Efesas 3
3
Waka blong Pol fo helpem olketa hu i no Jiu
1So from diswan nao, mi Pol wea mi stap long prisin bikos mi blong Jisas Kraes an bikos mi waka fo yufala hu i no Jiu, mi laek fo prea go long God.#3:1 “mi laek fo prea go long God” Pol hemi statem wanfala prea long disfala ves ya, bat long ves 2 hemi gohed long narasamting moa. Hemi luk olsem hemi stat moa long disfala prea long ves 14. 2Mi barava save dat yufala herem finis, wea long kaenfala lav blong God, hemi bin givim disfala waka long mi fo mi helpem yufala. 3God hemi somaot long mi gudfala plan blong hem wea hemi staphaed. Mi jes raetem lelebet abaotem diswan, 4an#Kolosi 1:26-27. sapos yufala ridim gud, bae yufala save lukim dat mi save finis long disfala plan blong God fo Kraes, wea hemi staphaed. 5Long bifoa kam, God hemi no talem pipol abaotem disfala plan wea hemi staphaed. Bat distaem nao, Spirit blong God hemi somaot diswan finis long olketa holi aposol an profet blong hem. 6Hem ya nao disfala plan. Gudnius abaotem Kraes hemi mekem yufala hu i no Jiu fo tekem olketa gudfala samting wea God hemi gohed fo givim long olketa pipol blong hem long Israel. Yufala wetem mifala olketa Jiu i kamap wanfala bodi.#3:6 “wanfala bodi” Sios ya hemi olsem bodi blong Kraes. Lukim Efesas 1:23. An wanem God hemi promis fo givim kam long mifala bikos mifala joen wetem Jisas Kraes, hemi blong yufala tu ya.
7God hemi yusim paoa long kaenfala lav blong hem fo givim disfala waka long mi fo talemaot disfala Gudnius. 8Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem. 9An hemi sendem mi go fo helpem evriwan fo save abaotem disfala plan blong God wea hemi bin staphaed. God hu hemi mekem evrisamting, hemi bin mekem disfala plan fo staphaed olowe nomoa kam kasem distaem. 10Bat distaem nao, God hemi mekem sios fo somaot evri waes tingting blong God long olketa spirit wetem olketa nara paoa moa long skae. 11God hemi duim wanem hemi bin stap long plan blong hem long taem bifoa kam. An hemi duim diswan long waka blong Jisas Kraes Masta blong yumi. 12So bikos yumi stap joen wetem Kraes an yumi biliv long hem, tingting blong yumi hemi save stap strong an yumi no save fraet fo kam long God. 13So mi askem yufala, plis yufala mas no wikdaon taem yufala herem dat mi safa fo yufala, bikos mi duim olsem fo helpem yufala ya.
Lav blong Kraes
14From diswan nao, mi nildaon fo prea go long Dadi blong yumi, 15hu hemi mekem yumi evriwan fo kamap famili blong hem, nomata olketa long heven o long disfala wol. 16Hemi garem plande gudfala samting fo olketa pipol blong hem. So mi askem God wea Spirit blong hem hemi givim paoa kam long yufala, mekem yufala save strong long laef blong yufala. 17An mi prea dat Kraes bae hemi stap long laef blong yufala hu i biliv long hem. Mi prea wea evrisamting yufala duim hemi mas kamaot long lav blong God, 18mekem yufala wetem evri pipol blong God, fo garem paoa fo savegud long lav blong Kraes, wea hemi bikfala tumas, an longfala tumas, an hae tumas, an go dip tumas. 19Mi prea wea yufala savegud long disfala lav blong Kraes wea hemi winim evri save long wol, mekem yufala kamap barava fulap long wei blong God.
20Paoa blong God wea hemi waka finis long tingting blong yumi, hemi save duim olketa samting wea hemi winim enisamting yumi save askem o tingim. 21!Yumi mas preisim hem fo olketa bikfala samting hemi duim long sios an long Jisas Kraes! !Yumi mas mekhae long God evritaem an olowe! Amen.
Цяпер абрана:
Efesas 3: SIDC
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Pijin Catholic Bible © Bible Society of the South Pacific, 2008.