Жыцьцёвыя правілы, якіх варта прытрымліваццаУзор

Жыцьцёвае правіла нумар 2: Слухайся Бога ды пакінь усе наступствы Яму.

Паслушэнства часам даецца нялёгка, асабліва калі мы адчуваем спакусу верыць, што празь яе мы страцім больш, чым атрымаем. Аднак слухацца Бога зьяўляецца істотным, калі мы жадаем дагаджаць Яму – і ня толькі падчас спакусы, але наогул увесь час.

Калі Бог загадвае нам слухацца Яго, Ён дае нам правілы, па якіх трэба жыць. Да таго ж, Ён таксама ўсталёўвае структуру вакол нашага жыцьця, што ўтварае бар’ер, які ахоўвае нас ад зла.

Ці вы можаце прыгадаць апошні раз, калі вас вельмі вабіла зрабіць адваротнае таму, што Бог жадаў, каб вы зрабілі? Бадай што, у вашым сэрцы выбухнула цэлае змаганьне. Узьніклі пытаньні: Ці паслушэнства Богу будзе каштаваць мне болей, чым непаслушэнства? Ці я магу зазнаць большае шчасьце, зграшыўшы, чым слухаючыся Бога?

Калі мы абіраем слухацца Бога, то мы ідзем шляхам мудрасьці. Ягоныя абяцаньні аб дабраславеньнях за паслухмянасьць бяруць верх над любымі магчымымі наступствамі. Ён просіць нас падпарадкавацца Яму ды пакінуць Ягонай добрай руплівасьці ўсё, што можа здарыцца апасьля.

Мы павінны памятаць, што Бог любіць нас і што Ён адданы нам. Ён загадвае нам слухацца Яго не таму, што Ён строгі наглядчык, а таму, што Ён ведае спусташальныя наступствы, якія прынясуць у нашае жыцьцё грэх ды непаслушэнства.

Паслушэнства не заўсёды даецца лёгка – магчыма, што вас будуць крытыкаваць іншыя або нават замінаць і перашкаджаць вам – але паслушэнства заўсёды паставіць вас у добрую пазыцыю перад Богам. Ён парупіцца пра ўсё, што датычыцца вас. Дык заставайцеся ж на шляху паслушэнства й дазвольце Яму дбаць пра ўсё астатняе.