас? Ці падрыхтаваныя вы зрабіць гэтыя тры крокі?