Mako 11
11
OYesu akwingira nʼekitiinisya omu Yerusaalemu
(Mat 21:1-11; Luk 19:28-40; Yok 12:12-19)
1Awo oYesu nʼabeegesebwa baamwe nibaali baigereire ekibuga Yerusaalemu, nikwo okukoba nibaikire e Bbesifaage nʼe Bbesaniya, oku Lusozi olwa Misaale Gyebeeta Oliva, oYesu nʼatuma babiri oku beegesebwa baamwe ati, 2“Mwabe omu kabuga akabali omu maiso. Nimwabba mukukaingira muti, mukwiza okubona ondogoyi omutomuto abbwerwe, ateebagalwangaku. Mumusandabule mumuleete ani. 3Niwaabbaawo akubabuulya nti, ‘Lwaki ondogoyi mukumusandabula?’ Mumwiramu muti, ‘OMukama waiswe akumwetaaga, era akwiza okulagira bamwirye ani mangu.’” 4Awo ni baaba, ni basanga ondogoyi omutomuto abbwerwe oku mulyango, nayemereire enzai omu luguudo. Nibaali bakumusandabula, 5abamwei oku baali beemereire awo ni bababuulya bati, “Mukola ki? Ondogoyi lwaki mukumusandabula?” 6Abeegesebwa ni bairamu nkʼoYesu niyaali abakobere. Badi ni babaleka baabe. 7Awo abeegesebwa ni batwara oYesu ondogoyi, ni bamutaaku emyenagiro gyabwe, nʼamwebagala.#Zek 9:9 8Baingi ni baaliira emyenagiro gyabwe omu muwanda, abandi ni baaliiramu ebikoola ebyebaiyire oku misaale egya mu ndumiro. 9Awo abaali beebembeire nʼabaali bakuligaku ennyuma, ni babaza nʼeiraka eryanguki nti,
“OMukama
awaisibwe!
Akwizira omwibara rya Mukama,
awairwe omukisa!#Zab 118:25-26
10Obukama bwa aize waiswe oDawudi obukwiza
buwairwe omukisa,
OMukama ali omwiguru,
awaisibwe.”
11Awo oYesu nʼaika e Yerusaalemu, nʼayaba omwIramyo. Niyamaare okurolarola okubona ebintu byona, nʼawuluka nʼarola e Bbesaniya amwei nʼabeegesebwa baamwe eikumi nʼababiri, kubba obwire bwali buli ampi okusweka.
OYesu akuceena omusaale omutiini
(Mat 21:18-19)
12Ekiro ekyaireku, oYesu nʼabeegesebwa baamwe nibaali bakuliga e Bbesaniya, oYesu nʼalumwa enzala. 13Niyalengeire omusaale omutiini ogujumbire, nʼayaba okubona oba nga yagusangaku ebyana. Baitu niyagwikireku nʼatasangaku kyana gonze ekimwei, okutoolaku ebikoola byonkai, kubba ti nikyo kyali ekiseera emitiini mwegyereera. 14Nʼagukoba ati, “Okuliga ati watalibbaawo akulya oku byana byamu omulundi ogundi!” Ebigambo bini abeegesebwa baamwe ni babiwura.
OYesu akupeka abakutundira omwIramyo
(Mat 21:12-17; Luk 19:45-48; Yok 2:13-22)
15Awo oYesu nʼabeegesebwa baamwe nibaikire e Yerusaalemu, oYesu nʼayaba omwIramyo, nʼatandika okupekamu abaali bakutundiramu nʼabaali bakuguuramu. Nʼajuumuka emeeza zʼabaayingisya ba mpiiya, nʼentebe zʼabaali bakutunda enjiibwa. 16Era nʼatangira buli muntu okwakalya ebintu omwiramyo. 17Awo nʼayegesya abaaliwo nti, “Tikyawandiikiibwe nti, ‘Enyumba yange yaakubbanga nyumba abantu bʼamanga goona goona mwebaakusabiranga?’#Isa 56:7 Baitu nywe mugifoire mpuku abanyagi mwebeebbisa!”#Yer 7:11 18Abakabona abakulu nʼabeegesya bʼamateeka gʼaBayudaaya nibaawuliire ebigambo ebyo, ni basala amagezi aga kwita oYesu. Baali bamutiinire, kubba ekibiina kyʼabantu kyona kyona kyali kiwuniikiriire olwa nnyegesya yaamwe. 19Obwire nibwaswekere, oYesu nʼabeegesebwa baamwe ni baliga omu kibuga.
Ekyegerwa oku musaale omutiini
(Mat 21:20-22)
20Enceege oku mambya, oYesu nʼabeegesebwa baamwe nibaali bakwakalawo, ni babona omusaale omutiini gudi nigwomere okuligira kimwei oku kitina. 21Awo oPeetero nʼaizukira, nʼakoba oYesu ati, “Mwegesya, bona! Omusaale omutiini gwewaceenere gwomere!” 22OYesu nʼabairamu ati, “Mubbe nʼokwikiriza omu Kanca. 23Kambakobere amananu; omuntu nakoba olusozi luni nti, ‘Tiduka weenage omu nyanja,’ nabba takugulucaguluca omu mutima gwamwe, baitu nʼaikiriza nti kyakukoba kyaikiira, kini kirimukoorwa. 24Olwʼekyo nkubakoba nti, buli kyemusaba oKanca, mwikirizenge nti mukifunire, era mulikifuna. 25Era buli lwemubbanga mukusaba oKanca, niwaliwo akoore ekikubalumya, mwekeere musaasire omuntu oyo, obwo oIte waanywe ali omwiguru leke naanywe abasaasire ebibbi byanywe. 26[Baitu nimutasaasira, obwo nʼoIte waanywe ali omwiguru talibasaasira bibbi byanywe.”]#11:26 Ebiwandiiko ebimwei ebya irai tibirina lunyiriri luni (Bona nʼo Mat 6:15).
OYesu bakumubuulya oku buyinza bwamwe
(Mat 21:23-27; Luk 20:1-8)
27Awo oYesu nʼabeegesebwa baamwe ni baika e Yerusaalemu omulundi ogundi. OYesu niyaali akutambula omu lubuga lwa Iramyo, abakabona abakulu nʼabeegesya bʼamateeka gʼaBayudaaya nʼabantu abakulu omwiyanga, ni baaba gyali. 28Ni bamubuulya bati, “Obuyinza obukukolesya ebintu bini bwaligire ayi? Era naani yabukuwaire?” 29OYesu nʼabairamu ati, “Nanje kambabuulye ekibuulyo kimwei. Nimwannyiramu, obwo njeena nabakobera obuyinza bwendina okukola ebintu bini. 30Naani yatumire oYokaana okubatiza; Kanca oba bantu? Munnyiremu.” 31Awo ni baanura bonkai na bonkai bati, “Nitwairamu nti, ‘OKanca niye yamutumire.’ Akwiza kutubuulya nti, ‘Ale lwaki oYokaana oyo mutamwikiriize?’ 32Oba twiremu nti, ‘Kwaligire mu bantu,’ Baitu ni batiina; kubba abantu boona boona baikiriza nti oYokaana yaali mulangi. 33Awo ni bamwiramu bati, ‘Titumaite.’”
Yeena nʼabakoba ati, “Ale nanje tinabakobere obuyinza obunkolesya ebintu bini gyebuliga.”
Цяпер абрана:
Mako 11: RUULI-NYALA
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mako 11
11
OYesu akwingira nʼekitiinisya omu Yerusaalemu
(Mat 21:1-11; Luk 19:28-40; Yok 12:12-19)
1Awo oYesu nʼabeegesebwa baamwe nibaali baigereire ekibuga Yerusaalemu, nikwo okukoba nibaikire e Bbesifaage nʼe Bbesaniya, oku Lusozi olwa Misaale Gyebeeta Oliva, oYesu nʼatuma babiri oku beegesebwa baamwe ati, 2“Mwabe omu kabuga akabali omu maiso. Nimwabba mukukaingira muti, mukwiza okubona ondogoyi omutomuto abbwerwe, ateebagalwangaku. Mumusandabule mumuleete ani. 3Niwaabbaawo akubabuulya nti, ‘Lwaki ondogoyi mukumusandabula?’ Mumwiramu muti, ‘OMukama waiswe akumwetaaga, era akwiza okulagira bamwirye ani mangu.’” 4Awo ni baaba, ni basanga ondogoyi omutomuto abbwerwe oku mulyango, nayemereire enzai omu luguudo. Nibaali bakumusandabula, 5abamwei oku baali beemereire awo ni bababuulya bati, “Mukola ki? Ondogoyi lwaki mukumusandabula?” 6Abeegesebwa ni bairamu nkʼoYesu niyaali abakobere. Badi ni babaleka baabe. 7Awo abeegesebwa ni batwara oYesu ondogoyi, ni bamutaaku emyenagiro gyabwe, nʼamwebagala.#Zek 9:9 8Baingi ni baaliira emyenagiro gyabwe omu muwanda, abandi ni baaliiramu ebikoola ebyebaiyire oku misaale egya mu ndumiro. 9Awo abaali beebembeire nʼabaali bakuligaku ennyuma, ni babaza nʼeiraka eryanguki nti,
“OMukama
awaisibwe!
Akwizira omwibara rya Mukama,
awairwe omukisa!#Zab 118:25-26
10Obukama bwa aize waiswe oDawudi obukwiza
buwairwe omukisa,
OMukama ali omwiguru,
awaisibwe.”
11Awo oYesu nʼaika e Yerusaalemu, nʼayaba omwIramyo. Niyamaare okurolarola okubona ebintu byona, nʼawuluka nʼarola e Bbesaniya amwei nʼabeegesebwa baamwe eikumi nʼababiri, kubba obwire bwali buli ampi okusweka.
OYesu akuceena omusaale omutiini
(Mat 21:18-19)
12Ekiro ekyaireku, oYesu nʼabeegesebwa baamwe nibaali bakuliga e Bbesaniya, oYesu nʼalumwa enzala. 13Niyalengeire omusaale omutiini ogujumbire, nʼayaba okubona oba nga yagusangaku ebyana. Baitu niyagwikireku nʼatasangaku kyana gonze ekimwei, okutoolaku ebikoola byonkai, kubba ti nikyo kyali ekiseera emitiini mwegyereera. 14Nʼagukoba ati, “Okuliga ati watalibbaawo akulya oku byana byamu omulundi ogundi!” Ebigambo bini abeegesebwa baamwe ni babiwura.
OYesu akupeka abakutundira omwIramyo
(Mat 21:12-17; Luk 19:45-48; Yok 2:13-22)
15Awo oYesu nʼabeegesebwa baamwe nibaikire e Yerusaalemu, oYesu nʼayaba omwIramyo, nʼatandika okupekamu abaali bakutundiramu nʼabaali bakuguuramu. Nʼajuumuka emeeza zʼabaayingisya ba mpiiya, nʼentebe zʼabaali bakutunda enjiibwa. 16Era nʼatangira buli muntu okwakalya ebintu omwiramyo. 17Awo nʼayegesya abaaliwo nti, “Tikyawandiikiibwe nti, ‘Enyumba yange yaakubbanga nyumba abantu bʼamanga goona goona mwebaakusabiranga?’#Isa 56:7 Baitu nywe mugifoire mpuku abanyagi mwebeebbisa!”#Yer 7:11 18Abakabona abakulu nʼabeegesya bʼamateeka gʼaBayudaaya nibaawuliire ebigambo ebyo, ni basala amagezi aga kwita oYesu. Baali bamutiinire, kubba ekibiina kyʼabantu kyona kyona kyali kiwuniikiriire olwa nnyegesya yaamwe. 19Obwire nibwaswekere, oYesu nʼabeegesebwa baamwe ni baliga omu kibuga.
Ekyegerwa oku musaale omutiini
(Mat 21:20-22)
20Enceege oku mambya, oYesu nʼabeegesebwa baamwe nibaali bakwakalawo, ni babona omusaale omutiini gudi nigwomere okuligira kimwei oku kitina. 21Awo oPeetero nʼaizukira, nʼakoba oYesu ati, “Mwegesya, bona! Omusaale omutiini gwewaceenere gwomere!” 22OYesu nʼabairamu ati, “Mubbe nʼokwikiriza omu Kanca. 23Kambakobere amananu; omuntu nakoba olusozi luni nti, ‘Tiduka weenage omu nyanja,’ nabba takugulucaguluca omu mutima gwamwe, baitu nʼaikiriza nti kyakukoba kyaikiira, kini kirimukoorwa. 24Olwʼekyo nkubakoba nti, buli kyemusaba oKanca, mwikirizenge nti mukifunire, era mulikifuna. 25Era buli lwemubbanga mukusaba oKanca, niwaliwo akoore ekikubalumya, mwekeere musaasire omuntu oyo, obwo oIte waanywe ali omwiguru leke naanywe abasaasire ebibbi byanywe. 26[Baitu nimutasaasira, obwo nʼoIte waanywe ali omwiguru talibasaasira bibbi byanywe.”]#11:26 Ebiwandiiko ebimwei ebya irai tibirina lunyiriri luni (Bona nʼo Mat 6:15).
OYesu bakumubuulya oku buyinza bwamwe
(Mat 21:23-27; Luk 20:1-8)
27Awo oYesu nʼabeegesebwa baamwe ni baika e Yerusaalemu omulundi ogundi. OYesu niyaali akutambula omu lubuga lwa Iramyo, abakabona abakulu nʼabeegesya bʼamateeka gʼaBayudaaya nʼabantu abakulu omwiyanga, ni baaba gyali. 28Ni bamubuulya bati, “Obuyinza obukukolesya ebintu bini bwaligire ayi? Era naani yabukuwaire?” 29OYesu nʼabairamu ati, “Nanje kambabuulye ekibuulyo kimwei. Nimwannyiramu, obwo njeena nabakobera obuyinza bwendina okukola ebintu bini. 30Naani yatumire oYokaana okubatiza; Kanca oba bantu? Munnyiremu.” 31Awo ni baanura bonkai na bonkai bati, “Nitwairamu nti, ‘OKanca niye yamutumire.’ Akwiza kutubuulya nti, ‘Ale lwaki oYokaana oyo mutamwikiriize?’ 32Oba twiremu nti, ‘Kwaligire mu bantu,’ Baitu ni batiina; kubba abantu boona boona baikiriza nti oYokaana yaali mulangi. 33Awo ni bamwiramu bati, ‘Titumaite.’”
Yeena nʼabakoba ati, “Ale nanje tinabakobere obuyinza obunkolesya ebintu bini gyebuliga.”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце