NAPPIYAREEGERAK 22
22
1”Noreewi, nogobamini o. Kit wone noba lenggenggotak nogo alom mbininogo yokkira o,” yinuk, 2Iberani inoone paga yorage inaruk konembogo nogogwaarik, inoone abu nggobok yogo mbareegwa, at Pawulut nen yorage logonet,
3”An yi, aap Yakuri aret, o Kilikiya Tarutut nda'nagagirak kwe, aap Nggamaliyen nen naruk wake, ninombomini eeko nogogwaarak wone luunik nogo yo'nege, eeke kagak, o yime logonet aret, tawe agagirak o. Kit yogondak kiniki aganggen togon Ala ake eeko monggotak kwak, an togop aret eeke nagagirak. 4It Yetut wone mugurok nogwe nogo, inoorikit nduk neebi-neeba eeginake logonet, kumi nen, aap nen, keele maappiinok, mambiigo menggam mambiige, eeke nagagirak. 5An eeke nagagirak ti, aap Ala unde ninowe endagembogut inom, ninogobamini wone amburu mbanggo menggaarak inom, inigen neego nogogwaarak me, it nen yokkiraawak o. Ndi, it nogo nen ninowe-ninawot inigen kawak nduk, liiru mbanogo wo'nogo mbareegwa, wonok it o Ndamitik time wonogwe nogo keele maarogo o Yerutalem yime inooriyak wogora woraakit nduk, muguren nagagirak.”
At Pawulut abet mbareegerak nogo paganogo yoragagerak wone
(Nap 9:1-19, 26:12-18)
6”Muguren nage logonet, o Ndamitik panggo yi nage mbareegi, o liingge aberak lek me, mbogut paga nen abinak kwindagalan agago noba wuppi wage mbareegi, 7an nggween paga nete wanduk ngginnagagirak. Nggween paga nete wanduk ngginnagagirak wonage me, Tawulut wae. Tawulut wae. Kat nonggop nduk keebi-keeba agago noorit nage menggendak o? ari naruk konembege nagagirik, 8Ai, nogoba. Kat ta? yoge mbareegi, Lek o. Kat keebi-keeba agago nooke menggendak nogo, an Yetut Nataret mendek aret o, yo'nereegerak. 9An ninom nogogurak nogo abinak mban kogogwaarak kwe, at oone yo'nege perak, konenulik o. 10Yo'nege mbareegi, Nogoba o. An nonggop eeri? yoreegirak. Yoge mbareegi, Lek o. Mi'na'nuk, o Ndamitik time nak o. Time unggwi nage keenok, at Ala nen kat yi eekak ndi eekak eeke logorak wone koonogo pereegerak nogo yokkirigin o, yo'nereegerak. 11Yo'nege mbareegi, abinak pindanggagagerak mo kik-kik negen eereegerak paga nenegen apit agagerak me, an ninom wagagirak nogo nen pi'neren Ndamitik pani nogogwaarak.
12O Ndamitik time aap endage Ananiyat, Ala agabiti warak logonet, Ala wone lengganak liirogon eeke nagagerak me, it aap Yakuri time menggaarak abok aret at wogoppogo nogogwaarak nogo, 13an neya wage nagagirik, an nowagam logonet, Tawulut wae, nore. Kenegen pagak yu o, yo'nege mbareegi, pagak ari nagagirik, eebe aret kagagirak. 14Kage mbareegi, at nen yo'nege logonet, Ninombomini inogoba Ala nen iniki koonogo pereegerak wone keenu age, at abu'me maluk eekeelik obeelom mban menggerak nogo kenegen kage, ndi, at wone ari nogo karuk konengge, eeke logonok nduk leenogo pagagerak o. 15Kat konembege nagandik, kagandak nogo at endage nggwok aruwak nduk, yi aakumi ndi aakumi abok yoranet nege logonok nduk, leenogo pagagerak o. 16Ndi, yogondak Yetut nen yi maluk ndi maluk eeke nagagindak nogo kookkabuwak nduk, mbet-mbet yoru o. Kat nonggop nduk puk agandik o? Yiime wuppagawam o, yinuk, yo'nereegerak.”
Aakumi endekem Ala wone yoranet nawak nduk ayonggo pereegerak wone
17”Yo'nege mbareegi, niyok paga o Yerutalem yime wage nagagirik, Ala awi wurik me tamban eeke logonet, nabinggaanggo negen 18kage logonet, An nabok paganogo yoramenggendak nogo konenugun lek me, o Yerutalem mbo punuk, mbet-mbet o alik me nak o, 19yo'nege mbareegi, Nogoba o. It Yakuri tamban eeko menggam lombok aap iniki koba panggombunuk abet mbakaarak nogo, keele maarogo mambiigo menggam yawi inooke, eeke nagaarak ti, ineenu o. 20At Tepanut kat koone yorage nagagerak nogo, wakwi iigak, an taati logonet, Kit wa'nip o, yoraanok, inambogoyum endekem mendek nggoorak porogo puk aret wonagagirak o, yinuk, paganogo yoge mbareegi, 21It aap endekem wonogo menggam o nda time nappagarak mbakirak me, nak o, yo'nege kagagirak o,” yinuk, yoragagerak.
22It aakumi nogo at Pawulut wone ti ari konembunuk, ”Aap yogop mendek yi, eenik logorak lek o. Enggaawak mondok lek eerogo puwok o,” yinuk, inoone ya-mba yereegwaarak. 23Inoone ya-mba yogo logonet, inambogoyum ineyak paga nibinogo nagakwi, nggween kabelogo yumbunik-telenak eerogo nagakwi, eekwi iigak, 24it aap yigin unde inowe nogo nen, ”Alom ngge eekerak paga waruwok nduk ya-mba yogo agaarik mbakop? Wonok oome unggunuk paganuwak nduk muun yawi mbanak paga wa'nip o,” yinuk, yoragagerak. 25Yorage mbareegi, wonok nogo nogogwaarik, keele maako mbareegwa, at inowe abu'me mendek nogo taati wonage me, at Pawulut nogo nen, ”Kit Oroma mendek ambi maluk eekerak liippegapok logonet, yawi wariyak op mbakop?”
26Yoge nogo aruk konembunuk, inowe owagam nage nagagirik, ”At aap yi Oroma mendek me, kat nonggop eeppuurak nduk ari agandik?” yoge mbareegi, 27at Pawulut owagam wage nagagirik, ”Kat Oroma mendek abet aret ilik? Yo'niru o.”
Yinuk, kin wagangge mbareegi, ”Abet aret o,” yoreegerak.
28Yoge mbareegi, it inowe nogo nen, ”Nanebunu Oroma mendek arikit nduk onggo nggwok pereegirak o.”
Yoge mbareegi, at Pawulut nogo nen, ”Kat Oroma mendek arikit nduk onggo pereegindak kwe, an perak, aap Oroma iname nda'nagagirak me, an aap Oroma mendek aret o,” yoreegerak.
29It at eegwa'me wawok nduk yereegwaarak mendek, yoreegerak nogo konenggo nogogwaarik, ”Mbo puwi a?” yinuk, puk arit nogogwaarak. Ndi, at yigin unde inowe nogo nen, ”Pawulut o Oroma mendek kagak, keele maakirak me, iya!” yinuk, agabiti agagerak.
Pawulut nen it wone amburu mbangga nogo paganogo yoragagerak wone
30Nogo yippunuk, ko'lu nen aap nogo nen, It Yakuri nen nonggop nduk inoone at oba lenggenogo pegaarak liirogon neenu arikit mba'nuk, at Pawulut piinogo teppege nagagirik, it Ala unde inoweewi inom, it wone amburu mbangga inom, kuwak eeruwak nduk inayonggo pege mbareegi, kuwak eereegwaarak me, Pawulut nogo wonok, inowagam oolo mippi nagagerak.
Цяпер абрана:
NAPPIYAREEGERAK 22: WNO
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
NAPPIYAREEGERAK 22
22
1”Noreewi, nogobamini o. Kit wone noba lenggenggotak nogo alom mbininogo yokkira o,” yinuk, 2Iberani inoone paga yorage inaruk konembogo nogogwaarik, inoone abu nggobok yogo mbareegwa, at Pawulut nen yorage logonet,
3”An yi, aap Yakuri aret, o Kilikiya Tarutut nda'nagagirak kwe, aap Nggamaliyen nen naruk wake, ninombomini eeko nogogwaarak wone luunik nogo yo'nege, eeke kagak, o yime logonet aret, tawe agagirak o. Kit yogondak kiniki aganggen togon Ala ake eeko monggotak kwak, an togop aret eeke nagagirak. 4It Yetut wone mugurok nogwe nogo, inoorikit nduk neebi-neeba eeginake logonet, kumi nen, aap nen, keele maappiinok, mambiigo menggam mambiige, eeke nagagirak. 5An eeke nagagirak ti, aap Ala unde ninowe endagembogut inom, ninogobamini wone amburu mbanggo menggaarak inom, inigen neego nogogwaarak me, it nen yokkiraawak o. Ndi, it nogo nen ninowe-ninawot inigen kawak nduk, liiru mbanogo wo'nogo mbareegwa, wonok it o Ndamitik time wonogwe nogo keele maarogo o Yerutalem yime inooriyak wogora woraakit nduk, muguren nagagirak.”
At Pawulut abet mbareegerak nogo paganogo yoragagerak wone
(Nap 9:1-19, 26:12-18)
6”Muguren nage logonet, o Ndamitik panggo yi nage mbareegi, o liingge aberak lek me, mbogut paga nen abinak kwindagalan agago noba wuppi wage mbareegi, 7an nggween paga nete wanduk ngginnagagirak. Nggween paga nete wanduk ngginnagagirak wonage me, Tawulut wae. Tawulut wae. Kat nonggop nduk keebi-keeba agago noorit nage menggendak o? ari naruk konembege nagagirik, 8Ai, nogoba. Kat ta? yoge mbareegi, Lek o. Kat keebi-keeba agago nooke menggendak nogo, an Yetut Nataret mendek aret o, yo'nereegerak. 9An ninom nogogurak nogo abinak mban kogogwaarak kwe, at oone yo'nege perak, konenulik o. 10Yo'nege mbareegi, Nogoba o. An nonggop eeri? yoreegirak. Yoge mbareegi, Lek o. Mi'na'nuk, o Ndamitik time nak o. Time unggwi nage keenok, at Ala nen kat yi eekak ndi eekak eeke logorak wone koonogo pereegerak nogo yokkirigin o, yo'nereegerak. 11Yo'nege mbareegi, abinak pindanggagagerak mo kik-kik negen eereegerak paga nenegen apit agagerak me, an ninom wagagirak nogo nen pi'neren Ndamitik pani nogogwaarak.
12O Ndamitik time aap endage Ananiyat, Ala agabiti warak logonet, Ala wone lengganak liirogon eeke nagagerak me, it aap Yakuri time menggaarak abok aret at wogoppogo nogogwaarak nogo, 13an neya wage nagagirik, an nowagam logonet, Tawulut wae, nore. Kenegen pagak yu o, yo'nege mbareegi, pagak ari nagagirik, eebe aret kagagirak. 14Kage mbareegi, at nen yo'nege logonet, Ninombomini inogoba Ala nen iniki koonogo pereegerak wone keenu age, at abu'me maluk eekeelik obeelom mban menggerak nogo kenegen kage, ndi, at wone ari nogo karuk konengge, eeke logonok nduk leenogo pagagerak o. 15Kat konembege nagandik, kagandak nogo at endage nggwok aruwak nduk, yi aakumi ndi aakumi abok yoranet nege logonok nduk, leenogo pagagerak o. 16Ndi, yogondak Yetut nen yi maluk ndi maluk eeke nagagindak nogo kookkabuwak nduk, mbet-mbet yoru o. Kat nonggop nduk puk agandik o? Yiime wuppagawam o, yinuk, yo'nereegerak.”
Aakumi endekem Ala wone yoranet nawak nduk ayonggo pereegerak wone
17”Yo'nege mbareegi, niyok paga o Yerutalem yime wage nagagirik, Ala awi wurik me tamban eeke logonet, nabinggaanggo negen 18kage logonet, An nabok paganogo yoramenggendak nogo konenugun lek me, o Yerutalem mbo punuk, mbet-mbet o alik me nak o, 19yo'nege mbareegi, Nogoba o. It Yakuri tamban eeko menggam lombok aap iniki koba panggombunuk abet mbakaarak nogo, keele maarogo mambiigo menggam yawi inooke, eeke nagaarak ti, ineenu o. 20At Tepanut kat koone yorage nagagerak nogo, wakwi iigak, an taati logonet, Kit wa'nip o, yoraanok, inambogoyum endekem mendek nggoorak porogo puk aret wonagagirak o, yinuk, paganogo yoge mbareegi, 21It aap endekem wonogo menggam o nda time nappagarak mbakirak me, nak o, yo'nege kagagirak o,” yinuk, yoragagerak.
22It aakumi nogo at Pawulut wone ti ari konembunuk, ”Aap yogop mendek yi, eenik logorak lek o. Enggaawak mondok lek eerogo puwok o,” yinuk, inoone ya-mba yereegwaarak. 23Inoone ya-mba yogo logonet, inambogoyum ineyak paga nibinogo nagakwi, nggween kabelogo yumbunik-telenak eerogo nagakwi, eekwi iigak, 24it aap yigin unde inowe nogo nen, ”Alom ngge eekerak paga waruwok nduk ya-mba yogo agaarik mbakop? Wonok oome unggunuk paganuwak nduk muun yawi mbanak paga wa'nip o,” yinuk, yoragagerak. 25Yorage mbareegi, wonok nogo nogogwaarik, keele maako mbareegwa, at inowe abu'me mendek nogo taati wonage me, at Pawulut nogo nen, ”Kit Oroma mendek ambi maluk eekerak liippegapok logonet, yawi wariyak op mbakop?”
26Yoge nogo aruk konembunuk, inowe owagam nage nagagirik, ”At aap yi Oroma mendek me, kat nonggop eeppuurak nduk ari agandik?” yoge mbareegi, 27at Pawulut owagam wage nagagirik, ”Kat Oroma mendek abet aret ilik? Yo'niru o.”
Yinuk, kin wagangge mbareegi, ”Abet aret o,” yoreegerak.
28Yoge mbareegi, it inowe nogo nen, ”Nanebunu Oroma mendek arikit nduk onggo nggwok pereegirak o.”
Yoge mbareegi, at Pawulut nogo nen, ”Kat Oroma mendek arikit nduk onggo pereegindak kwe, an perak, aap Oroma iname nda'nagagirak me, an aap Oroma mendek aret o,” yoreegerak.
29It at eegwa'me wawok nduk yereegwaarak mendek, yoreegerak nogo konenggo nogogwaarik, ”Mbo puwi a?” yinuk, puk arit nogogwaarak. Ndi, at yigin unde inowe nogo nen, ”Pawulut o Oroma mendek kagak, keele maakirak me, iya!” yinuk, agabiti agagerak.
Pawulut nen it wone amburu mbangga nogo paganogo yoragagerak wone
30Nogo yippunuk, ko'lu nen aap nogo nen, It Yakuri nen nonggop nduk inoone at oba lenggenogo pegaarak liirogon neenu arikit mba'nuk, at Pawulut piinogo teppege nagagirik, it Ala unde inoweewi inom, it wone amburu mbangga inom, kuwak eeruwak nduk inayonggo pege mbareegi, kuwak eereegwaarak me, Pawulut nogo wonok, inowagam oolo mippi nagagerak.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце