Другі ліст да Тэсалонцаў Раздзел 2
Раздзел 2
1 #
Мц. 24:31; Мк. 13:26 Просім, вось, вас, браты, праз прыйсце Госпада нашага Ісуса Хрыста і наша спатканне з Ім,
2 #
Мц. 24:4
каб вы не хісталіся паспешна розумам і не палохаліся ці то ад духа, ці то праз слова, ці то праз ліст, нібы ад нас, што быццам надыходзіць дзень Хрыстовы.
3 #
Мц. 24:10
Няхай ніхто вас не зводзіць ніякім чынам, бо [дзень гэты не прыйдзе], пакуль не прыйдзе перш адступленне ды пакуль не з’явіцца чалавек беззаконня, сын загубы,
4 #
Эзэк. 28:2; Дан. 11:36; Адкр. 13:1 які працівіцца і ўзвышаецца па-над усім, што называецца Богам або што ўшаноўваецца святыняю, так, што ён засядзе ў святыні Божай як Бог, выдаючы сябе за Бога.
5Ці ж не памятаеце, што, калі я яшчэ прабываў у вас, вам аб гэтым казаў?
6І ведаеце цяпер, што яго трымае ад з’яўлення ў свой час.
7 #
Адкр. 17:5
Таямніца нягоднасці ўжо дзейнічае; але толькі абмежавана да таго часу, пакуль будзе сярод той, хто трымае цяпер.
8 #
Іс. 11:4; Адкр. 2:16 Тады і аб’явіцца той бязбожнік, якога Госпад Ісус заб’е духам вуснаў Сваіх і знішчыць яго магутнасцю прыходу Свайго,
9 #
Адкр. 13:11
таго, прыход якога намаганнем шатана [будзе] з усёю сілаю, і знакамі, і ўяўнымі цудамі,
10 #
1Кар. 16:22
і з усякім нягодным ашуканствам для тых, якім ісці на загубу, бо яны не прынялі любові праўды, каб збавіцца.
11 #
Мц. 24:24
І дзеля таго пашле ім Бог дзеянні подступу, каб верылі падману.
12 #
Ян. 3:19
Так будуць асуджаны ўсе, што не ўверылі праўдзе, а ўзлюбілі беззаконне.
13 #
Эф. 1:4; 1Тэс. 1:4; 1Пёт. 1:2 Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,
14 #
Ціт. 2:13; 1Пёт. 5:10 да якога паклікаў вас праз Евангелле наша на атрыманне славы Госпада нашага Ісуса Хрыста.
15 #
Юды
Дык вось, браты, стойце і трымайцеся перададзенага ад нас вучэння, якому навучыліся ці то праз словы, ці то праз лісты нашы.
16 #
Ян. 3:16
Хай жа Сам Госпад наш Ісус Хрыстос і Бог, Айцец наш, Які ўзлюбіў нас і даў вечнае суцяшэнне і добрую надзею ў ласцы,
17 #
1Кар. 1:8; 1Тэс. 3:13 суцешыць сэрцы вашы і ўмацуе вас ва ўсякай добрай дзейнасці і слове.
Цяпер абрана:
Другі ліст да Тэсалонцаў Раздзел 2: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017