PAMALANGUNGU 2
2
Na hanganji papindi-na i Ala
1Nggikida da banjaru hi da-kawutaru
dàngu da kabihu banjaru dawuku-ya na manda patuba?
2Da hanganji pinu tana hi handàka hadumbalu-da
dàngu da maningu kawahangu da-pahamangu
pa-tumbaru-ya i MIRI dàngu na hanganji paleha-na.
3“Màla ta-kunggulu-nya na kawaha-da
wàda da ma-pangaba!” wàda.
4Welingu la kanjàka pareta-na la awangu
i Ala nariki na-kamibi-nja.
5Tàka wàngu hànggana i MIRI na-kabàla-ha nyuda,
na-pakanggupuku-ha ba nanyara-ha.
6Hi napanii, “La Hiungu#Hiungu: “Hiungu” ba wàna, la kawunga-na jiaya na “Paraingu-na i Ndautu” na palangu nu na tindingu ngia patorungu tau Yembuhu pawàhi-da da tanatara-na i Ndautu. La lodu malamiri jiaya na Umana i Miri Alambu na palangu. na palindi matua-nggu
mbàda wotu-ngguka hanganji paleha-nggu,” wàna.
7Napanii na hanganji, “Napa ku-bobaru-ya
na pa-kawuku-na i MIRI.
‘Ha nyumu ananggu,
lodu nàhu bau Amangga.
8Karaiwa, mbuu ndàba na banjaru kuwua-nggaunya,
dàngu na pa-nggubulu awangu ka mangu-munya.
9Uporaku wànya toku bàhi,
upamuburu-ha hama tuna wuru tana,’ ” wànangga.
10Ba tuna katana-yawa, ha hanganji-ka,
namuya yiana na lii panaungu ha ma-pareta-ka!
11Lumu-nyawa i MIRI dàngu tuturu-mi,
12ma-rubuku karàda-wa la hanggana,#marubuku ... la hanggana; Talànga wanguna na-njenjangu ningu-mapa ba tuna numa na ihina.
ka àmbu jia hànggana i MIRI
hi handàka patàlaru-na-nggami,
ba na-kandula harabàndangu na hànggana.
Oha-naka na tau
na ma-handera lai MIRI! wàna.
@LAI 1995 Indonesian Bible Society (Lembaga Alkitab Indonesia)