Першы ліст да Тэсалонцаў Раздзел 4
Раздзел 4
1 #
Клс. 1:10
Нарэшце, браты, просім вас і молім у Госпадзе Ісусе, каб, як вы атрымалі ад нас, як вам належыць жыць і падабацца Богу, так і жылі, і больш багацелі.
2Бо ведаеце, пэўна, якія мы вам далі пастановы ад Госпада Ісуса.
3 #
Рым. 6:22; Эф. 5:3 Бо воляй Божай ёсць асвячэнне ваша, каб высцерагаліся распусты,
4 #
Рым. 6:19; 1Кар. 6:18 каб кожны з вас умеў захоўваць сваё начынне ў святасці і ў пашане,
5а не ў пажадлівасці юрлівай, як пагане, якія не ведаюць Бога;
6каб ніхто не ўзвышаўся і не крыўдзіў у справах брата свайго, бо Госпад ёсць мсціўцам за ўсё гэта, як мы вам ужо казалі і сведчылі.
7 #
1Пёт. 1:14; Эф. 1:4; Геб. 12:14 Бо паклікаў нас Бог не да нячыстасці, але да святасці.
8 #
Лк. 10:16; Эф. 4:30 Дык хто гэта адкідае, той не чалавекам пагарджае, але Богам, Які даў нам Духа Свайго Святога.
9 #
Мц. 22:39; Ян. 13:34 Адносна любові братняй не маем патрэбы вам пісаць; бо самі вы навучаны Богам адзін аднаго любіць.
10Так вы і рабіце адносна ўсіх братоў ва ўсёй Мацэдоніі. Просім жа вас, браты, каб з яшчэ большай сілай
11прыкладалі намаганні, каб жыць у супакоі, і рабіць сваю справу, і зарабляць на пражыццё ўласнымі рукамі, як загадалі мы вам,
12ды каб дастойна адносіліся вы да тых, якія жывуць звонку, і каб ні ў чым не мелі нястачы.
13 #
Эф. 2:12
Не хачу, браты, каб вы не ведалі наконт памерлых, каб вы не сумавалі, як іншыя, якія не маюць надзеі.
14 #
1Кар. 15:13
Бо калі верым, што Хрыстос памёр і ўваскрос, дык Бог і тых, якія паўміралі ў Ісусе, прывядзе з Ім.
15 #
Ян. 17:24
Гэта вось кажам вам словам Госпадавым, што мы, якія жывём і пакінуты да прыходу Госпада, не апярэдзім тых, што паўміралі.
16 #
Мц. 24:30
Бо Сам Госпад з загадам і пры голасе арханёла ды пры гуке трубы Божай сыдзе з неба, і мёртвыя, якія ў Хрысце, ўваскрэснуць першыя.
17 #
Ян. 14:3
Потым мы, жывыя і пакінутыя, разам з імі будзем падняты ў паветра на аблоках насустрач Госпаду, ды так заўсёды будзем з Госпадам.
18Вось так адны адных суцяшайце гэтымі словамі.
Цяпер абрана:
Першы ліст да Тэсалонцаў Раздзел 4: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017