Proverbios 22
22
1A̱ntsí jína chróchóxin itsjé chojni ti jeheni
ke ti chróchóntani itsjé nkehe tjete,
la a̱ntsí jína chróchóntehe chojni kjuasàya ti jeheni
ke ti chróchóntani oro o̱ plata.
2Ti chojni rico la ko ti chojni nóa la nkokón sínkí sin
kixin yóí sin la Itꞌéni Díos kjuíchꞌéna.
3Ti chojni tjenka̱yáxin la tꞌikon siín kjuachrakon la sátjihya ntiha;
a̱ndá ti chojni lo̱nti̱ la ándo̱sén sátji ntiha la tjasóte.
4Chrokjui̱nchejiéhya a̱sán la chrókjuíkosáyehé Itꞌéni Díos,
ndá xi̱kaha tsꞌayéhé ti nkehe tjete, ti kjuasàya la ko kjuachón.
5Nti̱e ti chojni tjasin ijie̱ la siín nchónhña nkehe chrókjuichròexín chojni;
a̱ndá ti nkexro tjue̱he a̱sén la sátjihya ntiha.
6Chrokjuákohé ti chájan ti nti̱a jína,
la kjónté tso̱táda sin la tsíto̱ehya sin ti nkehe kuíhin sin.
7Ti sin rico la tꞌe̱tue̱hen ti sin nóa
a̱ndá ti sin itjen chichaon la sichꞌehe ixra̱ ti nkexro kjuajon ti chichaon.
8Ti nkexro tsꞌe̱nka̱ nkehe jínahña la nkehe jínahña tsotjá,
la Itꞌéni Díos sinchekꞌitjáñaxín chꞌan ti jehe sin ti kjuanínkaon kuènté chꞌan.
9Díos sincheñao ti nkexro tjinki̱tsa íso chojni
la tjajon nkehe sinie ti chojni nóa.
10Tꞌinki̱té ti chojni tꞌándaxíha̱n la tsjìin ti tsjajo̱n chojni
ndá xi̱kaha tsjìin ti náxrjónhña la ko ti kjuanínkaon siín.
11Ti nkexro tjinkaon tjóá tsjakꞌe la ko chaxín jína nixja
la xi̱kaha tsꞌiton ti rey.
12Itꞌéni Díos la tꞌayakohen chꞌan ti chojni nohe,
a̱ndá ti nkexro chꞌia la nchekꞌitjáña chꞌan.
13Ti nkexro séhe
la ndáchro kixin nti̱a itjen ijnko koxra̱
tjinkaon va tsꞌóñá va ti jehe chꞌan.
14Irꞌua ti chojnichjin xriko itsjé chojnindoa, la éxi ijnko tòye̱ ni̱nka
tsꞌánótje̱ñá ti chojni kꞌuáyéhe̱ ti kjuanínkaon kuènté Itꞌéni Díos.
15Ti kjualo̱nti̱ ichꞌe kaín chájan,
la ticháxi̱n tsꞌekon xjan ndá tsꞌaxrjehe kaín tíha.
16Ti chojni rico la chꞌiyehe ti chojni nóa kixin a̱ntsí tso̱rico,
la ti chojni ncheki̱to̱nhe̱n nkehe tjete ijnko rico,
la chaxín tso̱nóa sin.
Ti treinta kjuaxrexinkaon jína ndáchro ti sin imá nohe
17Chrokjuakꞌe chrókuihín ti nkehe nixja ti nkexro imá nohe,
la chrókjuakꞌe nkaya a̱sán kaín ti nkehe jína kjuákohá.
18Náxrjón ti tsꞌitjá tsꞌenka̱chjina ti nkehe kuihín
la jína tso̱chro̱nka kaín tíha.
19Ijie tsjákohá ti itan tjajon kjuaxrexinkaon
kixin jína chrókuinkachónkia Itꞌéni Díos.
20Méxra̱ ikjian treinta kjuaxrexinkaon jína
kixin chrókiénxian la ko chrókꞌuitjá.
21Tíhi mé tsjinki̱tsa tso̱noha ti nkehe chaxín,
ndá jína tsjate̱hé ti nkehe chrókjuanchankí nkojín chojni.
1
22Chrokueéhya ti sin nóa kixin nóa sin
la ko chrókjui̱chꞌiahya kixin chrókjuasóte sin ti itjen ti chꞌin juez,
23kixin Itꞌéni Díos mé tjinki̱tsa ti jehe sin
la sinchekjasóte chꞌan ti sin nchekjasóte ti sin nóa.
2
24Chrokꞌuitonhña ti chojni xra̱hya tónínkaon,
la chrókꞌuitonhña ti chojni tjoka tójie̱he;
25kixin ti tsꞌituan sin la kjá kja̱xian tsankiá ti nkehe nduáhya ichꞌe sin,
la xi̱kaha tsꞌitjáñaxián kja̱xin.
3
26Chróndáchrohya kixin chrókjuenka̱yákohén ti chojni síká
27kixin ti tsjachahya tsjènka
la hasta ti cama kuèntá tsakitsjaha sin.
4
28Te̱endáhya itꞌo̱ ti nonte,
tsíkito̱he ti tꞌáchri̱a.
5
29Ti nkexro jína ichꞌe ti ixra̱ kuènté, la sichꞌehe ixra̱ ti sin rey
la sichꞌexínhña ixra̱ ti siín ti chojni tjetuanhña.
Цяпер абрана:
Proverbios 22: poeNTplus
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.