RUTU 1
1
I Elimeliku dàngu ihi umana da lelingu la Muapu
1-2La handàka-na ba ndedi ningu maràmba-na na banjaru Ihirailu natungu na rimbangu la tana Kanaàngu. La rehi nu ninya haàtu-na na mini ma-tamungu Elimeliku. Nyuna welina la kalibaru Epurata, dàngu na ma-ndàdiku la Mbetulehimu la ngaba Yahunda. Rukuna ba rimbangu-ya nalaku-ya la Muapu dàngu na papaha-na, na-matamungu Naomi, dàngu da madua da anana mini: i Màhalongu dàngu i Kiliyongu. Hàla hi da-ndàdiku lai nu. Na nyuna ba lai nu ihapa, 3meti-nanyaka i Elimeliku. Ka didi-kiyaka i Naomi dàngu da madua da anana. 4Pa-kadua-da da kanoma bidi kawini Muapu, da ma-tamungu i Orupa dàngu i Rutu. Palàngangu hakambulu ndaungu, 5metimbu-danyaka pa-kadua-da da anana i Naomi, hi lupangu nda ningu-apa leina i Naomi hamangui da anana da madua.
Ba dabeli la Mbetulehimu i Naomi dàngu i Rutu
6Ndedi nggi tuna mandaina rongu-nanyaka i Naomi ba mbàda pa-kanyuru wàna-nyaka ihi woka manjadi hàmu na banjaru Ihirailu paraïna i MIRI. Tuna nu duka hi nawuku-ya pa-hadangu welingu la Muapu i Naomi dàngu da rii anana pa-kadua-da. 7Dahada pa-kariangu palaku la Yahunda. Na nyuna la padua ngara ngia. 8Panii-nanjaka da rii anana pa-kadua-da i Naomi, “Beliwa dimi la uma inami. Màla àruki i MIRI, ka nahàmu-nggai nyimi hama tuna nyimi bai hàmungga nyungga dàngu lai nyuda da mambàda meti. 9Dàngu màla àruki ka naora-nya paraïna i MIRI ka peku ngalangu-mi leimi nimbihu-mi dàngu kai hili pakuru umangu beli,” wànanja.
Ba napanii tunaka nu, kamàhaku-nahaka paraïna i Naomi hi na-puduku-ha. Na nyuna ka hii kaladaku danyaka i Orupa dàngu i Rutu, 10hi dapanii-nya i Naomi, “Ndiaa, Ina! Kiku manggau nyumu Ina pabeli la banjaru-mu,” wàdanya.
11“Àmbi tu dimi nu dou da ananggu duku,” wàna ba na hema i Naomi, “lupangu ibelima bàdi, Nggàra linguna bai kikungga nyungga? Ka peku paana-nggupa anakeda mini kai tuu leimi?#Ka peku ... leimi? Pa-namatu-nya na huri tau Yahundi, jàka nameti na haàtu mini dàngu nda ningu anana mini, na papaha pameti wàruna lupangu-ma nakeinya pahàpa-na paraïna angu dedina nu na ma-mameti. Tàngaru-ya la Bel. 25:5-6. 12Lupangu ibeli bàdi nadu ba làpahu-mana-nyaka na-kaweda-nggu la pahili mangoma. Dàngu ngera hama tuna jàka peku-napa duku làti, ka ku-mangoma la rudungu nàhuma dàngu ku-ngalangu anakeda mini, 13kai mbuhangu-du nu pa-patia-nja matua-da? Nggiki hama nda peku mangoma-mi nyimi la tau hawiangu rukuna nuna? Màtangu dou da ananggu duku, àmbi timi nu! Namila na etinggu ba ku-pangàda-nggai ngerami rukuna na hukungu welingu lai MIRI na manggàna-ka nyungga,” wànanja.
14Ka hili hii kaladaku-danyaka i Rutu dàngu i Orupa, hàlaka nu ka puduku-nanyaka na ina yenuna nyuna i Orupa pa-kamahi-nya la palaku mambiru, hi nabeli-ya.#Pa-namatu-nya na hau pa-haleli ndai: hi nabeli-ya; la lawiti Imbarani-na nda nianya na kareuku nuna. Na nyuna nda nabihu-a i Rutu pa-pahewa danya na ina yenuna. 15Ba tuna panii-nanyaka i Naomi lai Rutu, tàngaru, “Beli-nanyaka duna na angumu rina la banjaru-na dàngu la marapu-na. Màla kiku-nyawa la pabeli,” wànanya.
16Na nyuna nahema i Rutu, “Ina, àmbu ruwatu duka pabeli dàngu la pa-dunjaku-nggau nyumu. Kiku-manggunggau duku Ina. La nggikau ulaku ningu, lai numbukai duku kulaku ningu. La nggikau, ndàdiku ningu, lai nu mbukai duku ku ndàdiku ningu. Na banjaru-mu banjaru-manggunya, dàngu na Alamu na palumu-mu, lumu-mbunggunyai duku. 17La nggikau meti ningu, lai numbukai duku kumeti ningu dàngu ka tani ningga, wànggu. Màla àruki ka nahuku pambotu-ngga i MIRI jàka kuwuku-ya la pa-pahewa dànggau nyumu Ina, hinggilu-na na meti na ma-pahewa-nda,” wàna.
18Ba naita-yaka paraïna i Naomi ba patidungu mananya pa-kikungu i Rutu, nda hili nggàra-apa papanii-na.
19Ka laku pa-ngalangu-danyaka lundu datàka la Mbetulehimu. Tàkangu ba wàda-kika lai nu, kanggupuku-nanyaka nggubulu-na na paraingu. “Jia langatàka-ya ihu nina, i Naomi?” wàda ndàba da kawini lai nu.
20“Naomi àmbi wàmi-dunggapa,” wàna, “Mara,#Naomi ... Mara;Naomi, jàka wàna la hilu Imbarani, “pahàmu eti wàngu” wàna, tàka Mara jàka wàna, “paita” wàna. wàmi biangga, ba namàta dunggaka paluri la mapuri mapaita paraïna i Ala Mahupu mbiha. 21Ba ku-hadangu weli yiahungu na patoma ndàbapa duku, tàka nàhu na-karia-belingga i MIRI wàngu lima jua. Ba tuna, Naomi àmbi wàmi-dunggapa, nadu ba huku wàna-nggaka mayila dangu i MIRI Mahupu mbiha,” wàna.
22Tuna nu duka na-kaloka-na nggiki hamana ba nabeli welingu la Muapu i Naomi dàngu i Rutu, na rii anana, na tau Muapu. Ba datàka la Mbetulehimu hina-ma-apa na-pakiringu na rehi muti uhu nggàndumu.#uhu nggàndumu: na palana yiana jiaha da uhu nggàndumu da maihi mangilu dàmbu minggu jàka ndia hau wulangu pa-mangilu wàda welingu la uhu nggàndumu da patanda-nda nyuta tau Indonesia. Da uhu nggàndumu nuda panga bandaha, tàka nanga-mbunja tau mila, ba nda dambotu wilida. Da uhu nggàndumu tungu nu nomuru 2-aha, datika nda pa-hilitu-ka-amangu dàngu da uhu nggàndumu patanda-nda nyuta, hinggilu-na ba darihi malai da wulu kirida.
@LAI 1995 Indonesian Bible Society (Lembaga Alkitab Indonesia)