Першы ліст да Карынцянаў Раздзел 6
Раздзел 6
1 #
Мц. 19:28
Як адважваецца хтосьці з вас, маючы непаразуменне з іншым, судзіцца з ім перад нявернымі, а не перад святымі?
2 #
Мц. 19:28
Няўжо вы не ведаеце, што святыя будуць судзіць свет? І калі вамі будзе суджаны свет, дык няўжо вы не варты судзіць меншае?
3 #
2Пёт. 2:4; Адкр. 20:12 Ці не ведаеце, што мы будзем судзіць таксама анёлаў? Дык тым болей жыццёвае?
4А вы, калі маеце жыццёвыя справы, ставіце сваімі суддзямі тых, хто нікчэмныя ў царкве.
5На сорам вам кажу гэта. Няўжо няма ў вас ніводнага разумнага, які мог бы вынесці прысуд сярод братоў сваіх?
6А то брат з братам судзіцца, ды яшчэ перад бязвернымі?
7 #
Мц. 5:38; Лк. 6:29 Ужо і тое для вас прыніжэнне, што судзіцеся між сабой. Чаму вам не лепш прыняць крыўду? Чаму не лепш пацярпець шкоду?
8Але вы самі чыніце несправядлівасць і адбіраеце, ды нават у братоў!
9 #
1Кар. 5:11; Гал. 5:21 Ці не ведаеце, што несправядлівыя не атрымаюць Валадарства Божага ў спадчыну? Не падманвайце сябе: ані распуснікі, ані балванапаклоннікі, ані чужаложнікі, ані разбэшчаныя, ані садомцы,
10ані злодзеі, ані хціўцы, ані п’яніцы, ані зламоўныя, ані рабаўнікі не атрымаюць у спадчыну Валадарства Божага.
11 #
Дзеі 22:16
І такімі былі некаторыя з вас. Але вы абмыліся, але вы асвяціліся, але вы апраўдаліся ў імя Госпада нашага Ісуса Хрыста і праз Духа Бога нашага.
12«Усё мне можна!» Але не ўсё карысна. «Усё мне можна!» Але я нічому не дазволю мець уладу нада мною.
13 #
Мц. 15:17
«Ежа – для жывата, і жывот – для ежы». Але Бог знішчыць адно і другое. Дык цела не для распусты, але для Госпада, і Госпад – для цела.
14 #
Рым. 6:5; 2Кар. 4:14; Эф. 1:19 Бог жа і Госпада ўваскрасіў, і нас таксама Сваёю магутнасцю ўваскрасіць.
15 #
Рым. 12:5; Эф. 5:30 Ці ж не ведаеце, што целы вашы ёсць члены Хрыста? Ці ж, узяўшы члены Хрыста, буду рабіць іх членамі распусніцы? Ніколі!
16 #
Род. 2:24; Мц. 19:5; Мк. 10:7; Эф. 5:31 Або ці не ведаеце, што той, хто злучаецца з распусніцай – адно цела ёсць? «Будуць, вось, яны, як сказана, двое адным целам».
17 #
Ян. 17:21; Рым. 8:9; Гал. 2:20 Той жа, хто злучаецца з Госпадам – адзін Дух ёсць.
18 #
Рым. 1:24; 2Кар. 7:1 Уцякайце ад распусты! Кожны грэх, які б ні чыніў чалавек, ёсць па-за целам; хто ж распуснічае, супраць свайго цела грашыць.
19 #
1Пёт. 2:5; Рым. 14:7; 2Кар. 6:16 Ці ж не ведаеце, што цела ваша ёсць святыня Духа Святога, Які ў вас і Якога маеце ад Бога, ды што вы ўжо не свае?
20 #
Дзеі 20:28; 1Пёт. 1:18; 2Пёт. 2:1; Плп. 1:20; Адкр. 5:9 Вы ж здабыты за вялікую цану. Дык хваліце Бога ў целе вашым і ў духу вашым, якія ёсць Божыя!
Цяпер абрана:
Першы ліст да Карынцянаў Раздзел 6: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017