मत्ती 23
23
शास्त्री अने फरीसीई आलोचना
(मरकुस 12.38-40; लूका 11.37-52; 20.45-47)
1ताहा येशु गोर्दिह अने तियाआ चेलाहा कोयो 2शास्त्री परुसी स्वतः मुसाहा गादिपो बोहित गोये होय. 3त्यापोत जे किबी ते तुमामे कोअही अने ते तुमु कोईओलो अने कोत्लू पण त्याहाहोचे काम कोईओलो नाहा काहाके ते कोतले पण कोईत नाहा. 4ते एक जास्तीज पाराहा ज्याहा वीसीलो कोठीण होय बांदीत तियाहा मांहाहा खानदापो मेकत्ले होय पोन तुमु तियाहा आपाआ आगाडी वाही होरकावुहू ने होदत्ले. 5ते आपाआ आखे काम मांह्हू देखाडल्याकोता कोअता अने ते आपाआ मंत्र पत्रे हानू कोअता अने आपाआ कापड़ा झालर लांबी कोअता. 6अने खाअलाआ जागापो मान योग्य ठिकाण अने मंदिरोम रोतेहे 7अने बाजारामे सन्मान मिलविलो अने मांहुपोरोत गुरु कोईत लेअलो तियाहा प्रिय लागेहे. 8पण तुमु गुरुजी कोडु नाहा काहाके तुमाआ एकाच गुरु होय अने तुमु आखे पाही होय. 9धोरतीपो कोडाआ आपाआ बाह्हू कोहू नाहा काहाके तुमाआ एकुच बाह्हू होय तो होर्गाम होय. 10तुमु गुरुजी कोडु नाहा काहाके तुमाआ एकुच गुरु होय म्हणजे ख्रिस्त. 11पण जो तुमाआ आखाम वोडू होय तो तुमाआ सेवक उवे. 12जो कोडु माह वोडू बोडाविही तो निसे कोअयु जाइअलो अने जो माह निसे कोअही तो वोडू कोअयु जाइअलो. 13ओ झुटो, शास्त्री अने परुश्यांही तुमाआ धिक्कार होय काहाके तुमु मांहाकोअता होर्ग्याआ राज्याआ दरवाजू बंद कोईत आपलो तुमु स्वतः प्रवेश कोईत नाहा अने प्रवेश कोअनाराहा पण विसमे जाऊ आपित नाहा. 14ऐ शास्त्री अने परुषि ऐ ढोंगी तुमा धिक्कार होय काहाके तुमु विदवा कोअ खात्जतले अने धोंगामेहे वोडी-वोडी प्रार्थना कोअतले तुमाहा जाखो दौड़जोड़े. 15ओ खोटो शास्त्री अने परुश्यांही तुमाआ धिक्कार होय तुमु होमला माहुंहु लाविलोकोता अने धरतीपो फिरीवलो अने जांहा तो आविलो जात्लू तेहलाम खुदोप रोत दुप्पट नरकाआ पोऱ्या बोणाडीत आपत्ले. 16ओ आन्दला वाट देखाडणारा तुमाआ धिक्कार होय जे कोतले जर कोडु मंदिराआ शपत लेदि ताहा ते किबी नाहा पण जर मंदिराआ बेनाआ शपथ लेदि ताहा तो तिया कर्जदार ओतगोयु जानारू. 17ओ गांडाहोस अने अंधळ्यानो नाहाकोत महत्वाओ होय सोनो किंवा ते मंदिर जे सोन्याला पवित्र कोअत्लू? 18फासाडी कोयु जर कोडु वेदी शपथ लेही ताहा ते किबी नाहा पण जे यापो चढविले भेट ची शपथ लेही ताहा तो कर्जदार ओतगोयु जानारू. 19ओ आढला कि महत्वाओ होय भेट किंवा ती वेदी जी मिलुहूं पवित्र कोअत्लू? 20त्यापोत जो शपथ खाहे तो ती वेदी अने तीपो सोडविल्यी शपथ बेनुपोरोत शपथ खाहे. 21जो मंदिराआ शपथ खाहे तो तियाअ मंदिरोम रोणाआरा परमेश्वरोओ पण शपथ खाहे 22अने जो स्वर्गाची शपथ खाहे तो परमेश्वरोओ सिहांसनाची अने तियापो बोहोल्यो बेन जोआआ शपथ खाहे. 23ओ खोटो शास्त्री अने परुसी तुमाआ धिक्कार होय तुमु पक्षना वोराली अने जिरे या दहावू भाग आपत्ले पण नियम शास्रामे महत्वाची गोठी म्हणजे न्याय, दया अने विश्वासाआ तुमु उल्लघन कोअता पण जोवे ओते का याआ गोठी कोअताजात दिहरी गोठी पण सुडुहू नाहा कोयु. 24ओ आन्दला, वाट देखाडनारा, तुमु सासड्याहा माईत टाकतले पण उटडाहा गीइत टाकतले. 25ओ खोटो, शास्त्री अने परुसी तुमाआ धिक्कार होय तुमु ताठ अने वाटीत आव्यु बारथेरोत साफ कोअता पण मायरोत ते आखे एह्लाम लुतेवांहि असयामांनी पोअल्ये होय. 26ओ आन्दला परुसी पालील्यो ताठ अने वाटीत आव्यु मायरोत गाह ज्यायाकोलो ते बारथेरोत पण साफ ओतगोयु जानारू. 27ओ खोटो शास्त्री अने फरीसी तुमाआ धिक्कार होय तुमु सुनो लागल्यो कब्रेहोस जे बारथेरोत हाजी देखात्ले पण विसमे मोलेतीयाहा आदोवांही अने आखे एह्लाम मलिनता पोअल्ये होय, 28त्याप्रमाणे तुमु पण मांह्हू धोर्मी देखात्ले पण विसमे खोटो अने अधर्माआ पोअल्ये होय. 29ओ खोटो शास्त्री अने परुसी तुमाआ धिक्कार होय संदेष्टाआ कबरे उपो बोनडत्ले अने धर्मिकेच्या ओर कोईला थडगे होवाडत्ले. 30अने कोत्ले जर आमाहा आपाआ पूर्वजाआ टाईमोम रोल्या ओते ताहा संदेष्टाआ खुनाहा सहभागी रोल्या कायना ओतो. 31यापोरोत तुमु स्वतः विरूध साक्षी आपत्ले का संदेष्टाआ घात कोईल्योज पोऱ्ये होय. 32कोईत तुमु आपाआ पूर्वजाआ पापाहा कर्ज पोईत दया. 33ओ हापाहा पिलाआ, तुमु नरकाआ दंड सी केहकोईत वासाहा? 34त्यापोत पाला आय तुमा कोअता संदेष्टाहा ज्ञानवानाआ अने शास्त्रीही मोकलित रोयोजे होय तुमु त्यामेरोत कोताज घात कोअनारू अने कोअता जो क्रूस चढविणारो फासाडी कोअता जो आपाआ मंदिरोम का देही अने शहरा गावामेहे सोनावाही कोईत फिरीही? 35का जांहा धर्मिकाआ रक्त धोरतीपो वोहाड्यू होय तो तुमाआ मुंडकापो पोडे म्हणजे धोर्मी हाबेलापोरोत बर्खेए पोऱ्या जखऱ्या पर्यंत ज्याहा तुमु अने मंदिरोम अने वेदीहीजा माईत टाक्यो ओते. 36आय तुमामे खोरोज कोत्लू आव आखे गोठी आव पिढीई मुंडकापो पोडी.
येशुउ यरूशलेम पोओ विलाप
(लूका 13.34-35)
37ओ यरुशलेमाआ, ओ यरुशलेमाआ, तू संदेष्टाहा माईत टाकतोलो अने जो ता कोअता मोकलीलामेहे आवयू होय तियापो डोणो जुगारीलो कोअता आय केते टायमोआ इच्छा कोअयी का जीही कुकडी आपाआ पिलांहा एकठे कोअते तेहलूज आय पण ताआ पोऱ्याहा एकठे कोहू पण ताआ इच्छा नाहाओती. 38पाला, ताआ कोता कोअता उजाड सोडये जाहो. 39काहाके आय तुमामे कोत्लू का ओमोरोत तुमु माहु तोपोरोत पालीलो नाहा जोपोरोत तुमु ओ कोअही नाहा, धन्य होय तो जो प्रभूउ नावामेहे आवीत होय.
Цяпер абрана:
मत्ती 23: NOINT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.