1 ሳሜላ ገሉዋ
ገሉዋ
ኮይሮነ ላኤን ሳመላ ግያ ሱንይ ዬዳዌ ጾሳይ እስራኤልያ ቢታን ካተቱዋ አይሱዋ ኤሳናዉ ጎኤቴዳ አሳ ጋሱዋና። ሳመል ጾሳይ እስራኤልያ ቦላን ኦራ ካትያ አይሱዋ ማራ ኤሴዳዋነ እ ኤሴዳ ማራይ ብለና ደአና ማላ ኦዳ አሳ። ሳመላ ማጻፋን ኮይሮ ሻኩ እስራኤልያ አሳይ ዳናቱ ሞዱዋፐ ካተቱ ሞድያ ካዉተዉ ፕኔዳ ሀኖታ ኦዴ። ሀ ላሚ እስራኤልያ አሳ ኡባ ደኡዋ ግዶን ኦሰታናዉ ዳንዳዬዳዌ ሄዙ አሳ ጋሱዋና። ሄዋንቱፐ ኮይሩ ዉርሰን ደኤዳ ዎልቃማ ዎልቃማ ዳናቱዋፐ እቱዋ ግድያ ሳመላ ግዶደ፥ ላኤን እስራኤልያዉ ኮይሮ ካትያ ግዴዳ ሳኦላ። ሄዘን ቃይ ማታ ኦይቃናፐ ካሰ አ ታርኪ ሳመላነ ሳኦላ ታርክያና ኦይቀት ኡቴዳ ዳዊታ።
ሀ ማጻፋዉ ሁጰ ኪታይ ኤጫ ቃላ ጫቁዋ ግዶን ደእያ ሀራ ታርክያ ማጻፋቱዋዳንካ፥ ጾሳዉ አማነትያዌ አንጆነ እንጀ ደኦ ካለያዋነ አዛዘተናን እጽያዌ ኩንደነ ባሻ አህያዋ በሴ። ሄዌነ ጾሳይ ቄስያ ኤልያዉ ኦዲደ፥ “ታና ቦንችያዋንታ ታን ቦንቻና፤ ታና ካያዋንታ ታን ካዉሻና” ጊደ ሃሳዬዳ ቃላን ቆንጭያን ኦዴ። (2:30)
ሀ ማጻፋይ ካቲ ሞድያ ካዉተ ኤስያ ማራን አሳዉ ስሰትያ ሀኖታ ቆንጭሴዳ። ካሰ አይሱዋ ዎጋን እስራኤልያ አሳዉ ቱሙ ካትያ ግዲደ ኤረቴዳዌ ባረ ሁጲያዉ ጾሳ። ሽን ጉየፐ ጋምኢደ አሳይ ኦሻ ደንና፥ ጾሳይ ኡንቱንቶ ካትያ ዶሬዳ። ሽን ሀ ኡባን ሁጰባይ ካትያ ግድና፥ እስራኤልያ አሳ ግድናካ፥ ጾሳይ ኡንቱንቱፐ ቦላና ፕርድያዋ ግድና፥ አ ጋርሳን ኡንቱንቱ ደአናሳ (2:7-10)። ሄዌካ ጾሳ ህግያፐ ጋርሳና ዱረ ግድና፥ ማንቆ ግድናካ፥ አሳ ኡባ ማታይ ቦንቼትና ደአናዉ ኮሽያዋ በሴ።
ሸምፓቱዋ ኡባቶ እመቴዳ ቃን ቆፋቱዋ
ሳሜል እስራኤልያ ካለያዋ ግዱሳ 1:1—7:17
ሳኦል ካትያ ግዱሳ 8:1—10:27
ኮይሮ ሳኦላ አይሱዋ ላይቱዋ 11:1—15:35
ዳዊታነ ሳኦላ 16:1—30:31
ሳኦላነ አ ናናቱዋ ሀይቁዋ 31:1-13
Цяпер абрана:
1 ሳሜላ ገሉዋ: DFBE
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The Word for the World Ethiopia