Другі ліст да Тэсалонцаў Раздзел 3
Раздзел 3
1 #
Эф. 6:19; Клс. 4:3 Нарэшце, браты, маліцеся за нас, каб слова Госпада пашыралася і выслаўлялася, як і ў вас,
2 #
Рым. 15:31
і каб мы ўсцерагліся ад людзей крывадушных і ліхіх, бо вера ёсць не ва ўсіх.
3Але верны Госпад, Які і ўмацуе вас і ўсцеражэ ад ліхога.
4 #
2Кар. 7:16; 1Тэс. 5:11 Мы маем упэўненасць наконт вас у Госпадзе, што вы робіце і будзеце рабіць тое, што мы загадваем вам.
5Хай жа Госпад накіруе сэрцы вашы да любові Божай і цярплівасці Хрыстовай.
6 #
Мц. 18:15
Загадваем жа вам, браты, у імя Госпада нашага Ісуса Хрыста, каб высцерагаліся вы ўсякага брата, які жыве нягодна і не паводле пераданаму, што вы атрымалі ад нас.
7Бо самі ведаеце, як належыць пераймаць нас, бо мы не жылі паміж вас нягодна
8 #
1Кар. 4:12; 1Тэс. 2:9 ды дарма чужога хлеба не елі, але ў рабоце і стоме, уночы і днём працуючы, нікому з вас не былі цяжарам.
9 #
Дзеі 20:35; 1Кар. 4:16 Не дзеля таго, што не мелі мы ўлады, але каб з сябе даць вам прыклад для наследавання нам.
10Дык, калі мы былі ў вас, гэта вам загадвалі: хто не хоча працаваць, хай і не есць.
11 #
1Цім. 5:13
Бо чуем мы, што ёсць некаторыя між вамі, што нягодна жывуць, нічога не робяць, а толькі мітусяцца.
12 #
Эф. 4:28; 1Тэс. 4:11 Такім, вось, што так жывуць, загадваем і заклікаем, Госпадам нашым Ісусам Хрыстом, каб, спакойна працуючы, елі свой уласны хлеб.
13Вы ж, браты, не падайце духам, робячы дабро.
14 #
Мц. 18:17
Калі хто часам не паслухае слова нашага з ліста гэтага, такога майце на прыкмеце ды не сябруйце з такім, каб быў асаромлены.
15 #
Мц. 18:15; 1Тэс. 5:14 Але не ўважайце яго за ворага, а ўшчувайце як брата.
16 #
Ян. 14:27; Рым. 15:33; Плп. 4:9; 1Тэс. 5:2 Сам жа Госпад супакою няхай дасць вам супакой заўсёды ўсякім спосабам. Госпад з усімі вамі.
17Прывітанне маёю рукою, Паўлавай, што ёсць знак у кожным лісце; так я пішу.
18Ласка Госпада нашага Ісуса Хрыста з усімі вамі. Амін.
Цяпер абрана:
Другі ліст да Тэсалонцаў Раздзел 3: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017