Mathāi 3
3
Baptispū Zohan-in Lampui a Sāt
Mk 1:1-8; Lk 3:1-20; Zn 1:6-8, 19-28
1 #
Lk 1:13, 57-66; Kui 19:3-4 Hava hunlāi han Baptispū Zohan chu a hong a, Zudāi ram mibuirama Pathian chong a ril a. 2#Dnl 7:14; Lk 11:20; Zn 3:3, 5; Kui 1:3, 6“Ansīr u ro. Asik chu vān rēngram chu a nāi zei,” a tī na. 3#Mal 3:1; Lk 1:76; Zn 1:23Ama hi a ni deari Isaia'n a lei ril ha,
“Mibuirama mī khat ānkhēk rōlin,
‘Zehova lampui chu sin u ro,
A lampui ngāi chu manzīk u ro,’ ” (Isa 40:3)
a tī na. 4#Lev 11:22; 2Rē 1:8; Mt 3:1Zohan chu mākingkang mul a rasil a, a kōnga mevun kōngkhit a khit a. Ama a sākpār ngāi chu khāi lē ram khuoining a ni. 5Hatuka Zerusalem, Zudāi ram dōra lē Zordan ravēl dāma mipui ngāi dōra chu ama kōma a sē u na, 6#Mk 1:4āsia ei thō u ngāi anpuong u na, a kōma Zordan dunga baptisma a lāk u na.
7 #
Rōm 1:18
Tenchu Farisāi lē Sadukāi ngāi ātampā chu baptisma lāk ranga āhong chu a lei mū na, a kōm u na: “Marūl khūk ngāi! Taksitna lum a hong ātung rang ātā ārot ranga, tū mo anrēngna a nā pēk u? 8#Kui 26:20Hasikhan, ansīrna anlang khopa marā rasuo u ro, 9#Lk 3:8hanūk chu, ‘Abraham hi koini na chipui kēng,’ tīna, mandon u nō ro. Asik chu, kei na tī a ni u zei, hiva lung ngāi ātā Pathianin Abraham a ranga nāi ngāi a masuok thei. 10#Lk 3:9; Zn 15:2, 6Atun len hin thingkung ngāi bul chipa reipui ankhop kēng a ni zei. Hasikhan, marā āsā mazir lui thingkung tin chu anphūra moia anpei in ti.
11 #
Isa 4:4; Mk 1:4, 8 “Koiin ansīrna ranga tīna baptisma ka na pēk u na. Tenchu ka nūka āhong rang pū chu ka nēka ārāt a ni. Ama a kethin āpēlruo ngal ni mak ung. Amā'n Rathā Ānthiang lē moi le han baptisma na pēk u'n ti. 12Zāpna ralei chu a kuta om a, rīmun chu rathial vang in ti. Gōm chu sasiara manlūt in tia, tenchu sarasī dōra chu thitheilui moia hāl in ti,” a tī na.
Isuo Baptisma Changna
Mk 1:9-11; Lk 3:21-22; Zn 1:31-34
13 #
Mk 1:4
Hatuka Isuo chu Galili ram ātā Zohan a kōma, Zordan dunga baptisma lāk ranga a hong a. 14Tenchu Zohan-in a kōma: “Koi kēng na kōma baptisma alāk kei nāng, ka kōma mo nei hong?” tīna, a khārna a thō na. 15Tenchu Isuo'n a masang a, a kōma, “Atuna rang chu lei phal zām ro. Asik chu hintin hin dikna tin ānkhip rang hi koini na ranga āsa kēng,” a tī na. Hatuka Zohan-in a phal a. 16#Isa 11:2; Izk 1:1; Zn 1:51; Kui 7:56; Anl 4:1Isuo baptisma a lāk suona, tī nātā ei hong suok phingle, entā, ama ranga anvān chu anlong a, Pathian Rathā chu vasū anga a hong āchum a, a chunga chuonga a mū na. 17#Dān 4:12; Sām 2:7; Isa 42:1; Mt 17:5; Mk 1:11; Lk 3:22; Kui 13:33; Heb 1:1-5; 2Pe 1:17Hatuka entā, anvān ātā rōl khat a suok a, “Hiva hi ka Nāipasal madit a ni. Ama chunga ka rāi asān sabak,” a tī na.
Bible in Ranglong, © Bibles International, the Bible society of Baptist Mid-Missions, 2024.