Ayịzaya 12
12
Ịmịẹtẹ Ḅẹ Nume
1Ene ḅoarị kịnị nume suu ḅarị sakị: KỊNỊNYANAḄỌ, àrị ì tokiniarị! Í ì ḍiki ịganị simem,
kụma mịọkụ ị̀ ḅarị jen kẹ ịganị-a tẹ ì dedemarị.
2 #
Pks 15.2; Dev 118.14 Tamụnọ anie ị̀ ḅọrọmaḅọọ;
arị ọ̀ kẹ ḅiokpọma tẹ ḅalafaa ḅịa.
KỊNỊNYANAḄỌ ḅe kụrọ na ịnyọ na kẹ ị̀ pịrịarị;
Ori ị̀ ḅọrọmaḅọọ.
3Ḅuu-minji minji pọkọ-tarịarị ḅọ ḅioḅẹlẹma ḅara,
anị ḅara mie Tamụnọ atomi ma ḍerekuarị ḅara
ori ịn ḅọrọmarị sakị.
4Ene ḅoarị Tamụnọ atomi ma nume-suu tẹ ḅẹẹ ḅa:
Ịmịẹtẹ kẹ KỊNỊNYANAḄỌ ḅe ḅẹẹ! Ọ̀ sịịn, ori ị́ ḅọrọma!
Ọ̀ kọrị tẹ ye ḍuko sịẹ mamgba pịrị!
Ọ̀ ḍụḅa la ḅara ḍuko ịn pịrị!
5Nume su KỊNỊNYANAḄỌ ḅe boma, ọ̀ kọrị tẹ opu aị ma ẹrẹsị.
Yee bebe tomikiri mẹ anị gboloma ye naa.
6Yee Zayọnị ḅụ angarị ḅọ goḅọ-goḅọ oloku-oloku nume su!
Izirẹlị tẹkẹarị Fịafịa Tamụnọ ḅe ọ̀ ḍụḅam,
tẹ ori ori atomi ogboku angarị.
(C) The Bible Society of Nigeria