Kəth Apos 12
12
Mdə Ku Hara Bwani Aka Mjir Nuwa
1Akwa saka na antə Kuthli Hirudus baɗitə hara bwani aka mji laga akwa ikələziya. 2Tsa tsi Yakub na ɓzərma' Yahwana ka katsakar. 3Sakatə tsa ku wuta abbər su ngəni ku ndzi msəra aka mjir Yahudi, antə tsa ləkəma kəgari, ka ngkəi Bitrəs tsuwa. Su ngəni hara akwa sakar Kucalər Buradi Na Kula Yist. 4Sakatə da ku ngkəi Bitrəs, antə da vu ni akwa pərsəna, ka vu ni akwa tsiya mjir gadi kumnya ngkwa, na ndəkəidzi akwa zarayeri nfwar, akwa gadi ni. Antə Hirudus ku thlamta akwa ɗəffari abbər aghəla susəmər Kucalər Fəlɓəla Kəi ni tsa ata si səntə Bitrəs akəma mji.
5Antə mdə ku kəsi Bitrəs akwa pərsəna, amma mjir ikələziya ku hara adduwa ka jirkur aka Hyel kamnyar ni.
Mdə Ku Msərantə Bitrəs Kazhar Pərsəna
6Amma tsu aviri tə ma vir ni ku kuri Hirudus ata mwantə ni akəma alkaliyayeri ni, təng Bitrəs mbwambwari ka canayeri suɗa, akwa daɓwa sojayeri suɗa, akwa ləkəma ka henərni. Nggədza tsuwa mjir gadi aɗi akwa nyarfur pərsəna ni akwa gadi. 7Təng mdərthlentər Mthlaku si kula səndər ɗa, antə parakəu laga mbəlantə kutambwa natə tsa akwa ni. Antə mdərthlentərhyel ni tsarar Bitrəs ata pathlahari, ka thlentə ni, akwa pəla alari, “Thlatə taktar.” Təkəma antə canayeri ni pumtadzi ata tsiya Bitrəs. 8Antə mdərthlentərhyel ni pəla, “Hatə kariyir nga, ka ra hatə ɓaɓiyir nga.” Antə Bitrəs ku hara apatə mdə pəla alari. Antə tsa ni pəla aka mdə ni, “Hangkər ləptər nga, ka gə nu ra.” 9Antə Bitrəs nutə ni tə da ləɓəla, amma təng tsa akwa nggari apa tsa akwa suni daci. Tsa aɗi nggaɓəla abbər su tə mdərthlentərhyel akwa harari ni ata ndzi jiri wa. 10Sakatə da ku təramta mdər gadi na ntangkəma ka na suɗkur, ka si adzə nyarfur liya na aləbwar kuta bərni ni, antə nyarfu ni kəlardzi ala ɗa ka kərari surni. Antə da ləɓəla. Sakatə da ku ləɓəla ka nutə lakur kuta di laga, təng təkəma mdərthlentərhyel ni təra kazhar ni.
11Sakatə Bitrəs ngka akwa hangkalari, antə tsa pəla, “Kulini I ku nggaɓəla abbər su ni jiri! Mthlaku an thlentə mdərthlentərni ka tsa si msərantə ra akwa Hirudus, ka shanga ɗimikur tə mjir Yahudi akwa bara hara ali.”
12Sakatə tsa ku nggaɓəla apani antə tsa ku mwari ahar Maryamu, na mama' Yahwana na ka thləm gyalərni Markus, akwa vəi tə mji tsaptədzi hang akwa hara adduwa kamnyar ni. 13Sakatə Bitrəs tsarar nyarfu, antə ɓzərngkwa laga ka thləmari Ruda si ka tsa nggatə suari. 14Amma sakatə tsa nggaɓəla abbər kuraka Bitrəs, antə ɗəffari ndzi msəra alari ka duna, har tə tsa ngka avi ka hwi, kula tsa kəlar nyarfu ni, kamnyar kucali. Antə tsa pəla ala ɗa, “Bitrəs diya an aɓəla akwa nyarfu ni!” 15Antə da pəla, alari, “Gə ka cicu ya!” Amma tsa ndzangkir akwa pəlari abbər jiri. Antə da pəla, “Sakani mdərthlentərni.”
16Amma Bitrəs ləkəma ka tsa nyarfu ni. Sakatə da si ka kəlar nyarfu ni, təng da wutə ni, antə da ndatədzi. 17Amma tsa gari ala ɗa ka tsiyari abbər ka da ndzi ɗiɗi, antə tsa baɗitə ngkərɓəla ala ɗa laku Mthlaku kəɓəla ni akwa pərsəna ni. Antə tsa pəla, “Ka giri pəla ndər ngəni aka Yakub, ka mambila mjir nuwa.” Antə tsa zhar ɗa ka təra mwari akwa vəi damwa.
18Sakatə viri ku kuri, aɗi thlentə hangkal na raka an thlata akwa daɓwa sojayeri ni ata kəra su na wutə Bitrəs nə wa. 19Sakatə Hirudus ku pakə ni, amma tsa aɗi wutə ni wa, antə tsa yuwa mjir gadi ni, ka tsawa abbər ka mdə tsəgəi ɗa.
Aghəla nda antə Hirudus zhar tsəɗi Yahudiya, ka mwari ahar Kaisariya ka ndzəndzi anda.
Hirudus Ku Mti
20Akwa saka nda, ɗəffa Hirudus ɓzəɓzari ata kəra mjir Taya ka mjir Sidon. Antə da mwari adzə ni ata kəma duku kamnyar kəɓa ka tsa. Tsuwa da ku ndəkərtə hangkala Bilastus, olər mjir kəthlər aka kuthli, abbər ka tsa dlar ɗa. Antə da ku mwari adzə Hirudus ka yu ni abbər ka da shwalatədzi, kamnyar da ana wutə susəmər ɗa akəla tsəɗiyir kuthli ni.
21Akwa vir tə da carɓəla abbər da ata kəɓa ni, antə Hirudus hatə ləptər kuthlikurərni, ka ndzəndzi ata kəra dəkəl kuthlikurərni, ka gari ala ɗa. 22Antə mji ni putə kuraku abbər, “Ngəni kuraka hyel, aɗi kuraka mdə wa!” 23Təkəma təng mdərthlentər Mthlaku tsa ni, kamnyar tsa aɗi nar səli aka Hyel wa. Antə kulamnyayeri ləkwa ɓɗəɓɗə ni har tə tsa mta.
24Amma ndərər Hyel ku jakjaka ka ləkəma ka titilidzi.
25Sakatə Barnabas ka Shawulu ku kuri kəthlərər ɗa, antə da zhar Urushalima ka ngka avi, tsuwa da si kəga Yahwana natə mda ana kəga ni Markus.
Цяпер абрана:
Kəth Apos 12: KNB
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.