Anihiburu 1
1
Ohomorihi ọ́ọ zị oze ịnị ụvọ Ozi anị kà ịrẹyị yị aza
1Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị. 2Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị. 3Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.
Ozi Ohomorihi o huna anggẹẹrị nịnị nị
4Ohomorihi ộ mẹ̀ ka Ozi anị ọ̀ nyị ụbanyị huna anggẹẹrị nịnị anka ị́rẹha ọnị ọ sị yọ mè huna ịrẹha ẹnịnị. 5#Ahẹ 2.7; 2 Ịsa 7.14; 1 Ịtọ 17.13Ẹ́ yị nyị anggẹẹrị oni Ohomorihi kà a yị da ka, “Ẹwa vị ozi emi nị, ajịnị mị ma wụ nị.” Ohomorihi ọọ̀ yị rẹ kà a yị anggẹẹrị ọnyọọnyị da ka, “ọnị vaa vị Ada anị, dị ọnị ọ rẹ vị ozi anị.” 6#Ọda 32.43Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.” 7#Ahẹ 104.4Ịrẹyị oni Ohomorihi kà ini oze anggẹẹrị nịnị yị: “Ohomorihi ọ́ọ mẹ anggẹẹrị anị nịnị ka ẹ̀ yà anka ahị avọọ; ezi ahụ anị ẹnẹnị vị ọnị ọ mẹ ka ẹ̀ yà anka ịrarẹ ịra avọọ.” 8#Ahẹ 45.6,7Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị. 9Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.” 10#Ahẹ 102.25-27A rẹ ka, “Ẹwụ Ananyị yị, hụrẹ ụmọrụmọ, ẹ́wa mẹ ẹhẹ nị. Ẹwụ ụvọta ọ rẹ mẹ ẹbẹẹba nị. 11Ẹnịnị vaa ta, ama ẹwụ vị ana aa yà ịzọọ pooro zịna-zịna. Ẹnịnị vee bo anka awuru avọọ, 12dị ụ kara wa anka ịta, dị ụ vara wa anka ịta avọọ. Ama ẹwụ mẹ̀ yà, ụ waa yịị yà nị, we yi vee sú pooro zịna-zịna!” 13#Ahẹ 110.1Ohomorihi ọọ̀ yị kà a yị anggẹẹrị ọnyọọnyị da ka, “Yaayịtẹ éyi ụvọrị amị, pooro dị ma sị ọnịvị awụ tụ́ ịzị ụ waa kụ́ ahụụ hi!” 14Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.
Цяпер абрана:
Anihiburu 1: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Anihiburu 1
1
Ohomorihi ọ́ọ zị oze ịnị ụvọ Ozi anị kà ịrẹyị yị aza
1Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị. 2Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị. 3Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.
Ozi Ohomorihi o huna anggẹẹrị nịnị nị
4Ohomorihi ộ mẹ̀ ka Ozi anị ọ̀ nyị ụbanyị huna anggẹẹrị nịnị anka ị́rẹha ọnị ọ sị yọ mè huna ịrẹha ẹnịnị. 5#Ahẹ 2.7; 2 Ịsa 7.14; 1 Ịtọ 17.13Ẹ́ yị nyị anggẹẹrị oni Ohomorihi kà a yị da ka, “Ẹwa vị ozi emi nị, ajịnị mị ma wụ nị.” Ohomorihi ọọ̀ yị rẹ kà a yị anggẹẹrị ọnyọọnyị da ka, “ọnị vaa vị Ada anị, dị ọnị ọ rẹ vị ozi anị.” 6#Ọda 32.43Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.” 7#Ahẹ 104.4Ịrẹyị oni Ohomorihi kà ini oze anggẹẹrị nịnị yị: “Ohomorihi ọ́ọ mẹ anggẹẹrị anị nịnị ka ẹ̀ yà anka ahị avọọ; ezi ahụ anị ẹnẹnị vị ọnị ọ mẹ ka ẹ̀ yà anka ịrarẹ ịra avọọ.” 8#Ahẹ 45.6,7Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị. 9Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.” 10#Ahẹ 102.25-27A rẹ ka, “Ẹwụ Ananyị yị, hụrẹ ụmọrụmọ, ẹ́wa mẹ ẹhẹ nị. Ẹwụ ụvọta ọ rẹ mẹ ẹbẹẹba nị. 11Ẹnịnị vaa ta, ama ẹwụ vị ana aa yà ịzọọ pooro zịna-zịna. Ẹnịnị vee bo anka awuru avọọ, 12dị ụ kara wa anka ịta, dị ụ vara wa anka ịta avọọ. Ama ẹwụ mẹ̀ yà, ụ waa yịị yà nị, we yi vee sú pooro zịna-zịna!” 13#Ahẹ 110.1Ohomorihi ọọ̀ yị kà a yị anggẹẹrị ọnyọọnyị da ka, “Yaayịtẹ éyi ụvọrị amị, pooro dị ma sị ọnịvị awụ tụ́ ịzị ụ waa kụ́ ahụụ hi!” 14Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.