1 Ịjọọnụ ỌYỊSỊZỤ
ỌYỊSỊZỤ
Ịrẹyị ẹẹva ọ vị iruvo ọnị Ịjọọnụ hụvị anị chẹrẹ iwe ịpaapa ọnọnị nị. Ộ chẹrẹ ẹ ka ọnị ọ̀ sị tụ́ aza ana àa kà a ọtụtụrụma ka ẹnịnị ee pe Ohomorihi ọnịrị Ozi anị, Ijeesu Ikirisitii mẹ uze ini oze ịsa ọnyọọnya ọyịmẹ̀. Ọ rẹ sị ka wa ọ̀nọ̀ ka à sị ẹ na saasa ịrẹyị ireche ana aa sịị zụ aza. Ẹ̀ẹ vavọọ mẹ, vaa ha ẹnịrị Ohomorihii hi nị. Ịsa ana aza ẹnẹnị aa sịị zụ aza ộ jẹ tụ ịnị ọza ọ̀ọ na kanyị ịsa ẹhẹ ọnọnị vị aa kụ ịvịị tù ọ nị. Agụvị avọọ Ijeesu, ozi Ohomorihi ẹ yị vị ọzarẹyịrẹsụ. Ọzwọzịsa ẹnẹnị vị anaa kà a ka àa naa dọ ọzaa ha, ẹ yị sị zụ ka ọ́ nyẹngụ kụkụ aa mẹ̀ ebira ana vọrọ à vị ka oo sì ịrẹyị ọnọhụva anị. Ama ọza ana chẹrẹ iwe ọnọnị ọnị ka eyiye. Ộ kà a ka Ijeesu Ikirisiti vị ọzarẹyịrẹsụ ịnị ẹhẹ ọnọnị. Ô hú ọ ụvọ ka avaba aza ana dọ Ijeesu wụ, di e sì ịrẹyị Ohomorihi, â nyị ka ẹnịnị è sì ịrẹyị ẹngụ.
Eyi Ịrẹyị
Ọyịsịzụ 1.1-4
Etohweyi ọnịrị etohozi 1.5—2.29
Ezi Ohomorihi ẹnịrị ezi Echu 3.1-24
Ịzẹyịza ọnịrị oyinyeeyi 4.1-6
Ọza òo sì ịrẹyị ọza, sị ọọ mẹ 4.7-21
Ẹdọwụ anaā nyị ẹbẹẹba 5.1-21
Цяпер абрана:
1 Ịjọọnụ ỌYỊSỊZỤ: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.