Anihiburu 2
2
Ịrẹyị ẹdọha óo huna ịrẹyị anggẹẹrị
1Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị. 2Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì. 3Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị. 4Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.
Ijeesu ọ dọ aza há nị
5Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ. 6#Ahẹ 8.4-6Ama â kà a aha ọnya ini Iwe Ohomorihi ka, “Ohomorihi, sị ọza vị ana vị da, oni u wee sii ro ịrẹyị anị? Sị ozi ọza vị, dị ụ zẹẹ ka à nyị ịzị ịrẹyị anị gẹ wụ? 7Wáa mẹ ka ò weyi huna anggẹẹrị nịnị chee. Wáa sị ụbanyị ohinọyị, wáa sị yọ. 8Wa rẹ mẹẹ ka ọ̀ọ mẹ ohinọyịị tụ́ ịrẹsụ avaba ịsa.” Ọ mẹ̀ sị ọọ mẹ ohinọyị avaba ịsa, ọnị ọ vị ka ẹ́ yị nyị ịsa ana vọ ọnị ọ̀yị sị ọọ mẹ ohinọyị anị. Ama yeè yi ve re ka aa mẹ ohinọyịị tụ́ ịrẹsụ avaba ịsa booro aanị. 9Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ. 10Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị. 11Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị. 12#Ahẹ 22.22Ộ kà a ka, “Ohomorihi, mị vaa kà ịrẹyị awụụ yị ẹyịnyara amị; mị vaa jị ahẹ ga wụ ịnị akakana anịragụ awụ.” 13#Ayị 8.17; Ayị 8.18Ọ rẹ kà a ka, “Mị vaa sị ayịị tụra Ohomorihi.” Ọ rẹ kà a ka, “Ẹmịrị ezi oni Ohomorihi sị yị mị, yị.” 14Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị. 15Aza ana ahịka ịnị avaba ẹhẹ ẹnịnị, vị ẹ vịdị yà anka ọrịhị avọọ, e mèe hí angwa isu nị, Ijeesu ộ dọ wa há. 16#Ayị 41.8,9Yáa yẹ ka ayị vị anggẹẹrị nịnị ọ sị ịrẹyị anị tụ́ ịnị ayị. Ama ezi Abụrahamị ọ sị ịrẹyị anị tụ́ ịnị ayị nị. 17Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza. 18Ộ rị ụya, a mẹ̀ zama a re; agụvị avọọ aza ana àaa zama a re, ọ zụ gụ wa ụvọ.
Цяпер абрана:
Anihiburu 2: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Anihiburu 2
2
Ịrẹyị ẹdọha óo huna ịrẹyị anggẹẹrị
1Agụvị avọọ a sị vọrọ ka ya nyayịnẹ sị ụvọ za ịrẹyị ọnị ị wụ́, agụvị asị i ne nyeeyi nị. 2Yée re ka ịrẹyị ana anggẹẹrị nịnị va kà yị aza vị ana jẹẹ. Ọza ana àa jịnẹẹ, dị ọ mẹ akamawụ hi ọọ nị, vị ana aa rị ụya oni o sì. 3Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị. 4Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.
Ijeesu ọ dọ aza há nị
5Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ. 6#Ahẹ 8.4-6Ama â kà a aha ọnya ini Iwe Ohomorihi ka, “Ohomorihi, sị ọza vị ana vị da, oni u wee sii ro ịrẹyị anị? Sị ozi ọza vị, dị ụ zẹẹ ka à nyị ịzị ịrẹyị anị gẹ wụ? 7Wáa mẹ ka ò weyi huna anggẹẹrị nịnị chee. Wáa sị ụbanyị ohinọyị, wáa sị yọ. 8Wa rẹ mẹẹ ka ọ̀ọ mẹ ohinọyịị tụ́ ịrẹsụ avaba ịsa.” Ọ mẹ̀ sị ọọ mẹ ohinọyị avaba ịsa, ọnị ọ vị ka ẹ́ yị nyị ịsa ana vọ ọnị ọ̀yị sị ọọ mẹ ohinọyị anị. Ama yeè yi ve re ka aa mẹ ohinọyịị tụ́ ịrẹsụ avaba ịsa booro aanị. 9Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ. 10Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị. 11Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị. 12#Ahẹ 22.22Ộ kà a ka, “Ohomorihi, mị vaa kà ịrẹyị awụụ yị ẹyịnyara amị; mị vaa jị ahẹ ga wụ ịnị akakana anịragụ awụ.” 13#Ayị 8.17; Ayị 8.18Ọ rẹ kà a ka, “Mị vaa sị ayịị tụra Ohomorihi.” Ọ rẹ kà a ka, “Ẹmịrị ezi oni Ohomorihi sị yị mị, yị.” 14Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị. 15Aza ana ahịka ịnị avaba ẹhẹ ẹnịnị, vị ẹ vịdị yà anka ọrịhị avọọ, e mèe hí angwa isu nị, Ijeesu ộ dọ wa há. 16#Ayị 41.8,9Yáa yẹ ka ayị vị anggẹẹrị nịnị ọ sị ịrẹyị anị tụ́ ịnị ayị. Ama ezi Abụrahamị ọ sị ịrẹyị anị tụ́ ịnị ayị nị. 17Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza. 18Ộ rị ụya, a mẹ̀ zama a re; agụvị avọọ aza ana àaa zama a re, ọ zụ gụ wa ụvọ.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.