Першы ліст да Тэсалонцаў Раздзел 5
Раздзел 5
1Пра часы і пару, браты, няма патрэбы вам пісаць,
2бо самі добра ведаеце, што дзень Госпадаў, як злодзей уначы, так ён прыйдзе.
3 #
Лк. 21:35
Бо калі скажуць: «Супакой і бяспека», тады раптам прыйдзе на іх загуба, як родавыя мукі на цяжарную, і не ўцякуць.
4 #
Рым. 13:12; 1Ян. 2:8 Вы ж, браты, не ў цемры, каб дзень той захапіў вас, як злодзей,
5бо ўсе вы – сыны святла і сыны дня. Мы не належым ані ночы, ані цемры.
6Дык не будзем спаць, як і іншыя, але будзем чуваць і будзем цвярозымі.
7 #
Лк. 21:34
Бо тыя, што спяць, ноччу спяць, і тыя, што п’юць, ноччу п’яныя.
8 #
Іс. 59:17; Эф. 6:14 Мы ж, якія належым дню, будзем цвярозымі, адзетымі ў панцыр веры і любові і ў шлем надзеі збаўлення.
9 #
Эф. 1:11; 2Тэс. 2:13 Бо не прызначыў нас Бог на гнеў, але на атрыманне збаўлення праз Госпада нашага Ісуса Хрыста,
10Які памёр за нас, каб мы, ці чуваем, ці спім, жылі з Ім заўсёды.
11Таму пацяшайце адзін аднаго і падтрымлівайце ўзаемна, як вы і робіце.
12 #
1Кар. 16:18; 1Цім. 5:17; Геб. 13:7 Просім вас, браты, каб паважалі тых, якія працуюць у вас і кіруюць вамі ў Госпадзе ды навучаюць вас,
13 #
Мк. 9:50
каб больш паважалі і любілі іх дзеля працы іх. Жывіце ў згодзе між сабою.
14 #
Рым. 14:1; Гал. 6:1; 2Тэс. 3:6; Геб. 12:12 Просім вас, браты: спыняйце свавольных, пацяшайце маладушных, апякуйцеся над хворымі, будзьце цярплівымі да ўсіх.
15 #
Мц. 5:39
Глядзіце, каб нікому ліхам за ліха не адгаджаць, але імкніцеся заўсёды да дабра, як адзін для аднаго, так і для ўсіх.
16 #
2Кар. 6:10; Плп. 4:4 Заўжды радуйцеся,
17 #
Лк. 18:1; Эф. 6:18; Клс. 4:2 несупынна маліцеся,
18за ўсё дзякуйце; бо такая ёсць воля Божая ў Ісусе Хрысце для вас.
19 #
Эф. 4:30
Духа не гасіце,
20 #
1Кар. 14:1
прароцтвамі не пагарджайце,
21усё выпрабоўвайце, добрага трымайцеся.
22Высцерагайцеся усякага роду зла.
23Хай жа Сам Бог супакою ўсвячае вас ва ўсім, каб дух ваш, і душа, і цела захаваліся беззаганнымі на прыход Госпада нашага Ісуса Хрыста.
24 #
1Кар. 1:9; Плп. 1:6; 2Тэс. 3:3 Верны Той, Які паклікаў вас, Які зробіць [гэта].
25 #
Клс. 4:3; 2Тэс. 3:1 Браты, маліцеся за нас.
26Прывітайце ўсіх братоў пацалункам святым.
27Заклікаю вас Госпадам, каб гэты ліст быў прачытаны ўсім святым братам.
28Ласка Госпада нашага Ісуса Хрыста з вамі. Амін.
Цяпер абрана:
Першы ліст да Тэсалонцаў Раздзел 5: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017