Mako 10
10
OYesu akwegesya oku butagaitululwa kwʼabasumbo
(Mat 19:1-12; Luk 16:18)
1Awo oYesu nʼaliga omu kitundu ekyo, nʼarola omu kitundu ekya Buyudaaya, nʼomu kitundu ekya ku rubaju olundi olwa mwiga oYoludaani. Abantu baingi muno era ni baaba waali, nʼabeegesya nka niyaali amanyiriire okukola. 2ABafarisaayo abamwei ni baaba waali ni bamubuulya nibakumukema nti, “Omusaiza aikirizibwa omu mateeka gaiswe okupeka omukali waamwe?” 3Ye nʼabairamu ati, “OMusa yabalagiire ki?” 4Ni bakoba bati, “OMusa yaikiriize omusaiza okuwandiikanga ebbaluwa yakwawukana nʼomukali waamwe, ale obwo nʼamupeka.”#Tek 24:1 5OYesu nʼabairamu ati, “Olwa bukakanyali bwa mitima gyanywe, oMusa nikyo yabateereirewo ekiragiro ekyo. 6Baitu okuliga oku ntandikwa eya kuwanga, oKanca yawangire omusaiza nʼomukali.#Kwe 1:27 7Nʼolwʼekyo omusaiza yalekanga oite waamwe nʼonyina, nʼabba nʼomukali waamwe,#10:7 Ebiwandiiko ebimwei tibirina bigambo bini: “nʼabba nʼomukali waamwe.” 8bakali bombi ni babba omuntu omwei.#Kwe 2:24 Obwo nga tibacaali babiri; baitu nibali omuntu omwei. 9Nʼolwʼekyo oKanca kyeyagaitire amwei, omuntu takyawukanianga.” 10Nibaireyo omu nyumba abeegesebwa ni babuulya oYesu oku nsonga eyo. 11Nʼabairamu ati, “Buli apeka omukali waamwe, nʼabandula omukali owondi abba airye omusango ogwa kusiiyana. 12Era omukali nanoba e wa iba waamwe nʼasumbirwate omusaiza owondi, abba asiiyaine.”
OYesu akuweerya abaana abato omukisa
(Mat 19:13-15; Luk 18:15-17)
13Abantu abamwei baali bakuleeta abaana abato egiri oYesu abateeku emikono, baitu abeegesebwa baamwe ni babatangira nibakubaboigoora. 14OYesu niyaboine abeegesebwa baamwe kyebakukola, nʼakwatibwa ekiniga, nʼabakoba ati, “Muleke abaana abato baize egyendi, mutabatangira, kubba abali nka bani, oBukama bwa Kanca bwabwe. 15Kambakobere amananu; buli muntu ataikiriza Kanca, nkʼomwana omuto, ti wakwingira mu Bukama bwa Kanca.” 16Awo nʼaginga abaana bani abato, nʼabaweerya omukisa nakubakwataku.
Omusaiza omuguuda
(Mat 19:16-30; Luk 18:18-30)
17Awo oYesu niyaali nakutandika olugendo lwamwe, omusaiza nʼaiza gyali nakwiruka, nʼakubba amajwi omu maiso gaamwe, nʼamubuulya ati, “Mwegesya omusai, kiki kyenteekwa okukola okufuna obwomi obutawaawo?” 18OYesu nʼamukoba ati, “Lwaki onnyetere omusai? Ndoowo musai okwiyaku oKanca yenkai. 19Omaite amateeka ga Kanca agakoba nti, ‘Toitanga muntu, tosiiyananga, toibbanga, tobazanga bya bubeyegi ku muntu, togobyanga. Oiteewo nʼomaawo obatangamu ekitiinisya.’#Kuz 20:12-16; Tek 5:16-20” 20Omusaiza oni nʼairamu ati, “Mwegesya amateeka ago goona goona nagaikiriirye okuligira kimwei omu buto.” 21Awo oYesu niyamurolereire, nʼamusaasira, nʼamukoba ati, “Okubulwaku ekintu kimwei. Yaba otunde ebintu byamu byona byona, empiiya ezaaligamu ozigabire abaseege, leke oize otambulenge nanje, olifuna obuguuda omwiguru.” 22Omusaiza oyo niyakawuliire ebyo, nʼatasemeerwa, era nʼayaba niyeenatiire, kubba yaalina ebya buguuda bingi. 23OYesu nʼarolarola, nʼakoba abeegesebwa baamwe ati, “Ka kizibu abaguuda okwingira omu Bukama bwa Kanca!” 24Abeegesebwa ni bawuniikiira olwa bigambo byamwe. Baitu oYesu nʼakiiramu ati, “Abange, ka kizibu okwingira omu Bukama bwa Kanca! 25Kyangu onkaina okwakala omu kawulu ka nkinzo, okukira omuguuda okwingira omu Bukama bwa Kanca!” 26Awo ni bawuniikiira muno, ni bakobangana bati, “Ale obwo naani asobola okujunwa?” 27OYesu nʼabaroleera, nʼakoba ati, “Egiri abantu kini tikisoboka baitu egiri oKanca byona byona bisoboka.” 28Awo oPeetero nʼakoba oYesu ati, “Bona, iswe twalekere ebyaiswe byona byona, leke tubbenge naawe.” 29OYesu nʼairamu ati, “Kambakobere amananu; ndoowo eyalekere enyumba yaamwe, oba abaganda baamwe oba abanyaanya oba onyina oba oite waamwe oba abaana baamwe oba ekibanja kyamwe oku lwange nʼolwʼAmawuro Agasai, 30atalifuna omu bwomi buni obwa ku nsi: enyumba, abaganda baamwe, abanyaanya, ababyaire baamwe abakali, abaana nʼebibanja amwei nʼokwasayasanizibwa, emirundi kikumi. Era omu mulembe oguliirawo, alifuna obwomi obutawaawo. 31Baitu baingi abeekereire abalibba aba luzwannyuma, era aba luzwannyuma babbe abeekereire.”
OYesu akubaza omulundi ogwakasatu oku kufa kwamwe
(Mat 20:17-19; Luk 18:31-34)
32Nibaali omu muwanda nibakwaba e Yerusaalemu oYesu nabeebembeire, abeegesebwa baamwe ni bawuniikiira, nʼabantu abandi abaali bakubaligaku ennyuma ni batiina. Awo nʼairamu okwirya abeegesebwa baamwe eikumi nʼababiri oku ntando, nʼabasubiira ebyali bikwaba okumwikaku. 33Nʼabakoba ati, “Mubone, ati tukwaba e Yerusaalemu; era eyo oMwana wa Muntu yaweebwayo omu bakabona abakulu, nʼomu beegesya bʼamateeka ga Kiyudaaya. Bakwiza okumusaara ogwa kufa, era bamuweeryeyo omu Banyamanga. 34Bakwiza kumusekeera, bamucweku, bamusuunye, era bamwite. Baitu niwaakairewo ebiro bisatu, akwiza kuyimbooka.”
Okusaba kwa Yakobo nʼoYokaana
(Mat 20:20-28)
35Awo oYakobo nʼoYokaana, abataani ba Zebbedaayo, ni baikiira oYesu, ni bamukoba bati, “Mwegesya, tukwendya otukoore kyona kyona kyetwakusaba.” 36OYesu nʼababuulya, “Mukwendya mbakoore ki?” 37Ni bamwiramu bati, “Noliikala oku ntebe yaamu eya kitiinisya, otwikirize tukwereere, omwei oku gulyo, owondi oku gumoso.” 38OYesu nʼabakoba ati, “Kyemukusaba timukukyeteja. Musobola okunywa oku kikopo kyenkwaba okunywaku, oba okubatizibwa omu ngeri gyenkwaba okubatizibwamu?” 39Bo ni bamwiramu bati, “Tukusobola.” OYesu nʼabakoba ati, “Ekikopo kyenkwaba okunywaku, mananu mulikinywaku, era mulibatizibwa omu ngeri gyenkwaba okubatizibwamu. 40Baitu ekyakwikaara nimunnyerereire oku rubaju olwa gulyo oba olwa gumoso, ti ninje nkigaba, era kiweebwa abo bekyateekaniriziibwe.” 41Abeegesebwa abandi eikumi nibakiwuliire, ni bagongereera oYakobo nʼoYokaana. 42OYesu nikwo okubeeta boona boona amwei okwiza waali, nʼabakoba ati, “Mumaite nti abalowoozebwa okubba abafugi bʼabantu ba nsi, babafugira kimwei era bafugisya bwandi. 43Baitu omu nywe ti nimwo kiteekwa okubba. Omu nywe, buli eyaakwendyanga okubba omukulu, yaakuteekwanga kubba muweereza wʼabaira baamwe, 44era buli eyaakwendyanga okubba akwekeera, yaakubbanga mwiru wa boona. 45Kubba nʼoMwana wa Muntu tiyaizire kuweerezebwa, baitu okuweereza, era nʼokuweeryayo obwomi bwamwe nkʼomutango okucungura abaingi.”
OYesu akutamba oBatimaayo
(Mat 20:29-34; Luk 18:35-43)
46Awo oYesu nʼabeegesebwa baamwe nʼekibiina kyʼabantu ekikooto, ni baika e Yeriko. Nibaali bakuligayo, ni basanga omwigali wʼamaiso omusabiirya eyayetebwanga Batimaayo (ekimanyisya nti mutaani wa Timaayo), naikaire oku muwanda. 47Niyawuliire nti oYesu Omunazaaleesi niye akwakalawo, nʼatandika okubazira aiguru nti, “Yesu Omwizukulu wa Dawudi, nkwatirwa ekisa!” 48Abantu baingi ni bamwamira ni bamukoba asirike, baitu ni yeeyongerambe okukokooma nti, “Mwizukulu wa Dawudi, nkwatirwa ekisa!” 49OYesu nʼayemeera, nʼakoba ati, “Mumukobe aize.” Ni bamweta, ni bamukoba bati, “Wumula! Imuka! Akukweta.” 50Awo nʼanaga edi omwenagiro gwamwe, nʼamatuka, nʼayaba awaali oYesu. 51OYesu nʼamubuulya, “Okwendya nkukoore ki?” Omwigali wʼamaiso nʼamwiramu ati, “Nkwendya mbonie.” 52Awo oYesu nʼamukoba ati, “Ale yaba, owonere olwa kwikiriza kwamu.” Amangu ago nʼabonia, era nʼasengeerya oYesu.
Цяпер абрана:
Mako 10: RUULI-NYALA
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mako 10
10
OYesu akwegesya oku butagaitululwa kwʼabasumbo
(Mat 19:1-12; Luk 16:18)
1Awo oYesu nʼaliga omu kitundu ekyo, nʼarola omu kitundu ekya Buyudaaya, nʼomu kitundu ekya ku rubaju olundi olwa mwiga oYoludaani. Abantu baingi muno era ni baaba waali, nʼabeegesya nka niyaali amanyiriire okukola. 2ABafarisaayo abamwei ni baaba waali ni bamubuulya nibakumukema nti, “Omusaiza aikirizibwa omu mateeka gaiswe okupeka omukali waamwe?” 3Ye nʼabairamu ati, “OMusa yabalagiire ki?” 4Ni bakoba bati, “OMusa yaikiriize omusaiza okuwandiikanga ebbaluwa yakwawukana nʼomukali waamwe, ale obwo nʼamupeka.”#Tek 24:1 5OYesu nʼabairamu ati, “Olwa bukakanyali bwa mitima gyanywe, oMusa nikyo yabateereirewo ekiragiro ekyo. 6Baitu okuliga oku ntandikwa eya kuwanga, oKanca yawangire omusaiza nʼomukali.#Kwe 1:27 7Nʼolwʼekyo omusaiza yalekanga oite waamwe nʼonyina, nʼabba nʼomukali waamwe,#10:7 Ebiwandiiko ebimwei tibirina bigambo bini: “nʼabba nʼomukali waamwe.” 8bakali bombi ni babba omuntu omwei.#Kwe 2:24 Obwo nga tibacaali babiri; baitu nibali omuntu omwei. 9Nʼolwʼekyo oKanca kyeyagaitire amwei, omuntu takyawukanianga.” 10Nibaireyo omu nyumba abeegesebwa ni babuulya oYesu oku nsonga eyo. 11Nʼabairamu ati, “Buli apeka omukali waamwe, nʼabandula omukali owondi abba airye omusango ogwa kusiiyana. 12Era omukali nanoba e wa iba waamwe nʼasumbirwate omusaiza owondi, abba asiiyaine.”
OYesu akuweerya abaana abato omukisa
(Mat 19:13-15; Luk 18:15-17)
13Abantu abamwei baali bakuleeta abaana abato egiri oYesu abateeku emikono, baitu abeegesebwa baamwe ni babatangira nibakubaboigoora. 14OYesu niyaboine abeegesebwa baamwe kyebakukola, nʼakwatibwa ekiniga, nʼabakoba ati, “Muleke abaana abato baize egyendi, mutabatangira, kubba abali nka bani, oBukama bwa Kanca bwabwe. 15Kambakobere amananu; buli muntu ataikiriza Kanca, nkʼomwana omuto, ti wakwingira mu Bukama bwa Kanca.” 16Awo nʼaginga abaana bani abato, nʼabaweerya omukisa nakubakwataku.
Omusaiza omuguuda
(Mat 19:16-30; Luk 18:18-30)
17Awo oYesu niyaali nakutandika olugendo lwamwe, omusaiza nʼaiza gyali nakwiruka, nʼakubba amajwi omu maiso gaamwe, nʼamubuulya ati, “Mwegesya omusai, kiki kyenteekwa okukola okufuna obwomi obutawaawo?” 18OYesu nʼamukoba ati, “Lwaki onnyetere omusai? Ndoowo musai okwiyaku oKanca yenkai. 19Omaite amateeka ga Kanca agakoba nti, ‘Toitanga muntu, tosiiyananga, toibbanga, tobazanga bya bubeyegi ku muntu, togobyanga. Oiteewo nʼomaawo obatangamu ekitiinisya.’#Kuz 20:12-16; Tek 5:16-20” 20Omusaiza oni nʼairamu ati, “Mwegesya amateeka ago goona goona nagaikiriirye okuligira kimwei omu buto.” 21Awo oYesu niyamurolereire, nʼamusaasira, nʼamukoba ati, “Okubulwaku ekintu kimwei. Yaba otunde ebintu byamu byona byona, empiiya ezaaligamu ozigabire abaseege, leke oize otambulenge nanje, olifuna obuguuda omwiguru.” 22Omusaiza oyo niyakawuliire ebyo, nʼatasemeerwa, era nʼayaba niyeenatiire, kubba yaalina ebya buguuda bingi. 23OYesu nʼarolarola, nʼakoba abeegesebwa baamwe ati, “Ka kizibu abaguuda okwingira omu Bukama bwa Kanca!” 24Abeegesebwa ni bawuniikiira olwa bigambo byamwe. Baitu oYesu nʼakiiramu ati, “Abange, ka kizibu okwingira omu Bukama bwa Kanca! 25Kyangu onkaina okwakala omu kawulu ka nkinzo, okukira omuguuda okwingira omu Bukama bwa Kanca!” 26Awo ni bawuniikiira muno, ni bakobangana bati, “Ale obwo naani asobola okujunwa?” 27OYesu nʼabaroleera, nʼakoba ati, “Egiri abantu kini tikisoboka baitu egiri oKanca byona byona bisoboka.” 28Awo oPeetero nʼakoba oYesu ati, “Bona, iswe twalekere ebyaiswe byona byona, leke tubbenge naawe.” 29OYesu nʼairamu ati, “Kambakobere amananu; ndoowo eyalekere enyumba yaamwe, oba abaganda baamwe oba abanyaanya oba onyina oba oite waamwe oba abaana baamwe oba ekibanja kyamwe oku lwange nʼolwʼAmawuro Agasai, 30atalifuna omu bwomi buni obwa ku nsi: enyumba, abaganda baamwe, abanyaanya, ababyaire baamwe abakali, abaana nʼebibanja amwei nʼokwasayasanizibwa, emirundi kikumi. Era omu mulembe oguliirawo, alifuna obwomi obutawaawo. 31Baitu baingi abeekereire abalibba aba luzwannyuma, era aba luzwannyuma babbe abeekereire.”
OYesu akubaza omulundi ogwakasatu oku kufa kwamwe
(Mat 20:17-19; Luk 18:31-34)
32Nibaali omu muwanda nibakwaba e Yerusaalemu oYesu nabeebembeire, abeegesebwa baamwe ni bawuniikiira, nʼabantu abandi abaali bakubaligaku ennyuma ni batiina. Awo nʼairamu okwirya abeegesebwa baamwe eikumi nʼababiri oku ntando, nʼabasubiira ebyali bikwaba okumwikaku. 33Nʼabakoba ati, “Mubone, ati tukwaba e Yerusaalemu; era eyo oMwana wa Muntu yaweebwayo omu bakabona abakulu, nʼomu beegesya bʼamateeka ga Kiyudaaya. Bakwiza okumusaara ogwa kufa, era bamuweeryeyo omu Banyamanga. 34Bakwiza kumusekeera, bamucweku, bamusuunye, era bamwite. Baitu niwaakairewo ebiro bisatu, akwiza kuyimbooka.”
Okusaba kwa Yakobo nʼoYokaana
(Mat 20:20-28)
35Awo oYakobo nʼoYokaana, abataani ba Zebbedaayo, ni baikiira oYesu, ni bamukoba bati, “Mwegesya, tukwendya otukoore kyona kyona kyetwakusaba.” 36OYesu nʼababuulya, “Mukwendya mbakoore ki?” 37Ni bamwiramu bati, “Noliikala oku ntebe yaamu eya kitiinisya, otwikirize tukwereere, omwei oku gulyo, owondi oku gumoso.” 38OYesu nʼabakoba ati, “Kyemukusaba timukukyeteja. Musobola okunywa oku kikopo kyenkwaba okunywaku, oba okubatizibwa omu ngeri gyenkwaba okubatizibwamu?” 39Bo ni bamwiramu bati, “Tukusobola.” OYesu nʼabakoba ati, “Ekikopo kyenkwaba okunywaku, mananu mulikinywaku, era mulibatizibwa omu ngeri gyenkwaba okubatizibwamu. 40Baitu ekyakwikaara nimunnyerereire oku rubaju olwa gulyo oba olwa gumoso, ti ninje nkigaba, era kiweebwa abo bekyateekaniriziibwe.” 41Abeegesebwa abandi eikumi nibakiwuliire, ni bagongereera oYakobo nʼoYokaana. 42OYesu nikwo okubeeta boona boona amwei okwiza waali, nʼabakoba ati, “Mumaite nti abalowoozebwa okubba abafugi bʼabantu ba nsi, babafugira kimwei era bafugisya bwandi. 43Baitu omu nywe ti nimwo kiteekwa okubba. Omu nywe, buli eyaakwendyanga okubba omukulu, yaakuteekwanga kubba muweereza wʼabaira baamwe, 44era buli eyaakwendyanga okubba akwekeera, yaakubbanga mwiru wa boona. 45Kubba nʼoMwana wa Muntu tiyaizire kuweerezebwa, baitu okuweereza, era nʼokuweeryayo obwomi bwamwe nkʼomutango okucungura abaingi.”
OYesu akutamba oBatimaayo
(Mat 20:29-34; Luk 18:35-43)
46Awo oYesu nʼabeegesebwa baamwe nʼekibiina kyʼabantu ekikooto, ni baika e Yeriko. Nibaali bakuligayo, ni basanga omwigali wʼamaiso omusabiirya eyayetebwanga Batimaayo (ekimanyisya nti mutaani wa Timaayo), naikaire oku muwanda. 47Niyawuliire nti oYesu Omunazaaleesi niye akwakalawo, nʼatandika okubazira aiguru nti, “Yesu Omwizukulu wa Dawudi, nkwatirwa ekisa!” 48Abantu baingi ni bamwamira ni bamukoba asirike, baitu ni yeeyongerambe okukokooma nti, “Mwizukulu wa Dawudi, nkwatirwa ekisa!” 49OYesu nʼayemeera, nʼakoba ati, “Mumukobe aize.” Ni bamweta, ni bamukoba bati, “Wumula! Imuka! Akukweta.” 50Awo nʼanaga edi omwenagiro gwamwe, nʼamatuka, nʼayaba awaali oYesu. 51OYesu nʼamubuulya, “Okwendya nkukoore ki?” Omwigali wʼamaiso nʼamwiramu ati, “Nkwendya mbonie.” 52Awo oYesu nʼamukoba ati, “Ale yaba, owonere olwa kwikiriza kwamu.” Amangu ago nʼabonia, era nʼasengeerya oYesu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце