Ovilinga 24
24
Paulus ma kondjethwa kovanene wOvajuda
1Kon̯ima yomatango atano omuyambethi omunene Ananias we ya moKesarea pamo novanene vamo nomunongoveta nguu tiwa oTertullus. Wo va ya komutumini wotjilongo oku ka yandja oumbangi ouhunga naPaulus. 2Iya Paulus hiaa ithanwa, Tertullus wa uta oku mu kondjetha, ha tyaa:
“Mutumbalekwa omunene Feliks! Etumino lyoye lyounongo lye tu etela ouwa oun̯ingi, omauwa onkalo mena lyotjiwan̯a hehi, a ningwa. 3Nt̯e atuhe twe hulukilwa hiwe tu ningila. 4Iya opo hé mana po oluvedhe, me ku kumbu, u teelele etompo lyetu pauthupi, mena lyokutya u na onkenda. 5Iya omulumentu hengu twe mu mona, u ngala ouvela wolutambu nomungwangwaneki mokati kOvajuda avehe mouye auhe. Ye omwene oye e li ohongodhi yopaati yopontyo yOvanasarene.#24:5 Ovanasarene: Ovakriste wolutenga nahi vamo va ithanwa Ovanasarene. 6Wa kondjetha wo okusilika otempeli, nt̯e hatu mu kambula. [Twa li amatu hala tu mu koye moveta yetu ovene, 7iya ondjai yovita Lisias we ya, he tu nyeka ye kodhonkono. 8Iya ye we tu heela okutya ngatu ye tu mu kondjethele kotjipala tjoye.]#24:6b-8a Omisonekwa vimo kavi na tja odhondaka hendhi molunkombo. Ove omwene mo ulu oku mu pula, u iwe ovipuka avihe hembi, nt̯e mbimatu mu kondjethele.” 9Iya ovanene wOvajuda ve litwaa kumo, hava koleke wo okutya ovipuka mbyoka avihe ovyatjatjili.
Paulus me lipopile kotjipala tjaFeliks
10Omutumini wa pa Paulus oluvedhe, a popye. Paulus wa uta okupopya ha tyaa:
“Ame ndji tji i okutya ove wa koyela odhombula odhingi motjiwan̯a hehi, ame otjo ndji na ehuluko okulipopila otjipopya tjandje. 11Ove ngahi mo ulu okwiiwa okutya pa piti vala omatango omulongo naavali okudha ame himba ile koJerusalem oku ka kumba kuKalunga motempeli. 12Ovajuda kava mbwene nokanunu ame tanguna novantu motempeli ne ame hongaetha ovantu modhosinagoga ne motjitungwalongo. 13Iya wo kave na oumbangi wovipuka mbimba ningi, humava nkondjethele. 14Ame hempa kotjipala tjoye me hipulula okutya ndji undapela Kalunga kootateombwale nokulandula ondjila yaMuhona Jesus, ndjoka wo ndjimava tya ya puka. Mba itavela movipuka avihe mbyoka mbyaa sonekwa moveta yaMoses nomomambo ovaprofeti. 15Ame ndji na ekevelelo limo nawo okutya Kalunga ma ka imuna ovantu avehe kout̯e, ovavyuuki nambahave thi ovavyuuki. 16Iya ame apehe ndji kondja okutya ndji kale nelityoo lyokomwenyo ndyaa kohoka kotjipala tjovantu notjaKalunga.
17“Kon̯ima yodhombula odhingi mbe ya, he etele otjiwan̯a tjandje odhombongo dhokupopila ovathona nokuya okuyamba omayambo.#Ovil. 21:17-28 18Iya himba li ame undapa ovilinga hembi, Ovajuda womoAsia va mbona motempeli, mba li ambe likohola. Iya kamwa li owingi wovantu ne otjuuyila. 19Iya Ovajuda mboka womoAsia owo va thele okuya kotjipala tjoye, va nkondjethe andaa ndji na mpava mbona amba lundha. 20Ne hemba mbave li po ngava popye andaa ndji na himba lundha, himba li kotjipala tjOtjoongi tjOvanene. 21Kakele vala himba wololokele, tainkolo mba kulamene kotjipala tjawo he tyaa: ‘N̯e mamu nkoyo, mena lyokutya mba tya ovat̯e mava ka imuka kout̯e.’ ”#Ovil. 23:6
22Iya Feliks ngwaa ivilwe nawa ondjila yaMuhona Jesus, wa tulika ompela. Iya ye wa heela ovanene wOvajuda ha tyaa: “Me ka teelela uke kodhondaka dhen̯i, andaa Lisias, ondjai yovita, we ya.” 23Feliks wa heela omunene wovakwavita nguu yunga Paulus okutya nge mu yunge uke, ye nga yandje okaluvedhe komapanga aPaulus, ve mu etele atjihe hima hepa.
Paulus komeho yooFeliks naDrusila
24Kon̯ima yomatango amo Feliks we ya pamo nomukadhe, Omujuda nguu tiwa oDrusila, Feliks wa ithana Paulus, ye he mu teelele hima hipulula okwiitavela muKristus Jesus himaku hee. 25Iya Paulus hiaa popya uke ouhunga nouvyuuki neliyungo netango lyekoyo ndimali ya, Feliks wa tila, ye ha tyaa: “Tjau tja hulu, ngotji i, me ke ku ithana uke kon̯ima, andaa mba mono okaluvedhe.” 26Iya kombinga imo wa li ame lipula okutya pamo Paulus me mu pa odhombongo, iya wa kala ame mu ithana otwingi okutompola naye.
27Iya hipa piti odhombula mbali, Porkius Festus wa pinga polukalo lwaFeliks. Iya Feliks hiaa li ama hala okulimoneketha nawa kOvajuda, wa thiaa Paulus mokaliwoso.
Цяпер абрана:
Ovilinga 24: DBNT
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.
Ovilinga 24
24
Paulus ma kondjethwa kovanene wOvajuda
1Kon̯ima yomatango atano omuyambethi omunene Ananias we ya moKesarea pamo novanene vamo nomunongoveta nguu tiwa oTertullus. Wo va ya komutumini wotjilongo oku ka yandja oumbangi ouhunga naPaulus. 2Iya Paulus hiaa ithanwa, Tertullus wa uta oku mu kondjetha, ha tyaa:
“Mutumbalekwa omunene Feliks! Etumino lyoye lyounongo lye tu etela ouwa oun̯ingi, omauwa onkalo mena lyotjiwan̯a hehi, a ningwa. 3Nt̯e atuhe twe hulukilwa hiwe tu ningila. 4Iya opo hé mana po oluvedhe, me ku kumbu, u teelele etompo lyetu pauthupi, mena lyokutya u na onkenda. 5Iya omulumentu hengu twe mu mona, u ngala ouvela wolutambu nomungwangwaneki mokati kOvajuda avehe mouye auhe. Ye omwene oye e li ohongodhi yopaati yopontyo yOvanasarene.#24:5 Ovanasarene: Ovakriste wolutenga nahi vamo va ithanwa Ovanasarene. 6Wa kondjetha wo okusilika otempeli, nt̯e hatu mu kambula. [Twa li amatu hala tu mu koye moveta yetu ovene, 7iya ondjai yovita Lisias we ya, he tu nyeka ye kodhonkono. 8Iya ye we tu heela okutya ngatu ye tu mu kondjethele kotjipala tjoye.]#24:6b-8a Omisonekwa vimo kavi na tja odhondaka hendhi molunkombo. Ove omwene mo ulu oku mu pula, u iwe ovipuka avihe hembi, nt̯e mbimatu mu kondjethele.” 9Iya ovanene wOvajuda ve litwaa kumo, hava koleke wo okutya ovipuka mbyoka avihe ovyatjatjili.
Paulus me lipopile kotjipala tjaFeliks
10Omutumini wa pa Paulus oluvedhe, a popye. Paulus wa uta okupopya ha tyaa:
“Ame ndji tji i okutya ove wa koyela odhombula odhingi motjiwan̯a hehi, ame otjo ndji na ehuluko okulipopila otjipopya tjandje. 11Ove ngahi mo ulu okwiiwa okutya pa piti vala omatango omulongo naavali okudha ame himba ile koJerusalem oku ka kumba kuKalunga motempeli. 12Ovajuda kava mbwene nokanunu ame tanguna novantu motempeli ne ame hongaetha ovantu modhosinagoga ne motjitungwalongo. 13Iya wo kave na oumbangi wovipuka mbimba ningi, humava nkondjethele. 14Ame hempa kotjipala tjoye me hipulula okutya ndji undapela Kalunga kootateombwale nokulandula ondjila yaMuhona Jesus, ndjoka wo ndjimava tya ya puka. Mba itavela movipuka avihe mbyoka mbyaa sonekwa moveta yaMoses nomomambo ovaprofeti. 15Ame ndji na ekevelelo limo nawo okutya Kalunga ma ka imuna ovantu avehe kout̯e, ovavyuuki nambahave thi ovavyuuki. 16Iya ame apehe ndji kondja okutya ndji kale nelityoo lyokomwenyo ndyaa kohoka kotjipala tjovantu notjaKalunga.
17“Kon̯ima yodhombula odhingi mbe ya, he etele otjiwan̯a tjandje odhombongo dhokupopila ovathona nokuya okuyamba omayambo.#Ovil. 21:17-28 18Iya himba li ame undapa ovilinga hembi, Ovajuda womoAsia va mbona motempeli, mba li ambe likohola. Iya kamwa li owingi wovantu ne otjuuyila. 19Iya Ovajuda mboka womoAsia owo va thele okuya kotjipala tjoye, va nkondjethe andaa ndji na mpava mbona amba lundha. 20Ne hemba mbave li po ngava popye andaa ndji na himba lundha, himba li kotjipala tjOtjoongi tjOvanene. 21Kakele vala himba wololokele, tainkolo mba kulamene kotjipala tjawo he tyaa: ‘N̯e mamu nkoyo, mena lyokutya mba tya ovat̯e mava ka imuka kout̯e.’ ”#Ovil. 23:6
22Iya Feliks ngwaa ivilwe nawa ondjila yaMuhona Jesus, wa tulika ompela. Iya ye wa heela ovanene wOvajuda ha tyaa: “Me ka teelela uke kodhondaka dhen̯i, andaa Lisias, ondjai yovita, we ya.” 23Feliks wa heela omunene wovakwavita nguu yunga Paulus okutya nge mu yunge uke, ye nga yandje okaluvedhe komapanga aPaulus, ve mu etele atjihe hima hepa.
Paulus komeho yooFeliks naDrusila
24Kon̯ima yomatango amo Feliks we ya pamo nomukadhe, Omujuda nguu tiwa oDrusila, Feliks wa ithana Paulus, ye he mu teelele hima hipulula okwiitavela muKristus Jesus himaku hee. 25Iya Paulus hiaa popya uke ouhunga nouvyuuki neliyungo netango lyekoyo ndimali ya, Feliks wa tila, ye ha tyaa: “Tjau tja hulu, ngotji i, me ke ku ithana uke kon̯ima, andaa mba mono okaluvedhe.” 26Iya kombinga imo wa li ame lipula okutya pamo Paulus me mu pa odhombongo, iya wa kala ame mu ithana otwingi okutompola naye.
27Iya hipa piti odhombula mbali, Porkius Festus wa pinga polukalo lwaFeliks. Iya Feliks hiaa li ama hala okulimoneketha nawa kOvajuda, wa thiaa Paulus mokaliwoso.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.