Matthew 18
18
1အဲခီမှာ ဗြိတော်ဒွေဟ ကိုယ်တော်ယေရှုနားဝိုလာပီး "ရွှေဗြို့တော်ရဲ့သာသနာတော်မှာ ဟယ်သူဟ ကီးမြတ်ဆုံးဖြစ်နူး" ဆိုပီး မေးဂေ့လေရယ်။ 2အဲခါ ကိုယ်တော်ယေရှုဟ ခလေးငယ်ဝိုခေါ်ပီး သူ့နို့လယ်မှာရပ်စေပြီး 3နန်းနို့ဝို ငါမှန်ပြောမယ်၊ နန်းနို့ဟ အယ်မိုသားဂန်းရားမျိုးဖြစ်ဘဲနေဆိုဝါ ရွှေဗြို့တော်ရဲ့သာသနာတော်ဝို ဟယ်ခါမှ ဝမ်ရလိမှာမုဝ" ဆိုပီး မိတော်မူလေရယ်။ 4အဲဂျော့ အယ်မိုသားဂန်းရားမျိုး ကိုယ့်ကိုကိုယ်နှိခလဝိုသူဟ ရွှေဗြို့တော်ရဲ့သာသနာတော်မှာ ကီးမြတ်ဆုံးသူဖြစ်ရယ်။ 5ငါ့မည်နာမဂျော့ အယ်မိုခလေးငယ်ဝို လက်ခံဝိုသူဟ ငါ့ဝိုယုံကြည်လက်ခံသူဖြစ်ရယ်။ 6အယ်ဘေမဲ့ ငါ့ဝိုယုံကြည်လက်ခံဝို အယ်မိုသားငယ်ရားဒွေထဲဟ သားငယ်တယော့ဝို ပြစ်ပြုမိဝိုသူဟ ကီးမားဝိုကလော့တုံးဝို လည်ဘမ်းမှာဆွဲပီး ပမ်လယ်ထဲဝို ပစ်ခလဇာဟ ပိုကောမယ်ဖြစ်ရယ်။ 7လူဒွေဝို သူ့နို့ရဲ့ ယုံကြည်မှုဝို လျော့ပါးအော် လုပ်ဝိုဇာဒွေရှေ့နေဝို အယ်မိုဘာမလေဂီးဟ ရားဒိုင်းဆိုးရွားပေရယ်။ အယ်မိုမျိုးရာဒွေဟ မြဲဒမ်းဖြစ်ပျစ်နေဦးမှာဖြစ်ဘေမဲ့လဲ အဲမိုဇာဒွေဝို ကျူးလွန်စေဝိုလူဒွေဟ ရားဒိုင်းဆိုးရွားပေရယ်။ 8ဂယ်ရိ နန့်ခေ န လက် ဟ ပြစ်ကျူးလွန်ခဲ့ဇာရှေ့မယ်ဆိုဝါ အဲမိုဇာဒွေဝို ဖြတ်ထုလိုက်ပါ။ ဟဲဖြစ်ရိနူးဆိုဝါ ခေပြတ်လက်ပြတ်ပီး သက်ရှင်ရဇာဟ ခေလက်အစုံန မီးလျှံထဲဝို ကလခံရဇာထက် ပိုပီးကောရိဂျော့ဖြစ်ရယ်။ 9အဲမိုဇာအပြင် နန့်မျစ်စိဟ နန့်ဝို ပြစ်ကျူးလွန်စေရယ်ဆိုဝါ မျစ်စိဝိုဖော့ထုလိုက်ပါ။ မျစ်လုံးအစုံန ဆုံးဘဲဝိုမီးထဲဝို ပစ်ခလဇာခံရဇာထက် မျစ်စိတစ်လုံးန သက်ရှင်ဇာဟ နန့်တွက် ပိုပီးကောရယ်။ 10နန်းနို့ဟ သက်ငယ်ဝိုသူဒွေထဲဟ ဇုံတယော့ဝို မထီမဲ့မြင်မပြုမိစေဝို့ ဒိပြုဂေ့လော့။ ဟဲဖြစ်ရိနူးဆိုဝါ ရွှေဗြို့တော်မှာရှေ့ဝို သူ့နို့ရဲ့နတ်ဒေဝါဒွေဟ ရွှေဗြို့တော်မှာရှေ့တော်မူဝို ငါ့ခမည်းတော်ရဲ့မျစ်နှာတော်ဝို မြဲဒမ်းဖူးဗြင်ရရယ်ဆိုပီး နန်းနို့ဝို ငါပြောမယ်။ 11အဲနော့ လူ့သားတော်ဟ ပျော့ဆုံးဝါးဝိုလူဒွေဝို ကယ်တံဝို့ကြွလာဇာဖြစ်ရယ်။ 12လူတယော့မှာ သိုးတစ်ရာရှေ့ဝိုထဲဟ တဂေါ်ပျော့ရားရယ်ဆိုဝါ အဲမိုလူဟ ဟဲမျိုးလုပ်ဆော်မယ်ဆိုပီး နန်းနို့ထံဂေ့နူး။ သူဟ သိုးကိုးဆယ့်ကိုးဂေါ်ဝို တော်ဂူးပေါ်မှာထားရစ်ပီး ပျော့ဆုံးဝါးဝို သိုးတစ်ဂေါ်ဝို သွားရော့ရှာဖွီပေလိမယ်။ 13နန်းနို့ဝို ငါမှန်ပြောရမယ်ဆိုဝါ သူဟ ပျော့ဆုံးဘဲဝို သိုးကိုးဆယ့်ကိုးဂေါ်ထက် ပျော့ဆုံးဝါးဝို သိုးတဂေါ်ဝို ပလန်ရှာတွီ့ခါမှာ ပိုပီးဝမ်းသာလိမယ်။ 14အဲမိုမျိုးဘဲ့ ရွှေဗြို့တော်မှာရှေ့တော်မူဝို နန်းနို့အဖဘုရားရှင်ဟ အယ်မိုငယ်ရွယ်သူဒွေထဲဟ တစ်ယော့ဝိုမှ ပျစ်စီးစေဝို့ လိုမှေ့ရ။ 15ဂယ်ရိ နန့်ညီဟနန့်ဝို ပြစ်မှားခဲ့မယ်ဆိုဝါ သူ့ဆီဝိုသွားပြီး သူ့မှားဝို နှေ့ကိုယ်ဂျားဘဲ့ထော့ပြပါ။ သူဟ နန့်ဂါးဝို နားထော်ရယ်ဆိုဝါ နန်းနို့ပလန်လည်သင့်မြတ်ပြီဖြစ်ရယ်။ 16အယ်ဘေမဲ့ သူဟ နားထော်ဘဲနေရယ်ဆိုဝါ လူတယော့ဝိုဖြစ်ဖြစ် နှေ့ယော့ဝိုဖြစ်ဖြစ် သက်သေဖြစ်န ခေါ်ဝါးပီးရှင်းပြပါ။ မှုကိစဒိုင်းဝို လူတယော့နဖြစ်ဖြစ် နှေ့ယော့ဖြစ်ဖြစ် သက်သေခံချင့်ဒွေန ဆုံးဖြတ်ချက်ခလမှတ်နိုင်မှာဖြစ်ရယ်။ 17ဂယ်ရိ သူဟ သူ့နို့ဝိုဂျင်းမယ်ဆိုဝါ သင်းတော်ဝို ပြောပြဂေ့လော့၊ ဂယ်ရိ သူဟ သင်းတော်ဝို ထပ်ပီးဂျင်းမယ်ဆိုဝါ ယုံကြည်လွှဲမှားသူ န ဖြော့မတ်မှုမှေ့ဘဲဝို ခွန်ကော့မားဒွေပေါ် ဆစ်ဆံမျိုး သူ့ဝို ဆစ်ဆံနိုင်ရယ်။ 18နန်းနို့ဝို ငါမှန်ပြောရမယ်ဆိုဝါ နန်းနို့ ဘာမလေဂီးပေါ်မှာ ခယ်နှော်ရားဝိုဇာဒွေဟ ရွှေဗြို့တော်မှာ ခယ်နှော်ခံရလိမယ်ဖြစ်ရယ်။ ဘာမလေဂီးပေါ်မှာ ဖြည်လွှတ်ရစ်ဇာမှန်သမျှဝို ရွှေဗြို့တော်မှာ ဖြည်လွှတ်ဇာဝို ခံရလိမယ်ဖြစ်ရယ်။ 19ထပ်ပီး နန်းနို့ဝို ငါမှန်ပြောရမယ်ဆိုဝါ၊ ဘာမလေဂီးပေါ်မှာ နန်းနို့ထဲဟနှေ့ယော့ဟ ဘောတူပီး ဆုတောဂေ့မယ်ဆိုဝါ သူ့နို့တောသမျှဝို ရွှေဗြို့တော်မှာရှေ့တော်မူဝို ငါ့ရဲ့ဖဘုရားရှင်ဟ သူ့နို့တွက် ဆော်ဝက်ပေးလိမယ်ဖြစ်ရယ်။ 20ထပ်ပီး နန်းနို့ဝို ငါမှန်ပြောရမယ်ဆိုဝါ၊ ဘာမလေဂီးပေါ်မှာ နန်းနို့ထဲဟနှေ့ယော့ဟ ဘောတူပီး ဆုတောဂေ့မယ်ဆိုဝါ သူ့နို့တောသမျှဝို ရွှေဗြို့တော်မှာရှေ့တော်မူဝို ငါ့ရဲ့ဖဘုရားရှင်ဟ သူ့နို့တွက် ဆော်ဝက်ပေးလိမယ်ဖြစ်ရယ်။ 21အဲခါ ပေတရုဟ ကိုယ်တော်ယေရှုဆီဝို လာပီး "အရှင်၊ ကျနော့်ဝိုပြစ်မှားဝို ညီကို မော်နှမဒွေဝို ဟယ်မျှခါ ခွမ့်လွှတ်ရမယ်နူး။ ခုနှေ့ခါထိလော" ဆိုပီး မေးလေရယ်။ 22ကိုယ်တော်ဟ "ခုနှေ့ခါမုဝ၊ ခုနှေ့ဆယ့်ခုနှေ့ခါတိုင်တိုင် ခွမ့်လွှတ်ရမယ်" ဆိုပီး ပလန်လည်မိဆိုလေရယ်။ 23အဲနော့ ကိုယ်တော်ဟ "အဲဂျော့ ရွှေဗြို့တော်ရဲ့သာသနာတော်ဟ မိမိစေပါးဒွေရဲ့စာရင်းဝို စစ်ဆေးရှင်ဝို ဘုရင်တစ်ပါးနတူရယ်။ 24သူဟ စာရင်းစပီးစစ်ဆေးဝိုခါမှာ ရွှေဒန်းဂါး တစ်သောကြွေးတံသူတစ်ယော့ဝို ရှေ့တော်ဝို ခေါ်ဆော်ခဲ့ရယ်။ 25အယ်ဘေမဲ့ အဲမိုလူမှာ ကြွေးဆပ်ဇာမှေ့ဘဲရိတွက်ဂျော့ ဘုရင်ဟ သူ့ဝို သားမယားန သူပိုင်ဆိုင်ဝိုဇာဒွေဂူလုံးဝို ရောပီး ကြွေးဆပ်ဝို့ မိခလလေရယ်။ 26အဲခါ အဲမိုစေပါးဟ ဘုရင်ရှေ့မှာ ဒူးထော့ပီး "ကျနော့်ဝို သည်းခံတော်မူပါ။ ကြွေးရှေ့သမျှဝို ပလန်ဆပ်ပါမယ်" ဆိုပီး တောရှော့လေရယ်။ 27ဘုရင်ဟ နားကြင်နာစိရှေ့ရိတွက်ဂျော့ ရှေ့သမျှကြွေးဒွေဝို လျှော်ပေးပီး သူ့ဝို လွှတ်ပေးလိုက်လေရယ်။ 28အယ်ဘေမဲ့ အဲမိုစေပါးဟ အဲနေရာဟနေထွက်ရားပီး သူ့ဆီမှာ ငွေဒန်းဂါးပြားတစ်ရာကြွေးတံဝို ခြားစေပါးတယော့ဝိုတွီ့န သူ့ဝိုဖမ်းပီး လည်ဘမ်းညှစ်ပီး "နန်ယူရားဝိုကြွေးဝို ပလန်ဆပ်လော့" ဆိုပီး ပြောလေရယ်။ 29အဲခါ အဲမိုစေပါးဟ "ကျနော့်ဝို သည်းခံပါ။ နန့်ကြွေးဝို ပလန်ဆပ်ပါမယ်" ဆိုပီး တောဘန်လေရယ်။ 30အယ်ဘေမဲ့ သူဟ လက်မခံဘဲန အဲမိုစေပါးဝို သူယူရားဝိုကြွေးဝို ပလန်ဆပ်ဝို့ခီထိ ထော်ထဲမှာ ထည့်ရားလေရယ်။ 31ခြားစေခံတယော့ဟ အဲမိုဇာဝို ဗြင်ခီမှာ ရားဒိုင်းစိပျစ်ပီး ဘုရင်ဆီဝိုသွားပီး ဂူလုံးဝို ရှော့တံလေရယ်။ 32ခြားစေခံတယော့ဟ အဲမိုဇာဝို ဗြင်ခီမှာ ရားဒိုင်းစိပျစ်ပီး ဘုရင်ဆီဝိုသွားပီး ဂူလုံးဝို ရှော့တံလေရယ်။ 33ငါဟ နန့်ပေါ်ဝို နားကြင်နာမျိုး နန့်စေပါးချင်းချင်းပေါ်မှာလည်း နားကြင်နာသင့်ပေရယ်။ 34အဲမျိုးနဘဲ့ ဘုရင်ဟ ဒေါသထွက်ပီး ကြွေးရှေ့သမျှဝို ပလန်ဆပ်ဝိုခီထိ သူ့ဝို ကျဥ်းခလပီး ပြစ်ပေးလေရယ်။ 35နန်းနို့တယော့ဆီဟ ကိုယ့်ညီကိုဝို စိနှလုံးထဲဟနေ ခွမ့်မလွှတ်ရဆိုဝါ၊ ရွှေဗြို့တော်မှာရှေ့ဝို အဖဘုရားရှင်ဟ နန်းနို့ဝို အဲမိုမျိုးဘဲ့ ပြုတော်မူလိမယ်ဖြစ်ရယ်" ဆိုပီး မိတော်မူလေရယ်။
Цяпер абрана:
Matthew 18: ttpv-rv
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.