Devidi-Anume 149
149
Tamụnọ Tokini Nume
1Ọ́ KỊNỊNYANAḄỌ ḅe tokinii!
Ịwọ nume-su KỊNỊNYANAḄỌ ḅe pịrịị;
ò minini atomi ma kobiri wararị anga ḅụ ò tokinii!
2Izirẹlị, ḅioḅẹlẹẹ, ị́ Tẹmẹḅọ ḅe gotẹ
Zayọnị ḅẹ apụ, ó ḍerekuu, ọmịna amadaḅọ ḅe gotẹ!
3Ọ́ sẹkị kẹ ori ẹrẹ tokinii;
ọmịnị akwa ma na ọbọ ma na farị-farị tẹ kẹ ò tokinii.
4KỊNỊNYANAḄỌ ḅe ori atomi ḍiki-ḅioḅẹlẹarị;
ḅụụ-lẹgịma apụ ma ori owu-ḅara-iḅi kẹ ịn kẹ kụn nyana kiri ḅụ kuromarị.
5Yee Tamụnọ atomi ma owu ịna ḅara iḅi ye ḅẹ ḍereku ọgbụrụ-sụn mẹnjị kọn
tẹ bebe ḍin kẹ nume su-su ḍereku.
6Yee ịn kụrọma oloku pakama ịn Tamụnọ tokiniarị ogbo,
ịna oḅuarị okologie ịna aḅara emi ḅara ḅụ,
7kẹ sịẹ-sịẹ ma nẹngịma
kẹ fomu-ḅara kẹ tomi ma pịrị;
8ikoli kẹ ịna amadapụ ma ịkasị,
ịna sịḅịdapụ ma ikulele ikoli ḅio;
9kẹ fomu-ḅara kẹ sịẹ-sịẹ ma pịrị. Tamụnọ tọn tẹ ḅara ḅụ.
Miemẹ anie Tamụnọ atomi ma owu-ḅara-iḅi mẹ.
Ọ́ KỊNỊNYANAḄỌ ḅe tokinii!
(C) The Bible Society of Nigeria