NAPPIYAREEGERAK 23
23
1At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, ”Noreewi o. An Ala abu'me logonet, maan kuli paga nen yogondak kuli paga nagabiti warak mban wonage minggirak me, niniki teeluk aret wonage agarik o,” yoragagerak. 2Yorage me, at Ala unde inowe endagembogut Ananiyat nogo nen it aap Pawulut owagam mi'ndak wonogwe nogo yorage logonet, ”Wone onggo ari kagak, ambe toguk togon wa'nip o,” 3yorage mbareegi, at Pawulut nogo nen, ”Eyo maluk kagak agabolo mban amburu obeelom warak minggi kwak, kagabolo mban laambu wonage yi, Ala nen mondok koorigin aret o. An Ala wone lengganak ndak-ndak eekirak ilik, lek a? yinuk, nawone amburu liirogon mbanikit nduk eeke logonet kwe, an nooruwak nduk aakumi yoragandak ti paga kat nen aret, wone yugu nogo taganogo puurak nduk eeke keegi o,” yoreegerak.
4Yoge mbareegi, aap ambi taati logonet, ”Kat Ala unde ninowe endagembogut nogo enggali warikit nduk ari agandik?”
5Yoge mbareegi, at Pawulut nen, ”At Ala unde ninowe endagembogut ti, neenggo'lek me yagarak o, noreewi. At Ala nen, Kinowe abu'me pinaneegerak nogo kinoone maluk yorugup o, yinuk, liiru mbaneegerak nogo an neenu o,” yoragagerak.
6Yorage nagagirik, at Pawulut nogo nen it ando Taruki mendek, it ando Pariti mendek wonogwe yelok iige nagagirik, ”Noreewi o. An Pariti mendek aret o. Ndi, nogobamini kunduk Pariti mendek mban aret o. Nit kambunuk nineenik agago mi'nariyak ti, niniki luunik neenok, nawone amburu mbanuwok nduk wonogwe kiigi o,” yinuk, oone nggwok aret yoragagerak.
7Yorage mbareegi, it Pariti mendek inom, it Taruki mendek inom, wone wako nogogwaarik, it kuwak ogogwaarak nogo, it mban-mban ogookkologogwaarak. 8(It Taruki mendek nogo nen, ”Aakumi kambunuk ineenik agago mi'narugun lek o. Mbogut paga yonggo nugu menggaarak inom, aakumi inogoma inom, ti kunduk wonogwe mondok lek aret o,” yogwe kwe, ndi, it Pariti mendek nen perak, ”Ti abok aret wonogwe,” yogo logonet, inom ogookkologogwaarak.) 9Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, ”At yi maluk eeka'lek kogo o. Aakumi inogoma ambi nen yogerak paga ari agaarik ilik, ata, it mbogut paga yonggo nugu menggaarak ambi nen yogerak paga ari agaarik a?” yinuk, awone nggwok wareegwaarak.
10It wone nggwok warit nogwe me, aap it yigin unde inowe nen at Pawulut niikkenok-wiikkenok eekwi iyo, at awuri nogo yorage logonet, ”It kuwak aago inenggela'me wa unggwogo logomonggotik, wonok kiname mambi nanip o,” yinuk, yoragagerak.
11O kiip age mbareegi nogome wonage me, ninowe endagembogut Yetut at Pawulut owagam wage nagagirik, mi'ndak logonet, ”An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.
Pawulut wariyak nduk kooneegwaarak wone
12O wege mbareegi, it Yakuri mendek kuwak eeppunuk wone kote mbanggo logonet, ”At Pawulut waka'lek kagak, nit mbi inom, yi inom ti, noorak mondok lek o,” yinuk, Ala owak mbaneegwaarak. 13It ineebe 40 ando inom kuwak eeppunuk, eebe wariyak kooneegwaarak. 14Koombunuk, it Ala unde inoweewi nogo inom, inogobamini inom, it wonogwe me, inowagam nogo nogogwaarik, yorogo logonet, ”At Pawulut waka'lek kagak, nit yi mendek ndi mendek noorak mondok lek o, yinuk, Ala owak mbanggoorak me, 15yogondak kit inom, it wone amburu mbangga inom, Pawulut ambinom eegwa'me wawok o, yinuk, at yigin unde inowe nogo nen nappi woraawak nduk, we piliret yonggo nanip o. Ndi, nit tu paga enaappunuk wonogwe me, at kinom wogwe kiinok, warugun aret o,” yinuk, yorogogwaarak.
16At Pawulut wariyak nduk tu paga enaari noorak kooneegwaarak amboko nen konembege nagagirik, at Pawulut yigin unde iname wonage me unggwage nagagirik, kurumbi yoreegerak. 17Yoge mbareegi, at Pawulut nogo nen it yigin unde inowe abu'me menggaarak ambi, ”Omok o,” yoreegerak wage mbareegi, yoge logonet, ”At wulaga yi, wone ambi kinowe yoruwak nduk wonok nak o,” yoreegerak. 18Yoge mbareegi, at nogo wonok inowe owagam pi nage nagagirik, ”At Pawulut keele maarak wonage logonet, Omok o, yo'nege mbaki, nage nagarik, Wulaga yi wone ambi kinowe yoruwak nduk wonok nak o, yo'nege mbaki, yokkiruwak nduk wonok wagi o.”
19Yoge mbareegi, inowe nogo nen wulaga nogo eenggi piginok, alik me kwippi nage nagagirik, mbabok yoge logonet, ”Kat wone yo'niriyak nduk wagandak yu o.”
20Yoge mbareegi, at wulaga nogo nen, ”It aap Yakuri nen we piliret ko'lu kat Pawulut wonok, it wone amburu mbangga wonogwe me ambinom liirogon eegwa'me woorak nduk wonok woraawak o, yinuk, yokkiri woroorak koonggaarak me, 21yokkiri wogwe iinok, koneniyak abu lek o. It Yakuri mendek ineebe 40 ando inom, At Pawulut waka'lek kagak, mbi inom, yi inom, noorak mondok lek o, yinuk, Ala owak mbambunuk enaarak logonet, kat ari keyo mban inaruk agaarik o,” yoreegerak.
22Yoge mbareegi, inowe nogo nen, ”An yo'negendak ti aap alik ambi abu yoraagun o,” yinuk, yoreegerak.
At Pawulut nggubereno Pelit owagam pi nogogwaarak wone
23Yoge nagagirik, it yigin unde inoweewi at abu'me mendek mbere nogo, ”Wa'nip,” yorage nagagirik, wogo mbareegwa, yorage logonet, ”Oonikiya jam 9 paga o Kayitareya nawok nduk aap yigin unde ineebe 200 inom, kunda wam amborowak paga kwi'ndak nogo menggaarak ineebe 70 inom, ndi, aap inarege wooluwak warak ineebe 200 inom, mondok li'luk eeko logomonggotik, 24at Pawulut nogo, wam kunda amborowak paga kwippunuk, enaani aap ninowe nggubereno Pelit owagam pi nawak nduk yoraanip o,” yinuk, yorage nagagirik, 25pipuk eekwi iigak, liiru mbangge logonet,
26”Nogoba nggubereno Pelit wae. An Kelawuriyut Litiyat nen wone ambi yokkiri o. 27Aap yi, it Yakuri pippunuk, mondok waruwok nduk eekaarak mendek, An Oroma mendek o, ari naruk konembunuk, nawuri ninom agap ndako nogoorik, 28Alom ngge paga wariyak yogwe iyaamun? yinuk, wonok it wone amburu mbangga inowagam nagarak. 29At nogo it Yakuri wone lengganak yogop-ndogop eeriyak wone taganggerak o, yinuk, inoone oba lenggenogo punuk, Mondok wariyak o. Keele maarogo mambiigo menggam mambuurak o, yagaarak ti, alom lek kagak aret yagaarak kagarak me, 30Wariyak koonggaarak o, yinuk kurumbi yo'nugwi naruk konengge nagarik, kat kowagam nappi wage, ndi, it inoone oba lenggenggaarak nogo, paganogo yokkiruwak nduk, Yori nanip o, yi'nuk, yorage, eekirak o, yinuk, an Kelawuriyut Litiyat nen yokkigi o, nogoba,” yinuk, liiru mbaneegerak.
31Liiru mbangge nagagirik, ”Wonok nanip o,” yoragagerak ndak-ndak it yigin unde menggaarak nogo oonikiya aret Pawulut wonok, o Andipatirit time wogogwaarak. 32Wonok nappi wogo nogogwaarik, nogo yippunuk, ko'lu nen it kunda wam amborowak paga nugu menggaarak nogo nen Pawulut pi nawak nduk, nappi wogo nogogwaarik, iniyok paga iname nogogwaarak. 33O Kayitareya unggwi wogo nogogwaarik, aap inowe endagembogut nggubereno nogo liiru mbanak wogogo logonet, ”Pawulut eebe yi o,” yinuk, yoreegwaarak. 34Liiru mbanak nogo pekkage nagagirik, ”Aap yi awi ngga mendek o?” yinuk, kin wagangge mbareegi, ”Lek o. Awi Kilikiya mendek aret o,” yogo mbareegwa, 35”Inoone koba lenggenggwi ti, wogwe iinok, alom kwaaruwok o,” yoge nagagirik, ”Keroret ame wonok nogo logomonggotik, mbagangge kero, arum logonip o,” yinuk, apuri yoragagerak.
Цяпер абрана:
NAPPIYAREEGERAK 23: WNO
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
NAPPIYAREEGERAK 23
23
1At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, ”Noreewi o. An Ala abu'me logonet, maan kuli paga nen yogondak kuli paga nagabiti warak mban wonage minggirak me, niniki teeluk aret wonage agarik o,” yoragagerak. 2Yorage me, at Ala unde inowe endagembogut Ananiyat nogo nen it aap Pawulut owagam mi'ndak wonogwe nogo yorage logonet, ”Wone onggo ari kagak, ambe toguk togon wa'nip o,” 3yorage mbareegi, at Pawulut nogo nen, ”Eyo maluk kagak agabolo mban amburu obeelom warak minggi kwak, kagabolo mban laambu wonage yi, Ala nen mondok koorigin aret o. An Ala wone lengganak ndak-ndak eekirak ilik, lek a? yinuk, nawone amburu liirogon mbanikit nduk eeke logonet kwe, an nooruwak nduk aakumi yoragandak ti paga kat nen aret, wone yugu nogo taganogo puurak nduk eeke keegi o,” yoreegerak.
4Yoge mbareegi, aap ambi taati logonet, ”Kat Ala unde ninowe endagembogut nogo enggali warikit nduk ari agandik?”
5Yoge mbareegi, at Pawulut nen, ”At Ala unde ninowe endagembogut ti, neenggo'lek me yagarak o, noreewi. At Ala nen, Kinowe abu'me pinaneegerak nogo kinoone maluk yorugup o, yinuk, liiru mbaneegerak nogo an neenu o,” yoragagerak.
6Yorage nagagirik, at Pawulut nogo nen it ando Taruki mendek, it ando Pariti mendek wonogwe yelok iige nagagirik, ”Noreewi o. An Pariti mendek aret o. Ndi, nogobamini kunduk Pariti mendek mban aret o. Nit kambunuk nineenik agago mi'nariyak ti, niniki luunik neenok, nawone amburu mbanuwok nduk wonogwe kiigi o,” yinuk, oone nggwok aret yoragagerak.
7Yorage mbareegi, it Pariti mendek inom, it Taruki mendek inom, wone wako nogogwaarik, it kuwak ogogwaarak nogo, it mban-mban ogookkologogwaarak. 8(It Taruki mendek nogo nen, ”Aakumi kambunuk ineenik agago mi'narugun lek o. Mbogut paga yonggo nugu menggaarak inom, aakumi inogoma inom, ti kunduk wonogwe mondok lek aret o,” yogwe kwe, ndi, it Pariti mendek nen perak, ”Ti abok aret wonogwe,” yogo logonet, inom ogookkologogwaarak.) 9Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, ”At yi maluk eeka'lek kogo o. Aakumi inogoma ambi nen yogerak paga ari agaarik ilik, ata, it mbogut paga yonggo nugu menggaarak ambi nen yogerak paga ari agaarik a?” yinuk, awone nggwok wareegwaarak.
10It wone nggwok warit nogwe me, aap it yigin unde inowe nen at Pawulut niikkenok-wiikkenok eekwi iyo, at awuri nogo yorage logonet, ”It kuwak aago inenggela'me wa unggwogo logomonggotik, wonok kiname mambi nanip o,” yinuk, yoragagerak.
11O kiip age mbareegi nogome wonage me, ninowe endagembogut Yetut at Pawulut owagam wage nagagirik, mi'ndak logonet, ”An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.
Pawulut wariyak nduk kooneegwaarak wone
12O wege mbareegi, it Yakuri mendek kuwak eeppunuk wone kote mbanggo logonet, ”At Pawulut waka'lek kagak, nit mbi inom, yi inom ti, noorak mondok lek o,” yinuk, Ala owak mbaneegwaarak. 13It ineebe 40 ando inom kuwak eeppunuk, eebe wariyak kooneegwaarak. 14Koombunuk, it Ala unde inoweewi nogo inom, inogobamini inom, it wonogwe me, inowagam nogo nogogwaarik, yorogo logonet, ”At Pawulut waka'lek kagak, nit yi mendek ndi mendek noorak mondok lek o, yinuk, Ala owak mbanggoorak me, 15yogondak kit inom, it wone amburu mbangga inom, Pawulut ambinom eegwa'me wawok o, yinuk, at yigin unde inowe nogo nen nappi woraawak nduk, we piliret yonggo nanip o. Ndi, nit tu paga enaappunuk wonogwe me, at kinom wogwe kiinok, warugun aret o,” yinuk, yorogogwaarak.
16At Pawulut wariyak nduk tu paga enaari noorak kooneegwaarak amboko nen konembege nagagirik, at Pawulut yigin unde iname wonage me unggwage nagagirik, kurumbi yoreegerak. 17Yoge mbareegi, at Pawulut nogo nen it yigin unde inowe abu'me menggaarak ambi, ”Omok o,” yoreegerak wage mbareegi, yoge logonet, ”At wulaga yi, wone ambi kinowe yoruwak nduk wonok nak o,” yoreegerak. 18Yoge mbareegi, at nogo wonok inowe owagam pi nage nagagirik, ”At Pawulut keele maarak wonage logonet, Omok o, yo'nege mbaki, nage nagarik, Wulaga yi wone ambi kinowe yoruwak nduk wonok nak o, yo'nege mbaki, yokkiruwak nduk wonok wagi o.”
19Yoge mbareegi, inowe nogo nen wulaga nogo eenggi piginok, alik me kwippi nage nagagirik, mbabok yoge logonet, ”Kat wone yo'niriyak nduk wagandak yu o.”
20Yoge mbareegi, at wulaga nogo nen, ”It aap Yakuri nen we piliret ko'lu kat Pawulut wonok, it wone amburu mbangga wonogwe me ambinom liirogon eegwa'me woorak nduk wonok woraawak o, yinuk, yokkiri woroorak koonggaarak me, 21yokkiri wogwe iinok, koneniyak abu lek o. It Yakuri mendek ineebe 40 ando inom, At Pawulut waka'lek kagak, mbi inom, yi inom, noorak mondok lek o, yinuk, Ala owak mbambunuk enaarak logonet, kat ari keyo mban inaruk agaarik o,” yoreegerak.
22Yoge mbareegi, inowe nogo nen, ”An yo'negendak ti aap alik ambi abu yoraagun o,” yinuk, yoreegerak.
At Pawulut nggubereno Pelit owagam pi nogogwaarak wone
23Yoge nagagirik, it yigin unde inoweewi at abu'me mendek mbere nogo, ”Wa'nip,” yorage nagagirik, wogo mbareegwa, yorage logonet, ”Oonikiya jam 9 paga o Kayitareya nawok nduk aap yigin unde ineebe 200 inom, kunda wam amborowak paga kwi'ndak nogo menggaarak ineebe 70 inom, ndi, aap inarege wooluwak warak ineebe 200 inom, mondok li'luk eeko logomonggotik, 24at Pawulut nogo, wam kunda amborowak paga kwippunuk, enaani aap ninowe nggubereno Pelit owagam pi nawak nduk yoraanip o,” yinuk, yorage nagagirik, 25pipuk eekwi iigak, liiru mbangge logonet,
26”Nogoba nggubereno Pelit wae. An Kelawuriyut Litiyat nen wone ambi yokkiri o. 27Aap yi, it Yakuri pippunuk, mondok waruwok nduk eekaarak mendek, An Oroma mendek o, ari naruk konembunuk, nawuri ninom agap ndako nogoorik, 28Alom ngge paga wariyak yogwe iyaamun? yinuk, wonok it wone amburu mbangga inowagam nagarak. 29At nogo it Yakuri wone lengganak yogop-ndogop eeriyak wone taganggerak o, yinuk, inoone oba lenggenogo punuk, Mondok wariyak o. Keele maarogo mambiigo menggam mambuurak o, yagaarak ti, alom lek kagak aret yagaarak kagarak me, 30Wariyak koonggaarak o, yinuk kurumbi yo'nugwi naruk konengge nagarik, kat kowagam nappi wage, ndi, it inoone oba lenggenggaarak nogo, paganogo yokkiruwak nduk, Yori nanip o, yi'nuk, yorage, eekirak o, yinuk, an Kelawuriyut Litiyat nen yokkigi o, nogoba,” yinuk, liiru mbaneegerak.
31Liiru mbangge nagagirik, ”Wonok nanip o,” yoragagerak ndak-ndak it yigin unde menggaarak nogo oonikiya aret Pawulut wonok, o Andipatirit time wogogwaarak. 32Wonok nappi wogo nogogwaarik, nogo yippunuk, ko'lu nen it kunda wam amborowak paga nugu menggaarak nogo nen Pawulut pi nawak nduk, nappi wogo nogogwaarik, iniyok paga iname nogogwaarak. 33O Kayitareya unggwi wogo nogogwaarik, aap inowe endagembogut nggubereno nogo liiru mbanak wogogo logonet, ”Pawulut eebe yi o,” yinuk, yoreegwaarak. 34Liiru mbanak nogo pekkage nagagirik, ”Aap yi awi ngga mendek o?” yinuk, kin wagangge mbareegi, ”Lek o. Awi Kilikiya mendek aret o,” yogo mbareegwa, 35”Inoone koba lenggenggwi ti, wogwe iinok, alom kwaaruwok o,” yoge nagagirik, ”Keroret ame wonok nogo logomonggotik, mbagangge kero, arum logonip o,” yinuk, apuri yoragagerak.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце