Другі ліст да Карынцянаў Раздзел 3
Раздзел 3
1Ці пачнём зноў знаёміцца? Або ці будзем патрабаваць, як некаторыя, прадстаўнічых лістоў да вас або ад вас?
2 #
1Кар. 9:1
Вы ёсць наш ліст, напісаны ў сэрцах нашых, які ведаюць і чытаюць усе людзі.
3 #
Вых. 24:12; Ярэм. 31:33; Эзэк. 11:19; 36:26; 1Кар. 3:5; Геб. 8:10 Вы паказваеце праз паслугу нашу, што вы – ліст Хрыстоў, напісаны не атрамантам, але Духам Бога жывога, не на каменных табліцах, але на цялесных табліцах сэрца.
4Такую пэўнасць маем у Богу праз Хрыста.
5 #
Ян. 15:5
Не таму, што мы самі маем здольнасць думаць нешта ад сябе, быццам з сябе, але гэта наша здольнасць ад Бога,
6 #
Ярэм. 31:31; Ян. 6:63; Рым. 3:20; Гал. 3:10 Які і ўчыніў нас здатнымі быць паслугачамі Новага Запавету, не літары, але Духа, бо літара забівае, а Дух ажыўляе.
7 #
Вых. 34:29
Калі служэнне смерці, высечанае літарамі на каменні, было ў такой славе, што сыны Ізраэля не маглі глядзець на твар Майсея дзеля славы аблічча яго, якая прамінае,
8дык ці не многа больш будзе слаўным служэнне Духа?
9 #
Рым. 1:17
Бо калі служэнне асуджэння ёсць слава, дык тым болей багатым славаю будзе служэнне апраўдання.
10Гэтак тое, што было слаўным часткова, не мае больш славы па прычыне славы, якая перавышае яе.
11Бо калі тое, што прамінае, мае славу, то тым больш слаўнае тое, што трывае.
12 #
Дзеі 4:29; Эф. 6:19 Дык вось, маючы такую надзею, мы дзейнічаем з вялікай адвагай,
13 #
Вых. 34:33
а не як Майсей, што ўздзеў заслону на твар свой, каб сыны Ізраэля не глядзелі на заканчэнне таго, што прамінае.
14 #
Дзеі 28:26; Рым. 11:7 Але розум іх прытупіўся, бо аж да цяперашняга дня, калі чытаюць Стары Запавет, гэтая заслона застаецца нязнятай, бо толькі ў Хрысце яна адсланяецца.
15Дык па сённяшні дзень, калі чытаюць Майсея, заслона ляжыць на іх сэрцах.
16 #
Вых. 34:34
А калі хто навяртаецца да Госпада, заслона ападае.
17 #
Ян. 4:24; Гал. 5:13 Госпад ёсць Дух, а дзе Дух Госпадаў, там свабода.
18 #
Мц. 17:2; 1Кар. 15:49 Мы ж усе з адкрытым тварам аглядаем славу Госпадаву, быццам у люстэрку, і перамяняемся ў Яго вобраз з яснасці ў яснасць, так, як ад Госпадава Духа.
Цяпер абрана:
Другі ліст да Карынцянаў Раздзел 3: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017