संत.लुकास 4
4
सैतान ईसु के परखाव लियाय
(संत.मत्ती 4:1–11; संत.मरकुस 1:12–13)
1तेकर ईसु पबितर आतमा रे पेरेःग केते जरदन नाई तरअः रूवाड़ नेनाय हिमीन बेरा ईसु के पबितर आतमा सुमसान बुरु ते ईदी लियाय, 2तेकर चालीस रोज जगुत सैतान हुनी के परीकछा लियाय। तेकर ईसु हिमीन बेरा एतान होः काय जोम लआ, होना तयोम हुनी के रांगेःग अदा लियाय।
3हिमीन रे सैतान हुनी के, “जदि आम परमेसर आली होपोन हेके होले, नोःआँ टुकू के कंहड़ी मे ची लाःड पाड़ी जुनोआ।” बेता लियाय।
4 #
कन 8:3
ईसु हुनी के, “‘होड़ सिरीफ लाःड भाईर रे जिवीःड इरकु ताहिनोआ’, नोःआँ धरम पुथी रे लिखा लअः एदनाअ” मेन केते कंहड़ी रूवाड़ोः लियाय।
5तेकर सैतान हुनी के तेङ रे ईदी लियाय हेतरअ मि-घड़ीक रे दुनिया रेनअः जम्मे राईज के उदूः लियाय। 6तेकर सैतान ईसु के “ईङ नोःआँ जामा रेनअः हक तेकर ठाठ-माठ आम के एमामेईङ, होना ईङ के एमा तदियाँकु। तेकर जेके चहाअ ईङ हुंकू के एमा कुईंग, 7हिना लःअय जदि आम ईङ आला आराधनायाम, दो नोःआँ जामा आम आला हुयाव कोआ” बेता लियाय।
8 #
कन 6:13
ईसु, “‘आम परभु आम आली परमेसर के आराधनाई मे, तेकर हिनी एकला के सेवा सुसारीमे’ नोःआँ लिखा लअः एदनाअ” मेन केते हुनी के कंहड़ी रूवाड़ोः लियाय!
9तेकर सैतान ईसु के जिरोसलेम बड़े बिनती ओड़ाअ रेनअः चुटा तेरे ईदी केते तिंगु लियाय, हेतरअ हुनी के बेता लियाय, “जदि आम परमेसर आली होपोन हेके, होले नोड़े तरअः डेगाव जुनोःमे। 10#सिरिंग 91:11,12एता लःअय ची आम रआ बारे लिखा लअः एदनाअ, ‘ची परमेसर अपन सिरमादूत के आम के बा-बंचाव लःअय आचु किकुआय।’ 11तेकर ‘हुंकू आम के जांगा ताम रे, टुकू तरअः आलु थोसड़ाव कोअ मेन केते लोका-झोका लोकाव केमेआकु।’”
12 #
कन 6:16
ईसु, हुनी के नोकान कंहड़ी रूवाड़ोः लियाय, “आम अपन परभु परमेसर के आलुम परखाई, ‘नोःआँ होः लिखा लअः एदनाअ।’”
13सैतान जामा लकान परीकछा चबा केते, मि-घड़ीक लःअय हुनी दुबाःड़े तरअः सेनोः नाय।
ईसु सेवा-सुसार सुरू लःअय
(संत.मत्ती 4:12–17; संत.मरकुस 1:14–15)
14तेकर ईसु पबितर आतमा रेनअः सवांग रे पेरेःग केते गलील रूवाड़ नेनाय, हेतरअ हुनी आला बारे हिना हेनाःड तअः गोटा राईज रे छितयाव ना। 15हुनी हुंकू आला बिनती ओड़ाअ रे उपदेस कुकेनाय तेकर हुनी आला बड़ाईये केनाकु।
नासरत रे ईसु के काकु बेसोः लिया
(संत.मत्ती 13:53–58; संत.मरकुस 6:1–6)
16आउर गी ईसु नासरत हीःग नेनाय, जे एड़े आसुल-हरा ताही लियाकु, तेकर आएंग आला नेग लकान सथाअ हिला बिनती ओड़ाअ रे बोलो केते पढ़हाः लःअय बिरिःड नेनाय। 17इसायस आगमजानीकु आला पुथी के, हुनी के एमा लियाकु तेकर हुनी पुथी उघड़ाव केते नोःआँ लिखा लअः ठाँव के नाम केदाय,
18 #
जसा 61:1,2 “परभु आला आतमा ईङ रे एदनाअ,
एता लःअय रांगेःगकु के बेस खभाईर सुसुनाव लःअय, हुनी ईङ के निबाड़ तदिङाय,
तेकर तोल ऊनकु के छोछोड़ाव लःअय,
हेतरअ कानाकु के नेनेल ची लःअय,
तेकर अबड़-दुबाड़ के छोछोड़ाव लःअय बेस खभाईर के प-परचार लःअय ईङ के कुलगोःड तदिङाय।
19तेकर होना बेरा रआ बारे रे होड़कु के परचारे ईङ,
जेकर रे ची परभु आएंग आलकु होड़ के बंचाव कि कुआय।”
20तेकर ईसु पुथी कुड़ा केते से-सेवा कु आला तीः रे एमा लियाय, हेतरअ दुड़ूःनाय। तेकर बिनती ओड़ाअ रिनकु जामा होड़ हुनी के लुड़ीःग तःब किदयाकु, 21तेकर हुनी, “नोःआँ धरम पुथी रे लिखा लअः नोःआँ बचन पुरावना, जे लकान तिसिंग आपे आयुम दापे,” मेन केते हुंकू के बेता लिकुआय।
22जामाकु हुनी आला बड़ाई केनाकु तेकर हुनी आला आहा तरअः दया रे पेरेःग उना बात, होना तरअः चाकित नेनाकु तेकर “नुई जोसेफ आली होपोन नलागे एतान?” मेनोः केनाकु।
23ईसु हुंकू के कंहड़ीओ लिकुआय, “आपे ईङ के ‘ए बाईध, अपन दो बेस कोअ मे,’ नोःआँ कहावाइत साथेगी कंहड़ीओ किङापे। नोःआँ होः कंहड़ीओ किङापे ची कफरनहुम रे कामी लआम होना जामा के, अपन सहर रे होः कामीमे।” 24#सं.जोह 4:44तेकर हुंकू के, “ईङ आपे के सचेगी कंहड़ीओ दिपीईङ, जाहें आगमजानी अपन सहर रे मन मरजाद काकु नामेआ बेता लिकुआय। 25#1 राजा 17:1ईङ आपे के सचे कंहड़ीओ दिपीईङ, इलियस बेरा साढ़े तीन बरीस सिरमा तरअः दाअः काय गमा लआ, तेकर गोटा राईज रे मुरुक आकाल ताहिना हिमीन रे इसराइल रे मुरुक राँड़ीकु ताहिनाकु। 26#1 राजा 17:8–16बकिर सैदा पहटा हेनाःड रेनअः सरफत डिही रिनी राँड़ीयाही दुबाःड़े एकला, इलियस के कुलगोःड लियाय। 27#2 राजा 5:1–14तेकर इलीसा आगमजानी बेरा इसराइल रे छुँत घाव उनकु, ढेर होड़ ताहिनाकु, बकिर हुंकू रे सिरिया रिनी नमन एकला के सुध लियाकु।”
28नोःआँ कंहड़ी आयुम तोरन बिनती ओड़ाअ रे ताहिनाकु, हुंकू जामा खीस चबाअः नाकु। 29तेकर हुंकू बिरिःड केते, हुनी के डिही तरअः बाहरी उडुंग किदयाकु, तेकर जे बुरु रे सहर ताकु बसाव ताहिना, हिना बुरु कगरी जगुत लतार नुनुर लःअय ईदी लियाकु, 30बकिर हुनी हुंकू ताला तरअः उडुंग केते सेनोः नाय।
मुवाँ झपाव लिनी होड़ के छोड़ाव लियाय
(संत.मरकुस 1:21–28)
31तेकर हुनी गलील पहटा रेनअः, कफरनहुम सहर रे सेन नेनाय, हेतरअ जाहुदीकु आला सथाअ हिला होड़कु के उपदेस एमाकु केनाय। 32#सं.मत्ती 7:28,29हुंकू हुनी आला सिकछा रे चाकित नाकु, एता लःअय ची हुनी हक लोः सिखाव कुकेनाय। 33बिनती ओड़ाअ रे मियांड असुध आतमा रिनी होड़ ताही नाय; हुनी जोड़ से गुल बिरिःड लःअय, 34“ए! नासरत रिनी ईसु, आले लोः आमके एतान काम एदनाअ? आले के आम नानास लःअय हीःग तनाम एतान? आम ओके हेके सेके पड़ीईंग आम परमेसर आली पबितर होड़ हेके।”
35ईसु हुनी के डपटाव केते, “आलुम साड़ी तेकर हुनी तरअः उडुंग जुनोःमे!” बेता लियाय। होले मुवाँ आतमा हुनी के पटकाव केते, हुनी के बेगर हासुः ची केते हुनी तरअः उडुंग नाय।
36जामा नेनेलकु चाकित नाकु तेकर हुंकू कंहड़ी तानाकु, “नोःआँ एतान कंहड़ी हेके? हुनी हक तेकर समरथ रे असुध आतमा के होओ आचु कुआय, हेतरअ हुंकू उड़ूंङ जुनोआकु!” 37तेकर ईसु आला चरचा होना पहटा रे गोटाते फैलाव ना।
बेमार होड़ के बेस लिकुआय
(संत.मत्ती 8:14–17; संत.मरकुस 1:29–34)
38ईसु बिनती ओड़ाअ तरअः उडुंग केते सिमोन आला ओड़ाअ रे सेन नेनाय। सिमोन आली हनहारते जाईड़रा ताही नाय, तेकर हुंकू हुनी के बेबेस लःअय गोहराव नेनाकु। 39ईसु, हुनी दुबाःड़े तिंगु केते जाईड़रा के डपटाव लःअय। हेतरअ जाईड़रा अड़गुअ ना, तेकर हुनी तुरते बिरिःड केते हुंकू के सेवा-सुसार लिकुआय।
40बोंगा डुबाअ बेरा जेकर-जेकर ओड़ाअ रे एटाअ-एटाअ बेमार होड़ ताहिनाकु; हुंकू जामा के हुनी दुबाःड़े आगु लिकुआकु तेकर हुनी मि-मिहोंड़ रे तीः दोहो केते बेस लिकुआय। 41तेकर मुवाँ आतमाकु होः छेराःते, हेतरअ “आम परमेसर आली होपोन हेके!” मेन केते हुंकू ढेरकु तरअः उडुंग नेनाकु।
बकिर हुंकू के ईसु डपटाव कुकेनाय, तेकर काय कंहड़ीः चिकुकेना, एतान लःअय ची ईसु ख्रीस्त हेके के हुंकू चिनहाई केनाकु।
एटाअ-एटाअ सहर रे ईसु आला परचार
(संत.मरकुस 1:35–39)
42तेकर आंगअ ना हिमीन रे उडुंग केते मियांड रिड़िगया ठाँव रे ईसु सेन नेनाय। बकिर तुन्दरा होड़ हुनी के दांड़ा याःते दांड़ा नाम लियाकु, हेतरअ “आले दुबाःड़े तरअः आलुम सेन,” मेन केते हुनी के रोकाई केनाकु 43बकिर हुनी, “ईङ के एटाअ सहर रे होः परमेसर आला राईज रेनअः बेस खभाईर के सुसुनाव दरकार एदनाअ, हिना लःअय परमेसर ईङ के कुलगोःड तदिङाय” मेन केते बेता लिकुआय।
44तेकर जाहुदिया राईज रेनअः जामा बिनती ओड़ाअ रे परचार एकाय केनाय।
Цяпер абрана:
संत.लुकास 4: ASR
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023 NLCI CC BY-NC-ND 4.0