Baruki 5
5
1 #
Isa 52.1; 61.3, 10; Sin 21.2 Jerusalema, u tubule liapalo za hao
za maswabi.
U apale ze nde,
ni bunde bwa kanya ya Mulimu
kuya kuile.
2U icolete kubo ya ku luka
kwa Mulimu.
Beya mushukwe wa kanya ya libizo
la kamita kwa toho ya hao.
3Mulimu u bata ku bonisa bunde bwa hao
kwa macaba kaufela a mwatas'a lihalimu.
4Libizo l'a ta ku fa Mulimu
li ta ba lona la kuya kuile,
ili “Kozo ka ku Sepahala,”
ni “Likute ka Buineelo.”
5Zuha, Jerusalema! Yema fa malundu,
mi u talime kwa upa.
Bona bana ba hao ba kopani
ku zwa kwa wiko ni kwa upa
ka taelo ya Ya Kenile,
ba tabezi kuli Mulimu u ba hupuzi.
6Mi ha ba fundukile ka mahutu
ba sulaetwa ki lila,
cwale Mulimu u ba kutiseza ku wena,
sina bana ba malena ba ba kutiswa
ka bulena.
7Mulimu u laezi ku ululula malundu
kaufela a pahami,
ni ku selela misindi kamukana,
kuli mubu u patame
ili kuli Isilaele a kone ku zamaya
fateñi
ka buiketo ka maata a Mulimu.
8Mi mishitu ni likota za miinko
ye minde kaufela
li ta ezeza Isilaele miluti,
ka taelo ya Mulimu.
9Kakuli Mulimu u ta etelela Isilaele
mwa tabo
ka liseli la kanya ya hae
ba nze ba sindeketwa ki musa
ni ku luka kwa hae.
Цяпер абрана:
Baruki 5: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.