Казані ў час посту. Заснаваныя на Holy Bible: MosaicУзор

Што такое Вялікі пост?

Для некаторых хрысьціянаў — гэта неад'емная частка духоўнага жыцьця, а іншыя ня ведаюць, што гэта такое. Вялікі пост — гэта перадпасхальны час, час, у які хрысьціяне традыцыйна рыхтуюць свае сэрцы да Пасхі. Разважаюць над Пісаньнем, каюцца ды моляцца. Пачынаецца ён з Папяльцовай серады і цягнецца сорак дзён, ня лічачы нядзелі, і сканчваецца Вялікай пятніцай і Вялікай суботай. Паколькі нядзелі — гэта штотыднёвыя сьвяткаваньні ўваскрасеньня Ісуса, шэсьць нядзеляў падчас Вялікага посту ня лічацца ягонай часткай. Падчас посту хрысьціяне правяраюць свае сэрцы і каюцца. Шмат хрысьціянаў у гэты час посьцяць, але асноўнай мэтай гэтага зьяўляецца не адмаўленьне ад чагосьці, а факусаваньне на Госпадзе й Ягоных мэтах.

Гэта істотны пэрыяд году ў царкве. Царкоўны каляндар — цудоўны спосаб дапамагчы нам засяродзіцца на Богу і арганізаваць свой час. Замест таго, каб жыць па больш звыклым сьвецкім календары, які базуецца на сэзонах году, царкоўны каляндар арганізаваны вакол Бога і Ягоных дзеяў у сьвеце. Царкоўны каляндар складаецца з шасьці пэрыядаў рознай даўжыні: адвэнт, Раство, Богаяўленьне (Эпіфанія), Вялікі пост, Вялікдзень, Пяцідзясятніца. Кожны з гэтых пэрыядаў мае свой фокус: час адвэнту прысьвечаны чаканьню прыйсьця Божага на зямлю і ў сэнсе нараджэньня Ісуса , і ў сэнсе апошняга прыйсьця. Раство абвяшчае нараджэньне Хрыста. Богаяўленьне заклікае нас бачыць сьвятло Божай прысутнасьці на зямлі. Вялікі пост прамаўляе пра чалавечы грэх і цудоўнае Божае збаўленьне. Вялікдзень кажа пра жыцьцё пасьля ўваскрасеньня. Пяцідзясятніца нагадвае пра дзеяньне Духа Сьвятога ў сьвеце. Жыцьцё паводле гэткага календара можа моцна ўплываць як на асабістае духоўнае жыцьцё, так і на духоўнае жыцьцё царкоўнай супольнасьці.

Калі вам падабаецца гэты плян, пашукайце Holy Bible: Mosaic. Гэта папяровая Біблія, у якой вы знойдзеце ўсё, што будзе ў гэтым пляне, плюс каляровыя малюнкі й тэксты на кожны тыдзень царкоўнага календара.