Mateo 17
17
Jesuspa rikchaynin tikrakurusqanmanta
(Mr 9.2-13. Lc 9.28-36)
1Soqta punchaw pasaruptinmi, Pedrota, Jacobota wawqen Juantawan pusarikuspan alto orqopa puntanman Jesús qespirqa. 2#2 Pe 1.17-18.Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa. 3Hinaptinmi Moisestawan Eliasta Jesuswan parlachkaqta discipulonkuna rikururqaku. 4Chaymi Jesusta Pedro nirqa:
Señorlláy ¡allinmi kaypi kayniykuqa! Munaptikiqa kimsa chukllakunatayá ruwarusaqku, hukta qampaq, hukta Moisespaq, huktañataq Eliaspaq, nispa.
5 #
Is 42.1; Mt 3.17; 12.18; Mr 1.11; Lc 3.22. Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa:
Paymi kuyasqay Churiy, payraykum kusisqa kachkani. Payta uyariychik, nispa.
6Chayta uyariruspankum discipulonkunañataq qonqorakuykurqaku, hinaspam llumpayta mancharikurqaku. 7Hinaptinmi paykunata llapchaykuspan Jesús nirqa:
Hatariychik, ama manchakuychikchu, nispa.
8Paykunañataqmi muyuriqninkuta qawarispanku manaña pitapas rikurqakuchu aswanqa Jesusllataña.
9Orqomanta uraykamuchkaptinkum paykunata Jesús kamachirqa:
Qawasqaykichik visiontaqa amam pimanpas willankichikchu runapa Churin kawsarimunankama, nispan.
10 #
Mal 4.5. Discipulonkunañataqmi Jesusta tapurqaku:
¿Imanasqataq Diospa leynin yachachiqkuna ninku: “Cristomanta ñawpaqtaqa Eliasmi hamunan”, nispanku?
11Chaymi Jesús nirqa:
Arí, cheqaptaqa Eliasmi puntata hamunqa, paymi tukuy imata musoqmanta hatarichinqa. 12#Mt 11.14.Chaywanpas nikichikmi, Eliasqa ñam hamurunña, ichaqa manam reqsirqakuchu, aswanmi paytaqa tukuy ima munasqankuta ruwarqaku. Chaynam runapa Churinpas paykunapa makinpi ñakarinqa, nispa.
13Hinaptinmi discipulonkuna yacharurqaku Jesusqa Bautizaq Juanmanta rimasqanta.
Wañuy mañayuq warmata Jesús sanoyachisqanmanta
(Mr 9.14-29. Lc 9.37-43)
14Runakunapa kasqanman chayaruptinkum, huk runa asuykuspan Jesuspa ñawpaqninpi qonqorakuykurqa, hinaspam nirqa:
15Señorlláy, churillaytayá kuyapayariykuy, wañuymaña hapiptinmi llumpayta ñakarin, achka kutipim ninamanraq yakumanraq wichiykarin. 16Discipuloykikunamanmi apamurqani, ichaqa manam sanoyachiyta atinkuchu, nispan.
17Chaymi Jesusñataq nirqa:
¡Mana iñiyniyuq huchasapa miraykuna! ¿haykapikamataq qamkunawan kasaq? ¿Haykapikamataq aguantasqaykichik? Chay warmata kayman apamuychik, nispa.
18Aparamuptinkum demoniota Jesús qaqcharqa, chaymi warmamanta demonio lloqsiruptin sanoyarurqa.
19Chaymantam discipulonkuna Jesusman asuykuspa sapallankupi tapurqaku:
¿Imanasqataq demonio qarqoyta mana atirqanikuchu? nispanku.
20 #
Mt 21.21; Mr 11.23; 1 Co 13.2. Chaymi Jesusñataq nirqa:
Pisi iñiyniyuq kasqaykichikraykum. Cheqaptapuni nikichik, sichum iñiynikichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan. 21#17.21 Kay textoqa ñawpaq manuscritokunapiqa manam kanchu qepa copiaqkunam Marcospa qellqasqanmanta apamuspa churanmanku karqa. (Mr 9.29)[Kayna demoniotaqa ayunaspa hinaspa Diosta mañakuspallam qarqona], nispa.
Wañunanmanta huktawan Jesús willakusqanmanta
(Mr 9.30-32. Lc 9.43-45)
22Galileapi kachkaptinkum, paykunata Jesús nirqa:
Runapa churintam llapa runakunaman hapiykachiptinku 23wañurachinqaku, ichaqa kimsa punchawmantam kawsarimunqa, nispan.
Chayta uyariykuspankum discipulonkuna llumpayta llakikururqaku.
Templopaq impuestomanta
24 #
Ex 30.13; 38.26. Capernaúm llaqtaman chayaruptinkum, templopaq impuesto cobraqkunam Pedroman asuykuspanku kaynata tapurqaku:
¿Yaqachu Yachachiqniki templopaq impuestota pagan? nispanku.
25Pedroñataqmi nirqa:
Payqa paganmi, nispan.
Chaymantam wasiman Pedro yaykuruptin puntata rimapayaspan Jesús tapurqa:
¿Imaninkitaq Simón? ¿Pikunamantataq kay pachapi reykuna impuestota cobranku, churinkunamantachu icha sapaq runakunamantachu? nispan.
26Pedroñataqmi nirqa:
Sapaq runakunamantam, nispa.
Hinaptinmi Jesús nirqa:
Chaynaqa, churinkunaqa manam pagankuchu. 27Ichaqa ama pitapas piñachinanchikpaqyá lamar qochaman rispa anzuelota chamqamuy, hinaspam punta challwa hapisqaykipa siminta kicharuspa huk qollqeta tarinki, chaytam iskayninchikmanta pagaykamunki, nispa.
Цяпер абрана:
Mateo 17: RCHQ2
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chuya Qellqa Revisión @ Sociedad Bíblica Peruana, 2012