Грэг і Эмі Грошэл: Ад гэтага дняУзор

“Заставайцеся чыстымі” Людзі месяцамі плянуюць сваё вясельле, але часам забываюцца на сямейнае плянаваньне. Мы можам наведваць заняткі па падрыхтоўцы да вясельля ці размаўляць са служыцелем, які праводзіць цырымонію, але часта мы не да канца шчырыя, размаўляючы пра тое, што мы прыносім у стасункі. Мы можам нават не ўсьведамляць, як нашы прывычныя думкі й паводзіны могуць пагражаць нашаму саюзу. Божым стандартам для сэксуальнай блізкасьці зьяўляецца сужонскі ложак, і менавіта сужонкая блізкасьць пакутуе больш за ўсё ад багажу сэксуальных грахоў, якія прыносяцца ў стасункі. Любая крыніца сэксульнай стымуляцыі: беспарадкавыя сувязі ў мінулым, музыка з эратычным падтэкстам, пачуцьцёвыя раманы, незагоеныя раны ад гвалту, парнаграфія — якая знаходзіцца па-за вашым шлюбам, зьяўляецца сур'ёзнай пагрозай. Не істотна, наколькі вам атрымалася пераканаць сябе, што гэта бясшкодна. Хаваючы гэта ад сужонка, вы адчыняеце дзьверы здрадзе й зачыняеце іх для сужонскай блізкасьці. Ці хочаце вы разам збудаваць бар'ер, каб не дапусьціць гэтых пагрозаў? Ці згодныя вы абмежаваць сваю свабоду, каб быць моцным перад спакусамі? Ці вы гатовыя адкрыта паказаць свой расклад, размовы, гісторыю браўзэра? Зрабіце гэта, калі вы моцныя, каб абараніцца, калі саслабееце. Папрасіце Бога паказаць вашыя хібы — і выправіць іх. Ці будуць зрывы? Ці будуць няўдачы? Хутчэй за ўсё. Разьбірайцеся з праблемамі, калі яны будуць надыходзіць. Прасіце Бога дараваць вам. Прасіце вашага сужонка дараваць вам. Але змагайцеся за чысьціню. Гэта істотна. Давайце памолімся: Ісус, Ты заплаціў такі высокі кошт, каб зрабіць нас чыстымі новымі стварэньнямі. Толькі Ты можаш зрабіць нас чыстымі ў Сваіх вачах. Дапамажы нам мець сьмеласьць заставацца чыстымі. Дай моцы прабачаць і захавай нашыя сэрцы ад разбуральнага дзеяньня граху. У імя Ісуса Хрыста, амэн.