Matáyoso 3
3
Sáŋa Batísite
(Mál 1.2-6; Lúk 3.1-6; Sáŋ 1.19-23)
1Agá medug amaány, Sáŋa Batísit uwesieg, uwɔyɔ agá giɔ́ndɔ́ gá Yudé ká: 2«Énunúgí gusɔ́d gán, Bufuŋ bá muana ganyɛ egúy.» 3Ewe ɔwɔ́ ibús Isayí máagálá uwɔyɛd ká: «Ekélu guánsa agá giɔ́ndɔ́ wɔ́yɔ ká: “Ánudábɔ́ná Nŋili ya Ɔgúnɔ́, núdényígenyi duás dág.”» 4Sáŋa mabiánán gɛla nɔgá nɔgá na dusɔ́ dá bunyam bábɛ́laná ká samó, umabiánán gɛɛ́sa gá gɛɛmf agá nɛdal. Umobióyónyi na kɔ́nta na buwɔɔ́ŋ umɔ́ɔfuɔ́gɛ́n kɔ́. 5Kányɛ band bá Yelúsalɛm na bá giéns gá gus gá Yudé, na bányá agá máy má asa wá Yuludɛ́ŋ, méetúlúgúgén gá gɔbaan agág gá masiá. 6Abábíbála bɛfal bɔ́b, uwabád guduenen bɔ́ agá asa wá Yuludɛ́ŋ.
Sáŋa guɔ́yɔn band ká bénúgi gusɔ́d gɔ́b
(Lúk 3.7-9)
7Anyɛ́ Sáŋa máanaán giod gá band bá giɔ́b gá Bafalisiɛ́ŋ na gá Basaduseyɛ́ŋ ábaan ká úduenen bɔ́, uganyɛ gɔ́b ká: «Siád ɛmfɛ́ny! Ányá unyágunúdíye nŋili yá gual ká núbísándɔ́n ilób yá Gɔdányá yílené e? 8Ánualá gɔg binɔ́g bá bielínyélínyé bídíyenyé ká gusɔ́d gán égunúgi; 9Nudɛ́b gá gúbiɔ́yɔɔn banuá muát ká: “Ábalaháma nyɛ sié ɔgúnɔ́ wasɔ.” Ngúnuɔ́yɔɔn anaány gágual ká, adány eye nuánaná, Gɔdányá nyɛ béguíyi yɔ́ baan bá Ábalaháma. 10Ooo! Ɛyá gányɛ ɛdábɔ́nán gá gúsɔ́mbá ɛŋaŋa sá madɛ́d; bágasɔ́mb bɔdɛ́d gidigid búdiómónó binɔ́g bá bɛsamɔ, bág bú agá yoóg.»
Nduén ya madɛ́ga na ya yoóg
(Mál 1.7-8; Lúk 3.15-18; Sáŋ 1.24-28)
11Uwɔb na busió uganyɛ ká: «Yaŋuá ngúnúduenen agá madɛ́ga gá gudíye ká núgunúgi gusɔ́d gán. Mɔnd gúsién wúlén agám gá gélem, unyɛ na bugaga wundúmbaan. Ndɛbá na nɔndɔ ná gúgudimid ká yéli mfaŋáŋá ság. Ɔwɔ́ ugenúduenen na Ɛsámb yá Mefúny na yoóg. 12Ugúbianan gifúnídín agá ɔmbɔ́g ká úfúne na gɛ́, úbɛ́dɛ́gaan insamɔ agá gɛsasɔ, dufun, úbégesenyi dú agá yoóg yá medug mem.»
Nduén yá Yésu
(Mál 1.9-11; Lúk 3.21-22; Sáŋ 1.29-34)
13Agá mɔɔ́s amaány, Yésu uwonólín agá giéns gá gus gá Galilé, uwɔb agá asa wá Yuludɛ́ŋ aga Sáŋa, ká Sáŋa dú wɔ́. 14Sáŋa uwala ká weén, uganyɛ ká: «Yaŋuá buófonó ká éndú, nɛ́nuán aŋuá egúleen agamia e!» 15Yésu guondinyi ká: «Nɛ́nuán, adiág mfal, búnyɛ bese ká dífuógi buand gidigid agá busi.» Sáŋa uwádábɛn wɔ́. 16Bámáal ná gudu Yésu, uwaám agá madɛ́ga, uwaán muana mébífuún, Ɛsámb yá Mefúny sélenin wɔ́ anyɛ nulɛŋ. 17Ekelu uwuúlín ugumuana wɔ́yɔ ká: «Ewe nyɛ mɔɔn wám wa ɔdɛm, nguɔ́bɔɔn bese naga giod.»
Цяпер абрана:
Matáyoso 3: MMU2
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце