Ovaroma 13
13
Omuntu nga tyee ketumino
1Omuntu auhe nga tyee kovatumini mbave mu tumina, mena lyokutya kape na tja etumino ndihali dhile kuKalunga. Ovatumini hemba mbatu na wo, va tuwa po kuKalunga. 2Iya nguma anya okutyaa ketumino, ma kondjetha oveta yaKalunga. Mbamava kondjetha oveta yaKalunga, mava ka yumanekwa. 3Ovatumini kave lile po okutilitha mbamava undapa ouwa, iya ombamava undapa ouvi. Amo hala okukala hámo tila etumino, undapa ouwa, etumino li ku pandule. 4Iya omutumini omupopili waKalunga oku ku popila. Iya amo undapa ouvi, tila, mena lyokutya ye u na odhonkono oku ku yumaneka, ye omupopili waKalunga okuyumaneka mboka mbamava undapa ouvi. 5Iya mwa thele okutyaa koveta, hamena vala lyokutila okuyumanekwa, iya omena wo lyokukala nelityoo ewa.
6Iya opo mu dha okuthendela elilimo, mena lyokutya ovatumini va undapela Kalunga amava hwithile po ovilinga vyawo.#Mat. 22:21; Mark. 12:17; Luk. 20:25 7Avehe ve pen̯i soka hiva thele okupewa. Elilimo ndimave mu pula, thendelen̯i. Vi yandjen̯i huvya thele okuyandjwa, tilen̯i mbava thele okutilwa, tumbaleken̯i mbava thele okutumbalekwa.
Kalen̯i amu lihole
8Hámu kala nongele yomuntu, kakele vala ongele yokukala amu lihole. Iya nguu hole omukwawo, u hwithila po oveta. 9Ovitumino hoovyombi, mavi tyaa: “Hó yono olukupo. Hó dhipaa. Hó vaka. Hó kema.” Ovitumino hembi novikwawo vya kambulilwa kumo kotjitumino hehi himatji tyaa: “Kala au hole omukwen̯i ngahi u lihole omwene.”#Eks. 20:13-15,17; Lev. 19:18; Deut. 5:17-19,21 10Iya nguu hole omukwawo kaa ulu oku mu ninga navi. Iya ohole ehwithilopo lyoveta.
11Iya hehi tji ningen̯i, mena lyokutya otembu mu i i, okutya owola yokwiimuka po molupot̯i ye thiki. Napano ehupitho lyetu li li popedhi okupon̯a nahi hitwa uta okwiitavela. 12Otjit̯iku tji li pokuvadha ombimba, netango li li pokutumba. Ngatu yethen̯i okuundapa ovilinga vyomet̯iku. Ngatu maneken̯i omauta, nt̯e tu kondje atu li motjiten̯i. 13Ngatu enden̯i monkalo ombwa yopoluhandja ndjii endwa, hátu kala modhontjingo dhomaut̯iku, mepyalu, movihulo nomokuhelitjaela movihulo, molutangu ne onki. 14Iya maneken̯i omauta aMuhona Jesus Kristus, omalutu en̯i hámu e undapetha ehalo lyountu evi.
Цяпер абрана:
Ovaroma 13: DBNT
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.