Zabbu̱li̱ 15
15
Zabbu̱li̱ gya Dau̱di̱.
1Ai̱ Mukama, naani yogwo ali̱goonya mu heema gyamu?
Naani aliicala ha lusahu lwamu lu̱syanu̱?
2Yooyo yogwo akora birungi, atali na kakuu,
abaza mananu ga ha mutima gwamwe,
3atasi̱i̱ga bei̱ra nzi̱ro
kandi atakora bataahi̱ baamwe kubiibi,
habbe kuhesa banywani baamwe,
4yooyo yogwo agaya nkori̱ za bibii
kandi atamwo ki̱ti̱i̱ni̱sa bab̯wo baramya Mukama,
yeemeera ku kigambu kyamwe, nab̯ukyabba ni̱ki̱ku̱ru̱mya.
5Yooyo ahora sente zitaloho magoba,
atagulwa ku̱zi̱ndi̱ri̱za atali na musangu.
Yogwo akora bi̱byo tali na kyati̱i̱na.
Цяпер абрана:
Zabbu̱li̱ 15: LUGUNGU
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2025, Wycliffe Bible Translators, Inc. All rights reserved.