انجیل یوحَنا 9
9
شفای کور مادرزاد
1عیسی از جَی رَد اَبو، که اُ یَک مردی اُشدی که کور مادرزاد هاد. 2شاگردیاش از آنا شُپُرسی: «استاد، وَخاطر گناه کِی که اِ مَردا کور اُ دنیا اُندِ؟ وَخاطر گناه خوشِه یا با و نَنَش؟» 3عیسی جواب اُشدَ: «نِه خوش گناه اُشکِردِ، و نِه با و نَنَش؛ بلکه اینا بو تَ کَرِی خدا تِی آنا آشکار بِبِه. 4تا رازِ باید کَرِی کسی که اُشفِرِستَدِستام اَنجوم هاتِم؛ شُو بُدا، و کسی اُشناشابِه تِی شُو کَری بِکو. 5تا موکَه‌ای که تِی دنیا هام، نور دنیا هام.» 6عیسی اِ حرفا اُشزاد و تُف شُ لِی زِمی بِست و، وَ تُفُش شَل نَک اُشکِه. بعد مِ شَلا شُ چَشِی مِ مرد کورا کَشی 7و شُ آنا گُت: «اُچا و تِی حوض سْیلوآم بِشُر.» سْیلوآم یعنی فِرِستَدَ بُدِ. پَ مِ کورا چو و اُششو، و خاد چَشِی بینا آگِشت.
8هُمسادَیّا و کسِی که کَبلتَه اُ آنا موکَهِ گَدَئی شُدِدِستاد، شواَگُت: «مَ اِ مِ مَردا نی که اَشَست و گَدَئی شَکِه؟» 9مُشتی از آنایا شُگُت: «مِئِه.» بَکیَه شُگُت: «نَه چُنِ آنائِه.» ولی آنا هَمَش شَگُت: «ما مِ هام.» 10از آنا شُپُرسی: «پَ چینا چَشیات واز آبو؟» 11آنا جواب اُشدَ: «یَک مردی که اسمُش عیسی هاد، شَل نَک اُشکِه و شُ چَشیام کَشی و اُشگُت ”تِی حوض سْیلوآم اُچا و بِشُر.“ پَ چِدام، اُمشو و چَشیام دِدا.» 12از آنا شُپُرسی: «آنا کُئِه؟» جواب اُشدَ: «نانام.»
13پَ مِ مَردا که کَبلاً کور هاد، شُنحَدِ عالمِی فِرکَهِ فَریسی اَئو. 14مِ رازا که عیسی شَل نَک اُشکِردِستاد و چَشیاش واز شاکِردِستاد، شنبه مکدّس یهودِنیا هاد. 15پَ فَریسِنیا هم از آنا شُپُرسی که چینا چَشیاش واز آبو. مِ مرد کورا جواب اُشدَ: «آنا لِی چَشیام شَل اُشکَشی و اُمشو و آلَه دِدام.» 16مُشتی از فَریسِنیا شُگُت: «اِ مَردا از طرف خدا نی، اَسِی که کانون شنبه‌ئا رعایت ناکو.» ولی بَکیَه شُگُت: «چینا آدامی که گُنَهکارِه، شَشابِه اینا نِشونَه و معجزه‌ئِی اَنجوم هادَ؟» و بینشو اختلاف اُفتَه. 17پَ دَفَیدو از مِ کورا شُپُرسی: «تو دربارَهِ آنا چه اَگائِش؟ اَسِی که آنا چَشیات واز شاکِردِ.» مِ مَردا جواب اُشدَ: «آنا یَک پیغامبرِه.»
18یهودِنیا باور شُنِکِه که مِ مَردا کور هاد و چَشیاش واز آبُدِ، تا اِکِه اُ با و نَنَهِ مِ مَردا که چَشیاش واز آبُدِستاد جار شُزاد 19و از آنایا شُپُرسی: «اِ پُسِ شمائِه، مِ که اَگائی کور اُ دنیا اُمَ؟ پَ چینائِه که آلَه اَبِنِه؟» 20با و نَنَش جواب شُدَ: «اَدانِم که اِ پُسِ اَمائِه و کور اُ دنیا اُمَ. 21ولی اَما نادانِم که آنا آلَه چینا اَبِنِه، و نادانِم کِه چَشیاش واز شاکِردِ. از خوش بِپُرسی. آنا خوش گَپِه و دربارَهِ خوش حرف اَزاد.» 22با و نَنَش وَخاطر اِکِه از یهودِنیا شواَتِرسی اینا شُگُت. اَسِی که یهودِنیا کَبلتَه توافُک شُکِردِستاد که اَگَه کسی اعتراف بِکو عیسی هَمِ مسیحِ موعودِه، اُ آنا از عبادتگاه یهودِنیا شُدَر کِنِت. 23وَخاطر هَمِ هاد که با و نَنَش شُگُت، «آنا خوش گَپِه؛ از خوش بِپُرسی.»
24پَ دَفَیدو اُ مِ مردی که کَبلاً کور هاد، جار شُزاد و شُن آنا گُت: «اُ خدا جلال هادِ! اَما اَدانِم که عیسی یَک مرد گُنَهکارِیه.» 25مِ مَردا جواب اُشدَ: «اِکِه آنا گُنَهکارِه نانام. یَک چی اَدانام، و آنا هم اِکِه کور هادام، و اَلَه دِدام.» 26آنایا اُ مردی که چَشیاش واز آبُدِستاد شُگُت: «خاد تو چه اُشکِه؟ چینا چَشیات واز شاکِه؟» 27آنا جواب اُشدَ: «ما که کَبلاً مُ شما گُت، شما گاش کَر ناکنی؛ اَسِی چه تُئِه دوبارَه بِشناوی؟ مَ شما هم تُئِه شاگرد آنا بِبی؟» 28آنایا شُن آنا دُشمو دَ، شُگُت: «تو شاگرد آنا هِش! اَما شاگرد موسی پیغامبرِم. 29اَما اَدانِم خدا خاد موسی حرف اُشزادِ. ولی نادانِم اِ مَردا از کُ اُندِ.» 30مِ مَردا شُ آنایا جواب دَ: «عجیبِه! اِ مَردا چِشیام واز شاکِه، و شما هَنو نادانی از کُ اُندِ. 31اَما اَدانِم که خدا اُ صدای گُنَهکاریا گاش کَر ناکو، ولی اَگَه کسی خداپرست بِه و خواستَهِ آنا اَنجوم هادَ، خدا اُ صدای آنا گاش کَر اَکو. 32از شروع دنیا تا آلَه هِسوَخت شُنُفتَ نِبُدِ که کسی چَشِی یَک کور مادرزادا واز بِکو. 33اَگَه اِ مَردا از طرف خدا نِهاد، اُشناشابو هیچ کَری بِکو.» 34آنایا جواب شُنادَ: «تو که سَر تا پا تِی گناه اُ دنیا اُندِستِش. اَلَه اُ اَما درس دَداش؟» پَ اُ آنا شُندَر کِه.
35عیسی اُششُنُفت که آن مَردا شُندَر کِردِ، اُ آنا شاجو و اُشگُت: «اُ پُسِ انسان ایمون اُتَه؟» 36آنا جواب شادَ: «آقا، بِگِه کِی تَ اُ آنا ایمون بیارام.» 37عیسی شُ آنا گُت: «تو اُ آنا اُتدِدِ! هَمِئِه که آلَه خاد تو حرف زَتا.» 38آنا اُشگُت: «سرورُم، ایمون اُمَ.» و اُ عیسی پرستش اُشکِه.
39عیسی اُشگُت: «ما اَسِی حُکم کِردَ اُ اِ دُنیَه‌وا اُندِستام، تَ کسِی که کورِت، بِبِنِت و کسِی که اَبِنِت، کور بِبِت.» 40مُشتی از فَریسِنیا که آنکا هادِت، وَختی اِ حرفیَه‌وا شُشُنُفت، شُگُت: «اَما هم کورِم؟» 41عیسی شُ آنایا گُت: «اَگَه کور هادی تخصیری تُنِهاد؛ ولی اَلَه که اَگائی: ”اَما اَبِنِم“، تخصیرکار اَدَمانی.
Цяпер абрана:
انجیل یوحَنا 9: LAB
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
@ 2024 Korpu Company
انجیل یوحَنا 9
9
شفای کور مادرزاد
1عیسی از جَی رَد اَبو، که اُ یَک مردی اُشدی که کور مادرزاد هاد. 2شاگردیاش از آنا شُپُرسی: «استاد، وَخاطر گناه کِی که اِ مَردا کور اُ دنیا اُندِ؟ وَخاطر گناه خوشِه یا با و نَنَش؟» 3عیسی جواب اُشدَ: «نِه خوش گناه اُشکِردِ، و نِه با و نَنَش؛ بلکه اینا بو تَ کَرِی خدا تِی آنا آشکار بِبِه. 4تا رازِ باید کَرِی کسی که اُشفِرِستَدِستام اَنجوم هاتِم؛ شُو بُدا، و کسی اُشناشابِه تِی شُو کَری بِکو. 5تا موکَه‌ای که تِی دنیا هام، نور دنیا هام.» 6عیسی اِ حرفا اُشزاد و تُف شُ لِی زِمی بِست و، وَ تُفُش شَل نَک اُشکِه. بعد مِ شَلا شُ چَشِی مِ مرد کورا کَشی 7و شُ آنا گُت: «اُچا و تِی حوض سْیلوآم بِشُر.» سْیلوآم یعنی فِرِستَدَ بُدِ. پَ مِ کورا چو و اُششو، و خاد چَشِی بینا آگِشت.
8هُمسادَیّا و کسِی که کَبلتَه اُ آنا موکَهِ گَدَئی شُدِدِستاد، شواَگُت: «مَ اِ مِ مَردا نی که اَشَست و گَدَئی شَکِه؟» 9مُشتی از آنایا شُگُت: «مِئِه.» بَکیَه شُگُت: «نَه چُنِ آنائِه.» ولی آنا هَمَش شَگُت: «ما مِ هام.» 10از آنا شُپُرسی: «پَ چینا چَشیات واز آبو؟» 11آنا جواب اُشدَ: «یَک مردی که اسمُش عیسی هاد، شَل نَک اُشکِه و شُ چَشیام کَشی و اُشگُت ”تِی حوض سْیلوآم اُچا و بِشُر.“ پَ چِدام، اُمشو و چَشیام دِدا.» 12از آنا شُپُرسی: «آنا کُئِه؟» جواب اُشدَ: «نانام.»
13پَ مِ مَردا که کَبلاً کور هاد، شُنحَدِ عالمِی فِرکَهِ فَریسی اَئو. 14مِ رازا که عیسی شَل نَک اُشکِردِستاد و چَشیاش واز شاکِردِستاد، شنبه مکدّس یهودِنیا هاد. 15پَ فَریسِنیا هم از آنا شُپُرسی که چینا چَشیاش واز آبو. مِ مرد کورا جواب اُشدَ: «آنا لِی چَشیام شَل اُشکَشی و اُمشو و آلَه دِدام.» 16مُشتی از فَریسِنیا شُگُت: «اِ مَردا از طرف خدا نی، اَسِی که کانون شنبه‌ئا رعایت ناکو.» ولی بَکیَه شُگُت: «چینا آدامی که گُنَهکارِه، شَشابِه اینا نِشونَه و معجزه‌ئِی اَنجوم هادَ؟» و بینشو اختلاف اُفتَه. 17پَ دَفَیدو از مِ کورا شُپُرسی: «تو دربارَهِ آنا چه اَگائِش؟ اَسِی که آنا چَشیات واز شاکِردِ.» مِ مَردا جواب اُشدَ: «آنا یَک پیغامبرِه.»
18یهودِنیا باور شُنِکِه که مِ مَردا کور هاد و چَشیاش واز آبُدِ، تا اِکِه اُ با و نَنَهِ مِ مَردا که چَشیاش واز آبُدِستاد جار شُزاد 19و از آنایا شُپُرسی: «اِ پُسِ شمائِه، مِ که اَگائی کور اُ دنیا اُمَ؟ پَ چینائِه که آلَه اَبِنِه؟» 20با و نَنَش جواب شُدَ: «اَدانِم که اِ پُسِ اَمائِه و کور اُ دنیا اُمَ. 21ولی اَما نادانِم که آنا آلَه چینا اَبِنِه، و نادانِم کِه چَشیاش واز شاکِردِ. از خوش بِپُرسی. آنا خوش گَپِه و دربارَهِ خوش حرف اَزاد.» 22با و نَنَش وَخاطر اِکِه از یهودِنیا شواَتِرسی اینا شُگُت. اَسِی که یهودِنیا کَبلتَه توافُک شُکِردِستاد که اَگَه کسی اعتراف بِکو عیسی هَمِ مسیحِ موعودِه، اُ آنا از عبادتگاه یهودِنیا شُدَر کِنِت. 23وَخاطر هَمِ هاد که با و نَنَش شُگُت، «آنا خوش گَپِه؛ از خوش بِپُرسی.»
24پَ دَفَیدو اُ مِ مردی که کَبلاً کور هاد، جار شُزاد و شُن آنا گُت: «اُ خدا جلال هادِ! اَما اَدانِم که عیسی یَک مرد گُنَهکارِیه.» 25مِ مَردا جواب اُشدَ: «اِکِه آنا گُنَهکارِه نانام. یَک چی اَدانام، و آنا هم اِکِه کور هادام، و اَلَه دِدام.» 26آنایا اُ مردی که چَشیاش واز آبُدِستاد شُگُت: «خاد تو چه اُشکِه؟ چینا چَشیات واز شاکِه؟» 27آنا جواب اُشدَ: «ما که کَبلاً مُ شما گُت، شما گاش کَر ناکنی؛ اَسِی چه تُئِه دوبارَه بِشناوی؟ مَ شما هم تُئِه شاگرد آنا بِبی؟» 28آنایا شُن آنا دُشمو دَ، شُگُت: «تو شاگرد آنا هِش! اَما شاگرد موسی پیغامبرِم. 29اَما اَدانِم خدا خاد موسی حرف اُشزادِ. ولی نادانِم اِ مَردا از کُ اُندِ.» 30مِ مَردا شُ آنایا جواب دَ: «عجیبِه! اِ مَردا چِشیام واز شاکِه، و شما هَنو نادانی از کُ اُندِ. 31اَما اَدانِم که خدا اُ صدای گُنَهکاریا گاش کَر ناکو، ولی اَگَه کسی خداپرست بِه و خواستَهِ آنا اَنجوم هادَ، خدا اُ صدای آنا گاش کَر اَکو. 32از شروع دنیا تا آلَه هِسوَخت شُنُفتَ نِبُدِ که کسی چَشِی یَک کور مادرزادا واز بِکو. 33اَگَه اِ مَردا از طرف خدا نِهاد، اُشناشابو هیچ کَری بِکو.» 34آنایا جواب شُنادَ: «تو که سَر تا پا تِی گناه اُ دنیا اُندِستِش. اَلَه اُ اَما درس دَداش؟» پَ اُ آنا شُندَر کِه.
35عیسی اُششُنُفت که آن مَردا شُندَر کِردِ، اُ آنا شاجو و اُشگُت: «اُ پُسِ انسان ایمون اُتَه؟» 36آنا جواب شادَ: «آقا، بِگِه کِی تَ اُ آنا ایمون بیارام.» 37عیسی شُ آنا گُت: «تو اُ آنا اُتدِدِ! هَمِئِه که آلَه خاد تو حرف زَتا.» 38آنا اُشگُت: «سرورُم، ایمون اُمَ.» و اُ عیسی پرستش اُشکِه.
39عیسی اُشگُت: «ما اَسِی حُکم کِردَ اُ اِ دُنیَه‌وا اُندِستام، تَ کسِی که کورِت، بِبِنِت و کسِی که اَبِنِت، کور بِبِت.» 40مُشتی از فَریسِنیا که آنکا هادِت، وَختی اِ حرفیَه‌وا شُشُنُفت، شُگُت: «اَما هم کورِم؟» 41عیسی شُ آنایا گُت: «اَگَه کور هادی تخصیری تُنِهاد؛ ولی اَلَه که اَگائی: ”اَما اَبِنِم“، تخصیرکار اَدَمانی.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
@ 2024 Korpu Company