Mateo BYA KULUMBULULA
BYA KULUMBULULA
Mambo Awama anembele Mateo etubuula Mambo Awama amba, Yesu ye mupulushi walayilwe, mwi aye mo mwafikizhiwe milaye yonse yo alayile Lesa ku bantu banji mu Lulayang'ano lwakala. Ano Mambo Awama kechi a Bayudea bonkatu ne, oa bantu bonse ba pano pantanda ponse.
Buku wa Mateo watanchikwa bingi bulongo. Watatula na mambo a kusemwa kwa Yesu, ne kulumbulula na mambo a lubatizhilo ne kwesekwa kwanji, kabiji ne na mambo a mwingilo wanji wa kusapwila mu Ngalilea, ne kufunjisha ne wa kubuka bakolwa. Pa kupwisha kunemba pa byaingijile Yesu mu Ngalilea, munembeshi wa amba pa mambo a Yesu byo ayile ku Yelusalema ne bintu byamwekele mu mulungu wanji wapeleleeko, kabiji wa amba pa lufu ne lusanguko lwa Yesu Kilishitu.
Uno buku witubuula na mambo a Yesu Kilishitu byo aji mufunjishi mwine mukatampe, byo aji na luusa lwa kulumbulula Mizhilo ya Lesa, ne na mambo a bufumu bwa mwiulu. Lufunjisho lwanji lwatanchikwa mu bibese bitanu. (1) Lusapwilo lwa ku Mutumba, lwa amba na mambo a bwikalo bo bafwainwa kwikala bantu ba Lesa mu (ma kyapitala 5-7), (2) kunengezhiwa kwa baana babwanga na mambo a mwingilo wabo (kyapita 10), (3) bishimpi bya bufumu bwa mwiulu (kyapita 13), (4) mafunjisho a bwana bwabwanga (kyapita 18); ne (5) mafunjisho a mpelo ya myaka ne kwiya kwa bufumu bwa mwiulu (ma kyapitala 24-25).
Mutanchi wa bintu biji mu uno buku
Kisemi kya Kilishitu ne kusemwa kwanji 1:1—2:23
Mwingilo wa kwa Yoano Mubatishi 3:1-12
Lubatizhilo ne kwesekwa kwa Yesu 3:13—4:11
Yesu byo a ingijile mwingilo wanji mu Ngalilea 4:12—18:35
Yesu byo afumine ku Ngalilea kuya ku Yelusalema 19:1—20:34
Mulungu wapeleleeko mu Yelusalema ne mu mizhi ya kubwipi 21:1—27:66
Lusanguko lwa Nkambo ne byo amwekele ku bantu 28:1-20
Цяпер абрана:
Mateo BYA KULUMBULULA: KNTP
Пазнака
Падзяліцца
Капіяваць
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.