Salm 124
124
Is in Ainm an Tiarna atá ár gCúnamh
1 Amhrán Oilithreach. Le Dáiví.
Murach an Tiarna a bheith inár leith;
abradh Iosrael anois:
2Murach an Tiarna a bheith inár leith,
nuair a tugadh fúinn,
3is amhlaidh a shlogfaí beo beathach sinn.
Nuair a bhladhmfadh a mbuile inár n‑aghaidh,
4dʼéireodh an díle os ár gcionn,
agus shlogfadh an tuile sinn.
5Sea, scuabfadh na tonnta chun siúil sinn,
go ndéanfadh ár mbá.
6Moladh leis an Tiarna nár thug sinn
inár gcreach dá bhfiacla.
7Sciobadh ár n‑anam amhail éan
as líon na bhfoghlaeirí.
Go deimhin, briseadh an líon;
agus dʼimíomar slan.
8Tá ár gcúnamh in ainm an Tiarna
a rinne neamh agus talamh.
Цяпер абрана:
Salm 124: ABN2012
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© An Sagart 2012 Úsáidtear le cead. Used by permission.