Другі ліст да Карынцянаў Раздзел 2
Раздзел 2
1Я пастанавіў сам у сабе, каб не ісці да вас зноў у смутку,
2бо, калі я вас засмучаю, хто мяне парадуе, калі не той, хто быў мною засмучаны?
3 #
1Кар. 4:21; Гал. 5:10; 2Тэс. 3:4; Флм. 21 І пісаў я вам пра гэта, каб, прыбыўшы, не мець смутку ад тых, ад якіх належала радавацца, бо я перакананы адносна ўсіх вас, што мая радасць для ўсіх вас.
4Бо з вялікім жалем і тугою сэрца ды са слязамі пісаў я вам не дзеля таго, каб засмуціць вас, але каб вы адчулі, якую вялікую любоў маю я, асабліва ж да вас.
5 #
1Кар. 5:1; Гал. 4:12; Клс. 1:24 Калі хто засмуціў, то не мяне засмуціў, але, каб лішне не сказаць, часткова і ўсіх вас.
6Такому хопіць кары, вызначанай большасцю,
7 #
Гал. 6:1; Эф. 4:32 але лепш, каб вы такому даравалі ды суцешылі, каб празмерная згрызота яго не ахапіла.
8Таму прашу вас, каб выказалі такому любоў.
9 #
Рым. 4:17
З гэтаю мэтаю я пісаў, каб спазнаць вашу выпрабаванасць, ці ва ўсім вы паслухмяныя.
10 #
Мц. 18:18; Ян. 20:23 Каму вы даруеце, таму і я; бо і я, калі каму што дараваў, дык дараваў дзеля вас перад абліччам Хрыста,
11 #
Лк. 22:31
каб не звёў нас шатан, бо думкі яго добра нам вядомы.
12 #
Дзеі 14:27; 1Кар. 16:9 Калі я прыбыў у Трааду дзеля дабравесця Хрыстова і брама была мне адкрыта ў Госпадзе,
13 #
Дзеі 20:1; Гал. 2:1; Ціт. 1:4 я не меў супакою духу майму, бо не спаткаў Ціта, брата майго. Таму я развітаўся з імі і падаўся ў Мацэдонію.
14 #
1Кар. 15:57; Клс. 1:23 Хай будзе Богу падзяка за тое, што дае нам перамагаць у Хрысце заўсёды ды праз нас ва ўсякім месцы выяўляе водар пазнання Свайго.
15Мы, вось, мілы Богу водар Хрыстоў сярод тых, што дасягаюць збаўлення, і сярод тых, што гінуць:
16 #
Лк. 2:34; Ян. 9:39 для адных – водар смерці на смерць, а для другіх – водар жыцця на жыццё. І хто здатны на гэта?
17 #
1Пёт. 4:11; 2Пёт. 2:3; 2Кар. 4:2 Бо мы не фальшуем Слова Божага, як многія, але прамаўляем шчыра, як ад Бога на віду Бога ў Хрысце.
Цяпер абрана:
Другі ліст да Карынцянаў Раздзел 2: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017