Lituto za Siraki 48
48
Elia
1 #
1 Male 17.1-24; 18.38; 19.15-16; 2 Male 1.10-16; 2.11; Mala 4.5-6 Cwale mupolofita Elia a zuha
sina mulilo,
mi manzwi a hae a tuka
inge lumonyi.
2N'e li yena ya n'a ba tiselize
tala ye tuna,
mi ne i sa li yena ya n'a fukulize
palo ya bona ka ku luka kwa hae
ku Mulimu.
3Ka linzwi la Muñ'a Bupilo a kwala
pula
mi hape a tisa mulilo mwa lifasi
halalu.
4Ha, Elia, ha si mo n'o tumezi
ka limakazo za hao!
Kana ku na ni ya kona ku itumba
sina wena?
5U zusize mufu kwa bafu
ni ku mu zusa mwa libita ka linzwi
la Muñ'a Bupilo.
6U tiselize malena manyando,
ni ku zwisa batu ba ba tumile
mwa mimbeta ya bona.
7U utwile manzwi a Mulimu h'a omanya
Maisilaele fa Sinai,
ni manzwi a likoto fa Horebe.
8Cwale u beile malena kuli ba kutise
bumaswe,
ni bapolofita kuli ba ku yole.
9U kile wa iswa kwa lihalimu
ki kakundukundu ka mulilo,
ili mwa koloi ya lipizi za mulilo.
10Ku ñozwi kuli u ka taha ka nako
ye tomilwe, u na ni litemuso,
ku t'o kuzisa bunyemi bwa Muñ'a Bupilo
pili bu si ka ezahala,
ku utwanisa bashemi ni bana ba bona,
ni ku kutisa ba mishobo ya Jakobo.
11Ba ta ba ni litohonolo ba ba ku
bona,
ni ba ba shwezi lilato.
Mi ni luna lu ta ba ni bupilo.
Elisha
12 #
2 Male 2.9, 13 Cwale Elia ha s'a ngilwe
ki kakundukundu,
Elisha a kenwa ki moya wa hae.
Mwa bupilo bwa hae kaufela
ha ku na mubusi
ya kile a mu nyanganyisa,
mi ha ku na ya kile a mu koma.
13 #
2 Male 13.20-21
Ne ku si na musebezi
o n'o li tata hahulu ku yena,
mane nihaili mwa libita mubili
wa hae wa polofita.
14Ha n'a sa pila u ezize limakazo
ze komokisa,
mane, niha n'a s'a shwile,
misebezi ya hae ne i komokisa hahulu.
Ku sa sepahala ni ku utwiswa butuku
15 #
2 Male 18.11-12
Kono nihakulicwalo
batu ne ba si ka baka,
kamba ku tuhela libi za bona,
ku fitela ba huhulwa mwa naha ya bona
ni ku hasanyezwa mwa lifasi kaufela.
16Kwa siyala feela batu ba sikakañi,
hamoho ni mubusi wa mba ya Davida.
Ba bañwi ba ku bona ba eza likezo
ze tabisa Mulimu,
kono ba bañwi ba ikubukanyeza libi
ka buñata.
Ezekiasi
17 #
2 Male 20.20
Ezekiasi a sileleza muleñeni wa hae,
mi a lukisa liliba za mezi mwahali.
A yepa misima mwa macwe
ka lisebeliso za lisipi
mi a yepa mwateñi liliba za mezi.
18 #
2 Male 18.13-17
Ka nako ya Ezekiasi,
Senakeribi a lwanisa naha,
mi a lumela Rabi-Shake.
Yoo, a lwanisa Sione ka tata
ni ku itumba hahulu ka
buikuhumuso bwa hae.
19Cwale lipilu za bona ni mazoho
za njanja,
mane ba utwa butuku bo bu swana
inge bwa musali ya indukilwe.
20 #
2 Male 19.15-20, 35 Kono ba kupa tuso
ku Mulena Mulimu ya musa,
ba nze ba nanulezi mazoho mwahalimu.
Kapili-pili Mulimu a ba utwa,
a li mwa lihalimu,
mi a ba lukulula ka lizoho la Isaya.
21A kena mafulo a Maasiria,
mi lingeloi la hae la ba bulaya hahulu.
Isaya
22Ezekiasi n'a ezize se si latwa
ki Mulimu,
a tiile ka mikwa ya ndat'ahe Davida.
N'a lutilwe ki mupolofita Isaya,
ili munna yo mutuna ya sepahala
ka lipono za hae.
23 #
2 Male 20.10-11
Ka linako za hae
lizazi li kile la kutela mwamulaho,
mi a ekeza kwa bupilo bwa mulena.
24Ka maata a Mulimu a bona lika
za mafelelezo,
mi a pilisa hande balili ba Sione.
25A zibahalisa ze sa taha
ku isa kwa mafelelezo a nako,
ni lika ze patilwe
pili li si ka ezahala kale.
Цяпер абрана:
Lituto za Siraki 48: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.